今次去「廣州」我哋會入住「廣州賓館」，呢間位於「海珠廣場」旁邊嘅老牌酒店，經過翻新之後，既有老廣州嘅情懷，又夠晒現代智能，而位於酒店25樓嘅「得雲宮」，點心非常好味，食飽就會步行去不遠嘅「廣州聖心大教堂」參觀.....

全文內容

得2日假期可以去邊度玩？近近地過「澳門」其實係唔錯嘅選擇，但去得多又已經冇乜新意，所以今次兩日假期，我哋就出發去「廣州」，而家開咗「深中通道」，搭跨境直通巴士3個鐘內就可以去到「廣州」，又唔使左轉車右等車，首先呢篇會講下喺「廣州」入住嘅酒店，同附近嘅美食、購物與景點，今次入住嘅酒店就係 ~

廣州賓館

酒店資訊

地址：中國廣東省廣州市越秀區起義路2號

電話：86 20 8333 8168

入住/退房時間：14:00/12:00

停車收費：酒店沒有停車場

🔻公共交通：
▶️從「香港」前往「廣州賓館（海珠廣場站）」，最方便的方式是搭乘跨境直通巴士，直達酒店門口，車程約3小時，涵蓋太子、尖沙咀、九龍站、屯門等多個上車點
▶️從「香港西九龍站」搭乘《高鐵》至「廣州南站」，車程約47-60分鐘。抵達「廣州南站」後，轉乘《地鐵2號線》至「海珠廣場站」即可到達

環島中港通廣州線價目表：

香港➤➤廣州價目
線路站點	成人票單程 / 雙程	3 歲以下單程 / 雙程	3 -11歲 65歲或以上長者單程 / 雙程
九龍 / 新界 /港島	$110 / $170	$10 / $20	$70 / $140
大嶼山	$100 / $155	$10 / $20	$70 / $140
香港國際機場	$250 / $360	$20 / $40	$120 / ——

永東直通車官網👈

下面呢個圖就係今次2日1夜嘅景點

至於地圖因為Google喺國內不太準確，而高德又註冊唔到，所以冇辦法整到活用嘅地圖出嚟😔

我哋乘搭『中港通跨境巴士』直接喺「廣州賓館」落車，酒店位置真係無得輸，就喺「海珠廣場地鐵站」上蓋

亦係地鐵2號線同6號線嘅交匯點，無論你喺「廣州東站」落火車，定係想去「北京路」行街，基本上都係幾個站就到，甚至行路都去到

呢個銅像係~廣州解放紀念像

酒店嘅外觀，有些老舊，初見時個心真係沉咗一下，但當入到酒店裡面，就真係有驚喜

講起「廣州賓館」，好多老一輩嘅香港人都會記得，佢係「海珠廣場」嗰幢最高嘅樓，又叫『廿柒層』

雖然佢建於 1968 年，係一代經典，酒店嘅外貌雖然好似有啲殘舊，但佢前兩年先大裝修完，而家裡面其實好新淨，完全唔係你想像中嗰種殘殘舊舊嘅賓館

裝修真係一啲都唔差㗎

🏨 裝修風格：嶺南文化 x 現代科技

大堂以「珠江」為設計靈感，有「廣舟」藝術裝置

酒店仲有個『粵書吧』，係同「廣東省立中山圖書館」合作，行過去坐低睇書、飲嘢，都幾有文青feel。雖然呢度唔係主打泳池、健身室嗰類度假村，但係6樓有多功能宴會廳，有270度投影，科技感好強，有時會有展覽或活動

