「鎌倉」嘅「鶴岡八幡宮」，係「關東地區」賞櫻絕對唔可以錯過嘅聖地！每年三月底到四月，呢度就係一片粉紅色嘅花海，例如：櫻花隧道「段葛」、「源氏池」畔嘅「櫻花倒影」、宏偉「本宮」與61級「大石階」，古樸嘅神社建築同燦爛嘅櫻花形成絕妙對比，真係靚到「嘩」一聲叫出嚟！作為「鎌倉」嘅精神中心，佢唔止係打卡咁簡單，背後仲有超過800年嘅武家歷史.....
全文內容
睇完「鎌倉大佛」之後，我哋繼續行程，4月櫻花季嚟到「鎌倉」，實在有太多地方可以參觀，但如果睇櫻花，那就一定唔可以錯過以下呢個地方 ～
鶴岡八幡宮
地址：神奈川縣鎌倉市雪下2-1-31
電話：0467-22-0315
🔽開放時間：
➤大門開放/關閉時間：6:00-20:00
🔽門票收費：
➤免費！不過「寶物殿」同「牡丹庭園」要另行付費
🔽停車費用：
➤普通車收費是最初1小時600日圓，之後每30分鐘300日圓
🔽公共交通：
➤到達「鎌倉站」落車後，記得由車站嘅「東口」出閘，跟住人潮或者指示牌，行大約10分鐘就會到達「鶴岡八幡宮」嘅入口
🔔從「東京」前往「鎌倉」的方法，請看本文末段
接近目的地，已見到屬於神社嘅「段葛」（櫻花隧道），係唔係好夢幻呢💞
咁靚嘅美景，我哋決定參觀完神社，最後先再過嚟慢慢欣賞，因為今晚入住嘅酒店就喺「段葛」前方
我哋將車停係 ～
鶴岡八幡宮 参拝者専用駐車場
MAPCODE：
8 247 754 *55
（要收停車費：普通車最初1小時600日圓，之後每30分鐘300日圓）
如果你淨係嚟祈願參拜嘅話，泊呢個停車場就無錯，但係如果好似我哋咁觀光性質嘅話，就千祈唔好泊，等一陣再詳細講解原因
停車場呢邊有個休息區 ～
御谷休憩所
呢度係供參拜者和祈禱者休息嘅場所，亦提供熱飲和紀念品售賣，就連「鎌倉」非常有名嘅豐島屋，呢度亦設有售賣點
豐島屋嘅『鴿子餅』（鳩サブレー）尤其出名
.webp)
呢邊同時見到「丸山稲荷神社」嘅「手水舎」，因為由呢邊行上去，第一處見到嘅神社就係「丸山稲荷神社」
跟住就要爬上這條長長的樓梯，如果你淨係去神社參拜，咁行完呢條樓梯就可以到達，但係如果你要參觀整個神社範圍，咁等一陣仲有一條長長嘅樓梯要落返去，所以如果屬於觀光性質嘅話，泊第二駐車場會比較方便，唔使多行呢一條樓梯
（等一陣會見到「第二駐車場」嘅方向，再同大家講解）
爬完樓梯後，見到嘅係 ~
丸山稻荷社
（呢間神社屬於『日本重要文化財產』）
這座神社係室町時代就有，屬於最古老嘅神社
四周環繞著許多由信眾捐贈嘅紅旗，旗上寫著祈求生意興隆。每年十一月嘅『火祭』期間，呢度都會舉行『鎌倉神樂舞』表演
跟住再向前行就已經見到「鶴岡八幡宮」嘅「本宮」
呢度同時亦係『重要文化財產』
嚟呢度參觀，真係要睇地圖，如果唔係就好容易遺漏一啲地方
因為剛剛停車嘅位置近「本宮」，所以我哋嘅參觀路線，同正門入嚟嘅朋友會相反
「鶴岡八幡宮」可以話係「鎌倉」嘅『定海神針』。話說喺1180年，鎌倉幕府嘅初代將軍源賴朝為咗穩固權力，將神社搬遷同擴建成現時嘅模樣，自此就成為武士嘅守護神。所以話，行入呢度，就等如行入咗日本武士道精神嘅發源地
下圖見到嘅係 ~ 隋神門
呢度係神社嘅主殿「上宮（本宮）」，供奉著應神天皇、姬神天皇和神功皇后，與「下宮（若宮）」一起被指定為『日本重要文化財產』
「鶴岡八幡宮本宮」裡面有宝物殿武内社，殿內展出一些珍貴物品，包括每年祭典使用嘅神龕，以及源賴朝髮髻中佩戴的小佛像。（殿內禁止影相）
門票：200日圓
向下望就見到 ~
大石階
「鶴岡八幡宮」主入口處嘅「大石階」，係宮社標誌性建築之一，共有61級高大的石梯級，站在石級上可以俯瞰「鎌倉市」全景。此外，在晴朗的日子裡，仲可以遠眺「太平洋」和「伊豆半島」
