山梨縣 ～ 「忍野八海（富士山下嘅能量景點）、山中湖（富士五湖之一）長池親水公園」自駕遊篇

「忍野八海」其實唔係真係（海），而係位於「富士山」腳下嘅八個天然湧泉池，2013年，「忍野八海」成為『世界文化遺產（富士山—信仰對象與藝術源泉）』嘅構成部分，同時亦入選『日本名水百選』同被指定為國家天然紀念物，絕對係名不虛傳嘅日本寶藏。另外更會去埋鄰近嘅「山中湖長池親水公園」，欣賞「富士五湖」中面積最大且湖面標高最高嘅湖泊.....

喺「山梨縣」最後嘅一個景點，就係人氣滿滿嘅 ～ 

 忍野八海

景點資訊

地址：山梨県南都留郡忍野村忍草

電話：0555-84-4222

🔽開放時間：
➤自然湧泉景觀區，全天候對外開放
※📌其中八海之一的「底抜池」位於「榛之木林資料館」內，開放時間為每日 9:00～17:00（不定休）

🔽 門票收費：免費
※📌參觀「底拔池」需要購買門票入場
➤成人門票 (國中生以上)300日圓 (含稅價)
➤兒童門票 (小學生以下)150日圓 (含稅價)
➤幼兒門票 (1歲以上未就學幼兒) 100日圓 (含稅價）

停車收費：私人付費停車場，一般收取300日元（一次性）

🔽公共交通：
➤從「富士山站」搭乘《富士急路線巴士》約20分鐘，前往「忍野八海」下車即可
➤從「河口湖站」搭乘《富士急路線巴士》約30分鐘，前往「忍野八海」下車即可
➤從「新宿巴士總站」搭乘《中央高速巴士》約140分鐘，前往「忍野八海」下車即可
※📌從「東京」要去「富士山河口湖」的方式，請看本文尾段

「忍野八海」其實唔係真係『海』，而係位於「富士山」腳下嘅八個天然湧泉池

如果自駕遊，可以使用「忍野村」嘅私人收費停車場。停車場費用多數係300日元一次，通常係無人管理，要自己將錢投入收費箱

我哋將車停泊喺 ~

忍野八海池本売店駐車場Oshino Hakkai Parking Lot

✅MAPCODE：

📍161 130 849 *74

我哋泊車嘅停車場，就係位於「淺間神社（忍野八海）」對面

因為停車場嘅喺正「忍野八海」嘅中央位置，所以以我哋目前嘅位置嚟睇，行去「鏡池」會比較方便

喺度首先講一下「忍野八海」嘅歷史同淵源：

「忍野八海」嘅形成大約在6,000年前，「忍野村」原本係一個巨大湖泊。但係公元800年「富士山」發生大噴發，村落同湖泊被熔岩吞沒，湖泊逐漸乾涸變成盆地，留低咗幾處湧水池，就係而家嘅「忍野八海」。泉池嘅水源來自「富士山」嘅融雪，流經地下熔岩層，經過幾十年甚至八十年過濾先湧出地面，所以水質特別清澄透徹

