神奈川縣 ~ 鎌倉大佛殿高德院、小田原城址公園、餐廳 bills 七里ヶ浜【4月櫻花之旅自駕，由箱根去鎌倉之美景】

4月去日本，當然係追櫻啦！今次同大家分享一條「神奈川縣」嘅精華路線，包括有：

「小田原城址公園」– 關東【難攻不落】嘅櫻花名城

「bills 七里ヶ浜」– 對住「太平洋」食【世界第一鬆餅】

「鎌倉大佛殿高德院」 – 與櫻花相伴嘅千年國寶

一次過體驗歷史古蹟、壯麗海景同世界級美食.....

全文內容

今日要同「箱根」講再見了，之後就會揸車出發去「鎌倉」，今次呢篇就係同大家分享沿路嘅風景、美食，首先第一個景點就係～

小田原城址公園

景點資訊

地址：神奈川縣小田原市城内6番1号

電話：0465-23-1373

🔽開放時間：
➤公園👉24小時開放
➤天守閣、常盤門武士館、小田原城忍者博物館👉09:00-17:00（最後入場16:30）

🔽門票收費：
➤公園👉免費
➤天守閣👉成人510日元、中小學生200日元
➤天守閣、常盤門武士館聯票👉成人610日元，中小學生220日圓
➤常盤門武士館👉成人200日元，中小學生60日元
➤小田原城忍者博物館👉成人：310日圓；中小學生：100日圓

👇停車費用：
🌟「小田原城公園」內沒有公共停車場，要使用周邊地區的收費停車場，（可以選擇的停車場如下）
🔽藤棚臨時駐車場
➤ 📍MAPCODE： 57 288 417 *16
🔽小田原城三の丸駐車場
➤ 📍MAPCODE：57 288 445 *48
🔽本町臨時駐車場
➤ 📍MAPCODE：57 289 609 *08
公共交通：
從「JR小田原站」步行350公尺約5分鐘即可到達