樓梯下嘅建築係 ~
鶴岡八幡宮 舞殿
所以如果你要參觀整個「鶴岡八幡宮」，真係唔建議你泊車喺剛剛嘅停車場，（因為咁會多行一條長樓梯）
喺「大石階」旁邊嘅係 ～
親銀杏と子銀杏
當然四月嘅時候係枯萎嘅，但係如果你秋未嚟嘅話，就會見到非常茂盛又靚嘅銀杏，在下方「狛犬」表情很有特色😉
頭先喺樓梯上面影相已經見到嘅 ~
鶴岡八幡宮 舞殿
常用於舉辦各種節慶和活動，全年亦有好多婚禮在此舉行
「舞殿」附近嘅許願、祈福處 ~
自祓い所
入去俾100円後，攞起一個小紙人，按照指示在圓形木圈繞行之後，到後面嘅箱子前面許願，再對紙人吹一口氣，放入箱中，咁樣紙人就可以代替自己消災解厄
呢邊仲見到有很多祈福燈籠
喺「親銀杏と子銀杏」附近仲有間神社 ~
祖靈社
神社建於1949年，用於供奉「鶴岡八幡宮」信眾嘅祖先，每年春分和秋分都會舉行兩次祭典，吸引許多信徒參加
再繼續向前走，就會見到 ～
手水舍
除咗「舞殿」外，喺「大石階」附近仲會見到 ~
若宮（下宮）
主神社供奉應神天皇之子仁德天皇，以及其他幾位神明：離中天皇、中姬命和岩姬命
「若宮（下宮）」同「本宮（上宮）」一樣，都係西元1624年重建的
充滿江戶時期建築特色的「本宮（上宮）」和「若宮（下宮）」，都被列為『日本重要文化財產』，喜歡建築設計的人一定不要錯過哦
喺「若宮（下宮」呢邊都有御受所
鴿子係八幡神的使者，所以「鶴岡八幡宮」有可愛又獨特的鴿子御守售賣
我都買咗個鳩鈴御守
由「若宮（下宮）」方向繼續向入面行，就會見到 ～
柳原神池
呢度會舉辦螢火蟲放飛節和蟋蟀放飛節，秋季賞楓時節景色特別壯觀
再向前行就會見到 ～
白旗神社
這座神社供奉著源賴朝和源實朝，漆黑的主殿氣勢恢宏。信眾認為它能帶來勝利和學業上嘅成功
下圖見到嘅係
鶴龜石
據說喺一種名貴嘅石頭，用水沖洗後會像鶴和龜一樣閃閃發光
喺行返出「參道」前，仲會經過 ～
鎌倉國寶館
營業時間：
星期二至日09:00–16:30；星期一休息
費用依各展覽而不同（一般票價：400~1,000日圓）
行出「參道」之後，我哋就繼續向大門方向行，會見到 ~
流鏑馬騎射
這條路從東向西貫穿寺廟嘅中心。它被稱為「流鏑馬場路」，因為（流鏑馬儀式）每年9月16日在此舉行
企喺中間離遠都見到兩邊嘅「東、西鳥居」
從「西鳥居」行出去就係
鶴岡八幡宮 第二駐車場
MAPCODE：8 246 597 *53
如果要參觀「鶴岡八番宮」全區範圍，泊車喺呢個停車場會比較方便
一路行到去入口附近，會見到一左一右兩個池，首先講下 ～
平家池
「平家池」中有四座浮島，不過由高空影落嚟會比較顯眼啲，呢度一年四季都有非常靚嘅景色，例如春天有盛開嘅櫻花，夏天有紅白蓮花競相綻放，美不勝收
喺「平家池」仲有座建築物
鎌倉文華館 鶴岡美術館
開放時間：
星期二至日10:00–16:30；星期一休息
呢呢棟建築物由建築師坂倉順三設計，2020年經過翻新改造，館內大多是在介紹鎌倉幕府的歷史以及「鶴岡八幡宮」的歷史
📌（內部不允許拍攝）
另一個池就喺「平家池」對面 ~
源氏池
由下圖呢條路行入去就會見到
旗上弁財天社
所以行入嚟就可以同時見到「旗上弁財天社」、「源氏池」
「源氏池」呢邊都有浮島，不過比「平家池」少一座，「源氏池」呢邊有3個浮島
日語中3（さん）音同『產』，象徵繁榮。而剛剛左邊嘅「平氏池」就有4個浮島，日語中的4（し）音同『死』 ，也象徵對手平氏的衰退，十分有意思
呢邊望過去就係 ~ 休憩所
旗上弁財天社
原社殿在明治時期的『神佛分離』政策下曾被拆除，目前的社殿是 1980 年為紀念「鶴岡八幡宮」創建 800 週年，根據江戶時代古圖所重建
