「安達仕酒店（Andaz Macau）」，坐落喺「氹仔 - 澳門銀河」度假城入面，兩座酒店大樓嘅外牆設計靈感嚟自【宮廷花園】嘅花瓣形態，一層層好似波浪咁，同附近其他建築好唔同，好有動感同藝術感，免費Mini Bar真係好加分，慳返唔少買飲品嘅錢。「官景正宗葡萄牙餐廳」水準之上，係「澳門」食到比較正宗嘅葡菜之一.....
全文內容
繼上一篇喺「氹仔」轉完一圈大運後，(未睇過上一篇嘅記得留意番⬇️)
就已經夠鐘可以check in入住酒店，今次我哋就選擇住喺 ～
安達仕酒店
（Andaz Macau）
地址：澳門路氹城「澳門銀河™」綜合度假城
電話：853 8886 1234
入住及退房時間：15:00-11:00
🔽公共交通：
➤冇直接接駁車可到達，要喺「銀河酒店鑽石大堂、水晶大堂」轉接駁巴士先可以到酒店
⭐（接駁車資訊，請看下文） ➤最近之輕軌站是「路氹西站」
酒店坐落喺「氹仔 ~ 澳門銀河」度假城入面，同「銀河國際會議中心」、「銀河綜藝館」係打通的
下圖喺「銀河酒店鑽石大堂」嘅水池Show
因為「安達仕酒店」在口岸、碼頭，冇直接接駁車可到達，要喺「銀河酒店鑽石大堂、水晶大堂」呢邊轉接駁巴士先可以到酒店，所以趁順路我哋都入嚟「銀河」影下相先
酒店接駁巴士
仲有Nespresso咖啡機，配埋4粒咖啡
📌室內游泳池🏊
| 免費接駁巴士 | 前往「澳門銀河 | 「澳門銀河」出發 | 詳情 |
|---|---|---|---|
| 關閘（毗鄰拱北口岸） | 09:00-23:30 | 09:00-23:30 | 平均5-15分鐘(車程約25分鐘) 關閘（毗鄰拱北口岸） →鑽石大堂# → 關閘（毗鄰拱北口岸） |
| 氹仔碼頭 | 09:00-23:00 | 09:15-23:15 | 平均15-40分鑑(約20分鐘車程) 氹仔碼頭 → 水晶大堂# → 氹仔碼頭* |
| 澳門國際機埸 | 10:00-21:00 | 10:15-20:45 | 平均35分鐘一班 (車程約20分鐘) 澳門國際機埸 → 水晶大堂# → 澳門國際機埸 |
| 橫琴口岸 | 09:00–22:00 | 09:15-21:45 | 平均5-30分鐘 (車程約10分鐘) 橫琴口岸 → 水晶大堂# → 橫琴口岸 |
| 澳門安達仕酒店 | 09:00-02:00 | 09:00-02:00 | 平均5-10分鐘 (車程約10分鐘) 澳門安達仕酒店 → 水晶大堂→ 澳門安達仕酒店 |
| 港珠澳大橋 | 10:00-22:00 | 10:00-22:00 | 平均10-25分鐘(約25分鐘車程) 香港珠海澳門大橋 → 鑽石大廳 → 香港珠海澳門大橋 |
| 星際酒店 / 澳門港澳碼頭 | 09:30-22:00 | 09:30-22:00 | 平均10-20分鐘 (車程約35分鐘) 水晶大堂 → 星際酒店 → 澳門客運碼頭 → 星際酒店 → 水晶大堂 |
| 荔枝碗船廠 (星期六至日) | 12:20-19:40 | 12:20-19:20 | 平均40分鐘 (車程約20分鐘) 荔枝碗船廠 → 鑽石大堂 → 荔枝碗船廠 |