由「Re Cove」飯店開車行駛17.7公里約24分鐘就可以到達，（📌呢段路不需要公路費）

公園內沒有停車場，要將車停泊喺附近嘅收費停車場

我哋就將車停泊喺～

藤棚臨時駐車場

Fujidanarinji Parking Lot

（頭一小時：350日元，之後每30分鐘100日元）

MAPCODE：57 288 417 *16

停車場對面就係『南入口』，行去目的地非常近，沿路會經過～

御感の藤

呢度每年4月下旬到5月初都可以欣賞到紫藤花

『南入口』呢邊嘅風景，仔細看還是蠻漂亮的

經過「御茶壺橋」就會到達～

小田原市郷土文化館

開放時間：星期一至日09:00–17:00

館內收藏並展出與「小田原」歷史、民俗、文化、考古和自然相關的資料，是遊覽「小田原城」時值得一去的景點

再向前行就到達 ~

銅門広場

「小田原城」係日本『百大名城』之一，以【難攻不落】聞名戰國時代。而家成個「本丸遺址」變成公園，更係入選『日本櫻花名所100選』嘅超強賞櫻點！

呢個係順路嘅景點，完全唔需要兜路就可以嚟到，最重要嘅係適逢四月櫻花季，我哋當然要入嚟參觀下

唔洗行太多路，就已經行到嚟～

常盤木橋ときわぎばし

（行上樓梯就已經係天守閣）

「常盤木橋」是一座通往「常盤木門」的朱紅色橋。每年六月，橋下鳶尾花盛開，呢度亦係好多遊客喜歡嘅熱門影相地點

櫻花加上紅色橋樑，非常經典日本Feel 嘅場景

「小田原城」據說始建於15世紀中葉，但於1870年被廢棄，大部分建築被拆毀，剩餘嘅石牆亦喺1923年嘅『關東大地震』中被徹底損毀

現今嘅「小田原城遺址」，包括大部分「本丸」和「二之丸城池」以及部分主城，已被指定為『國家歷史遺跡』。「本丸」周圍地區被開發成『城堡公園』

行上樓梯之後就見到「常盤木門」（於1971年修復）

「常盤木門」曾是重要嘅防禦要塞，因此比其他城門規模更大、結構更堅固。喺「常盤木門」一樓，您可以試穿盔甲。二樓係「常盤木門武士博物館」

穿過「常盤木門」就會嚟到「本丸広場」，「天守閣」就在前方

呢座「天守閣」於1960年重建，可以購票登上觀景台欣賞周邊美景

白色嘅城堡被一片櫻花海包圍，靚到好似明信片咁

除咗參觀「天守閣、常盤木門武士館」，對了解武士文化有興趣嘅朋友，都唔好錯過「小田原城忍者博物館」

除咗櫻花，呢度嘅梅花都靚

如果3月頭至中會嚟嘅話，可以欣賞公園裡嘅梅花，一樣咁出名

小貼士：5月黃金週期間，「小田原」會舉辦『北條五代祭』，有大型武士巡遊，場面好熱鬧！

離開「小田原城址公園」之後，我哋就繼續揸車沿住海岸線向「鎌倉」出發，喺途中有好多位置，都可以影到非常漂亮嘅「富士山」，喺呢度寫幾個地點畀各位參考：

照ヶ崎海岸

可以將車停泊喺：大磯港第二駐車場

MAPCODE：15 188 401 *62

茅ヶ崎漁港海岸公園

可以將車停泊喺：茅ヶ崎漁港駐車場

MAPCODE：15 228 602 *77

神奈川縣立湘南海岸公園

可以將車停泊喺：P4 県立湘南海岸公園中部駐車場

MAPCODE：15 237 107 *44

走下停下好快就嚟到「鎌倉」，「鎌倉」嘅打卡熱點一定會有以下呢個地方～

鎌倉高校前站

灌籃高手平交道

開車經過見到已經有非常多人聚集，喺度等「江之島電鐵」經過影相

呢個景點搭公共交通工具會比較方便，如果揸車嘅話可以停車嘅地方唔多，比較近嘅停車場需要預約，而且得兩、三個停車位，最近同實際嘅選擇係泊喺～

Coin Parking Lot コインパーキング

MAPCODE：8 181 303 *01

可停12輛車，費用喺呢個區域嚟講都算合理（15分鐘200日圓）但入口較窄，大車身嘅車輛難以進入，由停車場步行400公尺就可以到「鐮倉高校前」

「江之電鎌倉高校前站平交道口」，係因為日本人氣動漫《灌籃高手SLAM DUNK》片頭中出現嘅經典場景。呢部以高中籃球為題材嘅動漫，不僅在日本，在全世界都有超級多fans

不過如果冇睇過呢套動漫，又真係好難明白，點解有咁多人要企喺個平交道口等影相🤔

跟住就係嚟到，我哋最想幫襯嘅一間餐廳（提早嘅午餐）～

🐼 Bills七里ヶ浜

餐廳資訊

地址：神奈川縣鎌倉市七里ガ浜1-1-1 WEEKEND HOUSE ALLEY 2F

電話：467-39-2244

🔽營業時間：
➤星期一：7:00-17:00
➤星期二至日：7:00-21:00

官網預約
https://www.billsjapan.com/jp
公共交通：
坐《江之島電鐵》到「七里ヶ浜駅」落車，向海邊方向行約3分鐘就見到

可將車停泊喺：

七里ヶ浜海岸駐車場江の島側

MAPCODE： 8 181 174 *26

由「小田原城址公園」開車行收費公路37公里58分鐘就可以到達，費用為￥270円 (ETC星期六、日、假日有優惠￥190円)

不收費公路就需要行駛35.9公里1小時20分鐘先可以到達

喺「箱根、小田原」方向嚟嘅話，呢個停車場係位於對面線，泊車比較麻煩（但又比較近餐廳），等一陣喺餐廳影落嚟，再同大家分享有幾麻煩（收費頭1小時700日元，跟住每半小時300日元）

如果唔想麻煩，都可以泊喺7-11停車場「セブン-イレブン鎌倉七里ガ浜」（就喺上圖停車場對面），開頭20分鐘免費，但之後就10分鐘500 Yen😨😨😨😨😨，如果你泊個幾鐘，諗住去開餐、影相嘅話，一次停車場費可能已經夠架車入一大缸油，所以有時泊車，真係要睇清楚費用幾多