一路沿住呢條紅色小橋行過去，就會到達神社
在「鐮倉」的寺廟古蹟中，總係離不開源賴朝。而家嘅「旗上弁財天社」，雖然已劃入「鶴岡八幡宮」內，但其實有段自己的歷史
日本歷史上有名的『源平合戰』，話說源賴朝出征前，向「弁財天」祈願勝利，並在白旗上寫下心願，後來真的打敗平氏，建立『鐮倉幕府』
因為呢段歷史，供奉白旗變成「弁財天社」嘅（許願方式），民眾有什麼想達成嘅心願，就來供奉白旗，久而久之，這裡就變成「旗上弁財天」
喺池邊有好多肥肥嘅鴿子，完全唔怕人，喺「小町通商店街」，甚是追住你攞嘢食
嘩！咁多魚真係壯觀😨
呢座就係「旗上弁財天社」
喺神社後面的「政子石」，是祈求婚姻和諧嘅石頭，又被稱為『公主石』
沿路行返出去之後，就到達入口呢邊嘅 ~
太鼓橋
「太鼓橋」係作為通往聖地嘅屏障而建，目前不對外開放，橋的兩側均設有出入口供信眾出入
據說第一座橋建於1182年（益和二年），當時係用朱紅色木板搭建而成，因此也被稱為『紅橋』
但可惜於『關東大地震』中被徹底摧毀，現今嘅石橋於1927年重建
呢張「鶴岡八番宮」嘅全景相，真係非常有氣勢
呢座橋長約10米，坡度約30度，通行較困難，拱橋橫跨「源平池」，傳說它是神明行走嘅通道
由神社行出嚟見到嘅係 ~
三の鳥居
從「三の鳥居」到「二の鳥居」大約有500米長嘅 ~
段葛（櫻花隧道）
段葛（Dankazura）是通往「鶴岡八幡宮」的主要參道
「段葛」始建於1182年，是日本第一代幕府將軍源賴朝，為了祈求妻子北條政子順產而建造的
建築「段葛」的用料源自『葛石』（かずらいし），用『葛石』堆砌而成樓梯式嘅道路
「段葛」更是賞櫻勝地，兩旁種植了大量的櫻花樹
尤其係春天櫻花滿開時景色就更壯觀
最佳觀賞期：櫻花通常在每年 3月下旬至4月上旬 開滿
呢度真係幾浪漫㗎，兩傍都種滿櫻花樹，如果遇啱櫻吹雪，就更加浪漫到暈😍
就係因為要預多啲時間，嚟影呢條櫻花隧道，就放棄咗去「江之島」嘅行程
「段葛」一路延伸到「鶴岡八幡宮 二の鳥居」
兩座鳥居都位於「若宮大路」上，這是一條從由「比滨海岸」到「鶴岡八幡宮」，長約2公里長的朝聖之路
每年的祭典期間，人們會將神龕抬到「二の鳥居」前的「御旅所」進行祭拜
我哋今晚入住嘅酒店，其實好近，就喺「二の鳥居」旁邊不遠處
如果唔係因為未夠鐘check in攞房，我哋其實泊架車喺酒店行出嚟，去「鶴岡八番宮」就係最理想的
結果我哋行到「三の鳥居」，就走番轉頭攞車
所以行「段葛」（櫻花隧道）時，我哋係由酒店出發的😉
🔽從「新宿」出發
➤推薦路線：搭乘《小田急電鐵》至「藤澤」站，轉乘《江之島電鐵》至「鎌倉」站
📍車程與費用：約55分鐘，單程票價約700日元。之後轉乘《江之島電鐵》（約40分鐘，約260日元）
📍優點與適用票券：價格通常比JR便宜，且適合搭配『箱根鎌倉周遊券（3日券）』，玩得更靈活
🔽從「東京」或「品川」出發
➤推薦路線：搭乘《JR橫須賀線》直達「鎌倉」站
📍車程與費用：從「東京站」約60分鐘/約945日元；從「品川站」約47分鐘/約736日元
📍優點與適用票券：最直接、無需轉乘。若行程涵蓋東京近郊多個地點，可考慮『JR東京廣域周遊券』
🔽從「澀谷」出發
➤推薦路線：搭乘《東急田園都市線》至「中央林間站」，轉乘《小田急線》前往「鎌倉」方向
📍車程與費用：至「中央林間站」約40分鐘，車費約381日元起
📍優點與適用票券：可考慮『東急江之島鎌倉周遊券』，涵蓋《東急線、小田急線及江之島電鐵》
下一篇就係講「鎌倉」嘅住宿
MUJI風「Hotel Metropolitan鎌倉」鎌倉大都會酒店＋「小町通商店街」美食
記得留意喲！也謝謝您的觀看❤️
發佈留言