| 澳門中區 (鄰近新馬路) (星期六至星期日) | 11:00-19:00 | 11:00-19:00 | 平均20分鐘 (車程約20分鐘) 澳門中區 (鄰近新馬路) → 鑽石大堂 → 澳門中區 (鄰近新馬路) |
當然如果你唔介意行路嘅話，喺「銀河酒店」步行大約800公尺左右都可以到達
又或者可以直接乘搭輕軌，在「路氹西站」落車，酒店就喺「路氹西站」旁邊
喺「銀河酒店」路經呢間 ~
羅夫人祖傳葡撻
營業時間：
12:00-21:00
據說葡撻係用咗葡萄牙傳統百年秘方炮製，講到好似好犀利，所以都決定買嚟品嚐
葡撻同蛋糕都.....🙄一言難盡🙄🙄，如果唔抱有太期望嘅心態，都可以試下品嚐🫣
🏨酒店的外觀
兩座酒店大樓嘅外牆設計，靈感嚟自「御花園」嘅花瓣形態，（不過我真係睇唔出🤔）
入到嚟酒店有專人招呼帶路，感覺自己好似變為重要人物
成間酒店都係冇商店，喺地下只有一間小型飲品小食店
地方係好大，不過週圍都冇乜嘢特別建設
同「銀河酒店」成反比，呢度除咗入住嘅人，基本上冇太多外來人過嚟，所以一入到酒店地下大廳，真係覺得有啲水淨河飛
可能因為與「銀河國際會議中心」、「銀河綜藝館」互通，要留有空間疏導人群
剛剛見到嘅其實都係酒店地下嘅環境，6樓其實先係正式大堂，呢個設計幾特別，check-in嗰陣已經有種升級嘅感覺
酒店大堂唔算太金碧輝煌，反而有少少藝術氛圍
喺reception旁邊有免費夾嘅糖果，超受小朋友歡迎
而喺reception對面就有安達仕酒廊禮遇
每位入住人士都可以享用
裏面有飲品、小食供無限飲用
如果過咗下午五點鐘，仲有酒精類飲品，我冇記錯嘅話供應時間好似係到晚上8點或9點😅
免費得嚟都真係好有誠意㗎，起碼係有款式選擇嘅
呢邊仲有英記餅家供應嘅嘅榛子、鹽焗杏仁、杏仁餅
因為遇著繁忙時間，下午三點check in時間，大家都喺度排隊等攞房，唔使排隊嘅親朋好友就可以坐喺度嘆世界
我呢啲唔使排隊嘅，就可以週圍影相
酒店本身都好多藝術元素，好似條《澳步廊》樓梯，行過時會播澳門短片，幾有趣
感覺真係唔似傳統酒店，反而似去咗個藝術展
呢個角度影落去，真係有少少似『霍格華茲』一樣
乜嘢係『霍格華茲』？😳😳😳即係『哈利波特』學魔法間學校
擺放休息座椅一啲都唔密集，坐喺度真係會幾relax
成個空間感都非常充足
呢度行入去就可以去到安達仕酒吧、安達仕廚薈
恆溫泳池同健身室就喺另一方向
喺一啲角落會配上一啲藝術壁畫，令週圍充滿咗濃厚嘅藝術氣氛
不過未上到房間之前都要講一些稍差嘅經歷，到我哋攞房嘅時間差唔多下午四點，因為今次同家人一齊出發，訂咗兩間普通房，其中有一間要過咗五點後先有，（不過呢啲都唔算新鮮事，因為我之前住「永利皇宮」都試過）👎
另一樣減印像分嘅就係，生日冇自動特別的安排，因為入住嘅隔一天就係我生日，雖然我亦唔期望會有，但試過住「美高梅」有自動自覺送果盤、送朱古力，住「君悅」自動upgrade間房，就覺得「美高梅」、「君悅」十分貼心，當然我亦都唔會強求或詢問人哋有冇生日禮遇，冇自動自覺嘅安排，我就減印像分，十分合理🆚
講番正題，搭𨋢上到嚟房間樓層嘅走廊，係咪好有藝術feel呢？
一進入房間右手邊就見到浴室
淋浴區有透明玻璃門隔住，裏面有浴缸、有花灑企位，算係非常大嘅空間，而且酒店係用Byredo的洗護用品，非常唔錯