我哋提早已經喺網上，預約餐廳訂位，而家仲未夠時間，我哋就先欣賞下海景

神鵰大俠與他的手下烏鴉幫🤣

剛好見到有一對新人，喺度影婚紗相，喺呢度補祝佢哋：恩愛幸福👩‍❤️‍👨💞

呢度非常近「江之島」，不過今次因為時間太趕就唔參觀，留返下次有緣份先再見

終於可以入去餐廳食我夢寐以求嘅鬆餅😋，（由停車場步行230公尺3分鐘就可以到達）

其實呢個品牌嘅餐廳，唔淨止呢度有，喺日本其他地方都有，例如：

「橫濱紅磚倉庫、東京台場、東京表參道、東京二子玉川、東京銀座、福岡水上樂園、大阪站」都有分店，除咗日本，另外「英國、韓國」同發源地「澳洲」都有分店

餐廳嘅正門要從樓梯走上去先會見到

上到嚟就會見到餐廳入口

中午11點左右，唔係假日，現場唔係太多客人

餐廳有分室內同露台坐位

我哋就梗係揀坐露台，雖然坐得冇室內咁舒服

坐喺露台呢邊可以睇到無敵大海景，（呢個亦係最大原因，點解要揀嚟「鎌倉」呢一間分店用餐）

Bills係來自「澳洲」嘅人氣名店，被譽為『世界最棒的早餐』餐廳

呢張相就影到畀大家睇，點解泊剛剛嘅停車場麻煩，因為係路中央擺放咗一排雪糕筒，你根本就冇可能轉入對面線嘅停車場，而且一路向前行亦都冇地方掉頭

所以唯有轉入下圖嘅支路，再掉頭駛回就可以泊到呢個停車場

如果怕麻煩，亦可以選擇泊係較遠嘅 ~

アップルパーク七里ガ浜1丁目第1（停車場）

不過就距離較遠（323米）

又繼續講番餐廳，呢度最出名嘅餐點就係 ~

招牌Ricotta鬆餅

幾乎枱枱必點！鬆餅口感蓬鬆軟綿，好似食緊雲咁，配上香蕉同蜂巢牛油，簡單但超級好味😋

另外亦點咗個all day breakfast ，呢個亦都係唔錯嘅選擇

食飽就喺附近散下步影下相

「江之島電鐵」嘅車身又真係幾搶眼，影相出嚟嘅效果真係唔錯

如果唔喜歡食鬆餅，又想一邊開餐一邊睇到從你面前駛過嘅《江之島電鐵》，同埋食動漫裡嘅竹莢魚，咁就一定要幫襯以下餐廳 ~

Cafe Yoridocoro カフェヨリドコロ

營業時間：

星期三至一07:00–17:00；星期二休息

坐《江之島電鐵》到「稲村ヶ崎駅」落車，步行190公尺約3分鐘就可到達

（🔔窗邊的座位一定要提前上網預約）

圖片出自：enokama.jp

第一次嚟到「鎌倉」，有太多嘅地方都想去，加上剛好遇上櫻花季，真係有唔少選擇，不過講起「鎌倉」有咩景點出名，我估大多數人都會話係以下呢個景點～

🐼 鎌倉大佛殿高德院

景點資訊

地址：神奈川縣鎌倉市長谷4-2-28

電話：0465-23-1373

🔽開放時間：
➤4月至9月8:00-17:30；10月至3月8:00-17:00（閉館前15分鐘停止入場）
➤參觀大佛內部：8:00-16:30（閉館前10分鐘停止入場）

🔽門票收費：
➤成人、初中高中學生300日元
➤小學生150日圓
➤進入大佛內部需付費50日圓

👇停車費用：
🌟設有殘障人士專用停車位，必須提前預約。其他車輛要使用附近的收費停車場
💡（可以選擇的停車場請看下文）
🔽公共交通：
➤唔好去錯！大佛唔近「JR鎌倉站」。最方便係搭「江之島電鐵」到「長谷站」落車，步行450公尺約7分鐘就可到達

由「Bills七里ヶ浜」開車行駛3.7公里10分鐘就可以到達，呢段路不需要公路費用

「鎌倉大佛殿」內嘅停車場，只有傷殘人士專用嘅停車位，所以揸車嚟嘅朋友，就要將車泊喺附近嘅收費停車場，（附近有好多收費停車場）

下面列出一些停車場俾大家參考，不過因為櫻花季，停車收費會比平日貴，大約600日元1小時

「鎌倉大佛殿高德院」附近收費停車場

🔽大仏有料駐車場
➤📍 MAPCODE：8 214 556 *46
➤步行130公尺2分鐘可到寺院
🔽マイパーキング大仏前
➤📍 MAPCODE：8 214 317 *02
➤步行120公尺2分鐘可到寺院
🔽ダイレクトパーク鎌倉大仏横
➤ 📍MAPCODE：8 214 527 *28
➤步行110公尺1分鐘可到寺院
🔽三井のリパーク鎌倉長谷４丁目駐車場
➤📍 MAPCODE：8 214 555 *62
➤步行130公尺2分鐘可到寺院
🔽ダイレクトパーク鎌倉長谷NO.2
➤📍 MAPCODE：8 214 584 *55
➤步行200公尺2分鐘可到寺院

「鎌倉」嘅「高德院」因「鎌倉大佛」而廣為人知。「鎌倉大佛」的正式名稱是『銅造阿彌陀如來坐像』，在佛像中係「鎌倉」地區唯一嘅國寶