大堂亦陳列咗一啲傳統節慶物品，有大鑼大鼓嘅龍舟

仲有結婚時穿嘅鳳冠霞配，夠曬傳統特色

一共有4部𨋢可以上房間

搭𨋢上房係要拍房卡，先至可按樓層，保安感尚算唔錯

今次住得比較高19樓，酒店共有27層

房間樓層燈光明亮，睇得出經過裝修，而且無一股陳年噏味

打開房間門入嚟，首先見到一整排冇門嘅衣櫃收立空間，見到掛住兩件浴袍，連雨傘同附加嘅棉被都有供應

呢邊就見到有拖鞋、擦鞋用品同洗衣袋

連夾萬都有

非常貼心預備了一個環保袋畀你購物用🤭

喺開放式衣櫃對面就係洗手間

呢個洗手間真係有啲驚喜

雖然空間唔係好大，但就十分乾淨

所供應嘅梳洗用品亦很齊全

連浴室磅都有

最額外嘅驚喜係有智能馬桶

浴室就係獨立一間

無浴缸，得花灑沖涼位，但係咁仲好，唔使喺個浴缸沖涼驚跣腳，又唔使跨出跨入

開放衣櫃隔離就係擺放茶具嘅雜物櫃

亦有兩支細嘅水加一超大支水贈送

有茶包、咖啡包

最低嗰個係可以拉出嘅櫃桶式雪櫃

有一罐可樂同橙汁贈飲

電視機旁邊就擺咗兩組梳化同兩張茶几

呢個設計真係有啲搞笑，一人一邊唔使爭😂🤣

兩張床擺放喺房間嘅中央，可以三邊落床

仲有埋空氣香薰劑

房間整體都非常乾淨，亦沒有陳年嘅黴味

最高科技嘅就係有AI聲控智能系統，你叫佢開燈、閂燈、開電視、開窗簾乜都得，真係先進到令人大開眼戒

雖然今次我哋唔係入住江景房，但其實行幾分鐘就已經見到「珠江」，況且我哋都係夜晚先會逗留係房，所以係唔係江景都冇所謂

望出去都好開揚，完全冇其他樓宇阻擋視線，（係呀去「廣州」都要帶埋大頭🐼大壯🐼去呀🥰）

攞完房我哋就出發食午餐，今日就幫襯酒店25樓嘅 ~

得雲宮

搭𨋢要喺酒店大堂後面搭，係唔同上房間嘅𨋢一齊

升降機係全落地窗，可以睇到「珠江」

夜晚食完飯去吹吓海風，望住「海珠橋」嘅夜景，真係幾寫意

我哋坐係一般大廳，比我想像中多人

坐喺大廳嘅茶錢都要15蚊人民幣一位，價錢一啲都唔平㗎，但係都咁多人幫襯，就可想而知啲嘢有幾好食

「得雲宮」嘅點心水準保持得唔錯，仲係即叫即蒸，食得出師傅嘅心機

下面影咗啲菜單俾大家睇下

坐喺靠窗嘅位置，同樣可以欣賞到「珠江」景色

我哋嗌咗幾樣點心，全部都好好味

下圖係（鮮蝦腐皮卷），腐皮煎到脆卜卜，裏面啲餡料全部都係蝦，彈牙都不得了

好味指數👍👍👍👍👍

雖然三十幾蚊人民幣唔係好抵食，但隻隻鳳爪都肥嘟嘟，啲筋肉咬入口真係QQ彈彈，畀係香港食開嘅鳳爪肥美

好味指數👍👍👍👍

糯米雞睇落係與別不同嘅包法，其實只不過外層加多咗張錫紙

裏面同樣都係有荷葉包住，裏面仲有細細粒嘅鮑魚，嚿雞係新鮮雞，唔係雪藏貨色，食落係唔同啲㗎

好味指數👍👍👍👍

以下兩樣都係我嘅至愛，（芋角）喺香港已經好多地方冇得食，呢度同香港嘅做法有少少分別，佢係啲芋蓉度加多咗馬蹄粒，加埋芋蓉十分配合，食落口冇咁滯

好味指數👍👍👍👍👍

呢碟真係食極都唔厭嘅（沙翁），香港酒樓幾乎絕跡，充滿兒時記憶嘅味道，有蛋香外皮又脆內裏又軟熟，嘩😋寫緊都已經想食😅

好味指數👍👍👍👍👍

雖然價錢唔係平，但勝在好味道，（畀我預期中好味）

食飽飽我哋就再睇下酒店有咩設施，酒店地下有「環島通購票中心」，住呢間酒店搭直通巴真方便

另外仲有食肆，下圖呢間係酒店新開業嘅 ~

杏薈•烘焙工坊

營業時間：每天11:30-13:30

睇簡介好似係提供簡餐

另外一間係 ~ 嶺南花園咖啡

下午我哋打算步行過去參觀 ~

廣州聖心大教堂

景點資訊

地址：廣東省廣州市越秀區一德路56號

電話：020-83336737

🔻開放時間：
▶️星期二至星期五 09:00-11:30、14:30-17:00；星期六、日 14:30-17:00；星期一休息
▶️每月第三個星期日教堂內部不開放參觀
▶️如遇彌撒、婚禮或宗教節日（如復活節、清明、春節），開放時間可能變動或不對外開放參觀

停車收費：教堂沒有停車位

🔻公共交通：
▶️乘搭《地鐵6號線》到「一德路站」下車，步行約 5 分鐘即可到達
▶️可以搭巴士8、9、61、82、194等路線，喺「一德路站」落車

由酒店行去教堂都係10分鐘左右，行出去隨處可見充滿「廣州」風情的建築