不過盥洗區就同坐廁一齊，呢個又係扣分項
梳洗用具嗰盒砌得好靚，真係成幅藝術畫作咁
雖然話坐廁同盥洗區一齊係減分項，但酒店係用智能馬桶喎，咁又變返加分項
住酒店每人嘅需求唔同，所以準則亦會有所不同，所謂嘅加分減分都係我個人嘅準則而言😉
如果訂房時話會有小朋友同行，酒店就會額外有1set兒童洗護用品送畀客人
廁所對出就係擺放行李嘅空間
今次我住嘅係標準客房，大概35平方米，空間感唔錯。一入房就見到佢用咗森林綠同暗橙色嘅配色，感覺好柔和舒服，見到嘅衣櫃、茶櫃真係有復古Feel
打開衣櫃睇下有啲乜嘢設置
有保險箱
擦鞋用品
入住酒店會送『安達仕體育明星拖鞋』，係全新嘅，有索帶招紙未斷，不過酒店就冇提供拖鞋，喺酒店可能都需要著返呢對贈品
小朋友亦都有拖鞋贈送
跟住去睇下茶櫃嗰邊有啲乜🔎
有1個小型杯麵同（英記餅家手信）1盒（都係贈品）
呢盒（英記手信）個包裝真係非常靚，見到真係有啲驚喜
裏面送嘅嘢都唔差㗎，有杏仁餅、鳥結糖、迷你蛋捲，雖然係贈品，但都非常有Heart ❤️
藍色個花紋罐，外表真係非常別緻，裏面係用嚟裝茶包
最底層就係櫃桶式雪櫃，拉開見到所有飲品都係贈送，包括2罐可樂、1罐啤酒 、1包鮮奶、1支橙汁、1支梳打水、另外仲有飲咖啡嘅cream(贈飲每次入住可享一次)
今次我哋訂嘅係雙床房，空間感非常足夠
床對住嘅就有電視，同一塊長長嘅木板當枱，可以擺雜物，角落仲有一張圓枱仔同櫈
落地窗望出去都幾開揚，見到對面嘅「威尼斯人」
以下都係一啲加分項目，話說我哋食完晚飯，返到入房間，就發現房間被執拾過，喺床邊仲有一張welcome紙條，加附送遮光眼罩
我擺咗副太陽眼鏡喺枱面，佢就附送抹眼鏡紙巾、抹眼鏡布
電線我就整開咗擺喺枱，佢又附送一個真皮扣幫我綁好
亦都非常貼心，喺茶櫃裏面攞出杯墊同支水，擺喺床頭櫃上面
呢啲舉動的確係令人覺得貼心、有誠意💯
跟住就睇下酒店有乜嘢設施🔎：
📌安達仕酒吧🍷
營業時間:
上午11時至晚上12時 (星期日至星期四)
上午11時至凌晨1時 (星期五至星期六)
位置: 澳門安達仕酒店 北翼大樓6樓
 |
| 圖片出自：Andaz Macau |
📌安達仕廚薈🍽️
營業時間:
早餐：上午6時半至10時半
早午餐：中午12時至下午3時（星期六、日）
午餐：中午12時至下午2時半（星期一至五）
晚餐：晚上6時至10時半
位置: 澳門安達仕酒店 北翼大樓6樓
 |
| 圖片出自：Andaz Macau |
📌健身中心🏋️
24小時開放的健身中心，配備TechnoGym新款的有氧及重量訓練器材位於酒店6樓
 |
| 圖片出自：Andaz Macau |
19米室內恆溫泳池：一年四季都游到，夜晚開埋燈幾有氣氛，池邊有躺椅可以hea
開放時間：上午7時至晚上10時
位於酒店6樓
餐廳資訊
地址：氹仔告利雅施利華街86號
電話：853 2857 6700
🔽營業時間：
➤星期一至五：11:30-15:00；18:00-23:00
➤星期六、日、假日：11:30-23:00
🔽公共交通：
最近之輕軌站是「排角站」，落車步行約3至4分鐘即可抵達餐廳
2樓嘅裝飾氣氛就變得隆重高貴啲
 |
| 圖片出自：Andaz Macau |
而入住酒店更可免費享用 ~
✨澳門銀河天浪淘園🚣
「天浪淘園」佔地面積達75,000平方米，擁有575米超長空中激流、大型空中衝浪池，以及綿延150米的白沙灘.....等，帶小朋友嚟必玩！
 |
| 圖片出自：Andaz Macau |
另外亦可免費享用 ～
✨童樂坊🤹
入住酒店可免費使用一次（限2小時） ，包括2位大人+2位小童（12歲或以上當成人）
需要提前1日預約（訂房有時連結預約）
「童樂坊」係佔地1200平方米的超大遊樂區，有十大趣味主題空間，令小朋友可以從玩樂中學習
開放時間：
每天上午10時至下午6時45分
銀河酒店二樓
 |
| 圖片出自：Andaz Macau |
總括來講，如果你鍾意設計感強、有文化氣息、服務細心嘅酒店，而唔係純粹追求金碧輝煌，澳門安達仕真係一個好有驚喜嘅選擇。雖然初頭搵路有少少轉折，但住落之後覺得呢份寧靜同藝術感，係其他大型酒店比唔上嘅。下次去澳門想試新嘢，不妨考慮下佢！
晚餐我哋就出去「氹仔舊城區」開餐，試吓網上好多人講嘅 ～
官景正宗葡國餐廳
地址：氹仔告利雅施利華街86號
電話：853 2857 6700
🔽營業時間：
➤星期一至五：11:30-15:00；18:00-23:00
➤星期六、日、假日：11:30-23:00
🔽公共交通：
最近之輕軌站是「排角站」，落車步行約3至4分鐘即可抵達餐廳
餐廳喺「告利雅施利華街」一棟樓入面，門面唔算好顯眼，但入到去別有洞天
餐廳地下嘅設計，充滿歐式小鎮風情
 |
| 圖片出自：taipavillagemacau |
三樓就係別具一格嘅露台
 |
| 圖片出自：taipavillagemacau |
我哋嗰晚嗌咗幾樣嘢食，大部分都算好味，價錢就中等唔算太平，跟住就同大家睇下佢哋嘅菜式：
辣汁煮雞肝👍
個汁辣辣地非常惹味，（不過我就始終食唔慣雞肝嗰種腥臭味）
下圖係一定要食嘅
（炸馬介休球Codfish Cake）
👍👍👍👍👍
馬介休作為澳門名物又點止一個食法，最經典一定係炸馬介休球啦。呢度係用傳統做法，用兩隻西餐匙羹將馬介休壓實再炸，唔只淨係食到薯蓉，基本上係食到一絲絲嘅馬介休，馬介休嘅比例非常多，十分好味
（薯蓉焗馬介休）
👍👍👍👍👍
出面試過幾間嘅做法都係薯蓉比例偏多，呢間就真係做得非常出色，馬介休份量非常多，而且因為冇太多薯蓉食落冇咁滯
假期雞
👍👍👍
其實就係普通燒雞，不過皮脆肉嫩又多肉汁，味道亦非常唔錯
葡式乳豬(例牌)
Suckling Pig 👍
「宮景正宗葡國餐廳」皇牌美食之一，，真係用乳豬仔所以肉質好嫩。但係唔知係乜嘢原因，我哋嗰晚食嘅時候，碟乳豬唔係太熱同啲皮已經淋曬，但係個點乳豬嘅汁非常ok，有配菜又有薯條，薯條炸得非常鬆脆
另外餐廳亦有必食嘅招牌菜，好似以下呢兩樣：
葡式海鮮飯Seafood Rice
海鮮飯用葡萄牙傳統陶鍋盛載，足料程度有驚喜。鋪滿龍蝦、青口、大蝦同蜆，不過價錢一啲都唔平，要四百幾港幣
雜錦肉串Espetada de carne mi sta
同樣好有氣勢嘅雜錦肉串，烤肉係厚切，仲跟配埋沙律、薯條
.webp) |
| 圖片出自：taipavillagemacau |
食飽飽就喺附近散下步再返酒店，喺「澳門」又渡過了愉快的一天
謝謝您的觀看❤️期待好快又有（澳門篇）推出
發佈留言