我哋話咁快就行到嚟 ～

🏞️ 七番靈場 鏡池

「鏡池」面積約有144平方公尺。顧名思義，「鏡池」以水清如鏡和倒映「富士山」而聞名

相傳泉水可以明辨世間善惡，過去村內有紛爭時，會用「鏡池」嘅泉水淨身祈禱，從而化解紛爭

如果天氣晴朗，水面波平如鏡，可以影到「富士山」嘅美麗倒影（逆富士），不過呢度今日影人影就差唔多🙄

就算真能夠影到（逆富士），亦會被池旁邊停泊嘅車輛，影響相片的構圖美景

喺「日本」影水渠蓋，已經成為我哋嘅指定動作

再向前行就行到「中池」，「中池」為人工挖掘的泉池，不包括在「忍野八海」之中

雖說唔屬於「忍海八野」，但「中池」的泉水同樣是「富士山」嘅伏流水

泉池在天空的光影色彩映照下，池水會呈現耀眼嘅鈷藍色

但講開又有啲奇怪，呢個池泉係最多人圍住影相嘅池，大家都喜歡圍住一個唔屬於「忍野八海」嘅池泉影相🤔

可能係清澈深邃嘅藍色池水太靚了

我哋都被吸引喺度不斷影相😅

「中池」附近有取水處，可以飲到來自「富士山」嘅純淨泉水

當然係排曬長龍，你想塞入去都係有困難

睇到對面啲人龍嗎？就係為咗排隊攞飲用嘅「富士山」淨泉水

我哋實在唔想人逼人去排隊攞水，唯有遠距離影張相畀大家睇

去旅行有時到咗啲大熱景點，真係要隨時預備要耐心排隊

假如飲咗呢啲泉水，以後都無病無痛嘅話，咁排一年我都願意排😆

如果唔係我寧願將更多嘅時間，去睇更多美好嘅事物、風景🤔

坦白講，呢個池係「忍野村」最靚嘅一個池泉，不過可惜唔屬於「忍野八海」

「中池」附近有各種商店林立，販售各種在地特產、特色手信，還有「山梨縣」嘅鄉土美食（餺飥）等，店內總是擠滿人潮

「忍野八海」有多款在地美食，例如有即場燒製嘅艾草麻糬、魚餅串、丸子串、燒餅......等

跟住見到嘅係 ～

🏞️ 五番靈場 「湧池」

「湧池」是「忍野八海」中湧水量最多、最具代表性的湧泉，面積約有152平方公尺

1983 年，美國太空總署 (NASA) 曾以「湧池」嘅水進行太空造雪實驗

呢個池水質同「中池」一樣清徹可見底，又有魚悠游水中，相當美麗夢幻

呢邊仲有個展望台

可以企高啲睇下「忍野八海」嘅地理環境，又可以離「富士山頂」更近啲😆😆

「忍野八海」呢邊嘅房屋建造，非常古色古香，很有懷舊嘅味道

而且週圍亦有幾個水車擺設，令環境更有懷舊氛圍

係「湧池」不遠處，就見到 ～

🏞️ 六番靈場 濁池

濁池面積約36平方公尺，相傳以前嘅泉水極之清徹純淨，可直接飲用

雖然名叫「濁池」，但而家嘅泉水一啲都唔混濁

傳說曾經有位衣衫襤褸嘅修行者，向村內老太太要水飲時遭到拒絕，從此泉水就變得混濁，所以叫「濁池」，不過傳說嚟嘅啫，而家嘅泉水真係非常清澈

行到相應嘅位置，都會有地圖標示，每個池泉嘅距離

下面呢個池泉，就要走一小段距離先可以到達 ~

🏞️ 四番靈場 銚子池

「銚子池」面積約79平方公尺，

傳說有助締結良緣嘅『結緣之池』

呢個池同樣有故事傳說，不過呢個池嘅故事就比較驚嚇：『好耐以前，一位新娘喺婚禮上不慎放屁，因為太害羞而拎住銚子（古代酒器）跳進池中。之後就不時傳出有新娘嘅草屐浮喺水面，或者新娘嘅身影倒映池中』😨😰

都係嗰句，故事嚟㗎啫，又唔使咁驚嘅😅，呢個池同樣都有好多魚喺度快樂暢游

跟住以下呢個池泉就係位於「榛木林民俗資料館」內，由 (「銚子池」步行120公尺左右) 就可以到達 ～

🏞️三番靈場 底拔池

**由於要進入「榛木林民俗資料館」，因此參觀「底拔池」需要購買門票入場 

成人門票 (國中生以上)300日圓 (含稅價) 

兒童門票 (小學生以下)150日圓 (含稅價)

 幼兒門票 (1歲以上未就學幼兒) 100日圓 (含稅價）

「底拔池」面積約208平方公尺，是8個池泉中保留最多昔日風貌嘅泉池

呢個池同樣有傳說：話說喺度唔小心跌咗嘢落水，點搵都搵唔到，但過冇耐，跌咗嘅嘢就會從「御釜池」浮出水面

跟住以下呢個池泉，就要行得比較遠 ～

🏞️ 二番靈場 御釜池

沿路我哋都會經過下圖嘅「鯉の池」

一路行到去「御釜池」都會見到「鯉の池」，「鯉の池」唔屬於「忍野八海」，只係流經呢度嘅池水

沿著指示大約步行200公尺左右，就可以到達

見到下圖這個水車，就係代表已經到達「御釜池」，就係弥生庵餐廳旁邊

「御釜池」面積最小（僅24平方公尺）但湧水量就非常驚人，湧出時成個泉池會似滾水沸騰咁洶湧，所以叫做「御釜池」（釜即係鍋）。池中有水草、梅花藻，夏天會開白色小花，非常可愛。傳說以前池畔住著一位美麗姑娘，被池中嘅巨大蟾蜍拖走後就再冇出現過，（Oh my God😰 ，我最怕呢種生物🐸）

跟住就去睇喺停車場另一方面向嘅 ～

🏞️ 八番靈場 菖蒲池

「菖蒲池」面積約281平方公尺，正如其名，每年盛夏7月池畔都會長滿菖蒲

呢度亦有個關於菖蒲嘅傳說：

『丈夫病重，妻子用泉水淨身祈求神明保佑，之後聽到神嘅聲音話：（將池中嘅菖蒲纏喺丈夫身上，病魔就會退散。）妻子照做後，丈夫嘅病果然奇蹟似地痊癒』

「忍野八海」最後一個池泉，係距離1.1公里步行要16分鐘嘅 ~

🏞️ 一番靈場 出口池

8個池泉中面積最大（約有1,467平方公尺）。「出口池」被象徵為北極星，傳說帶住呢度嘅泉水登上「富士山」可以保佑平安。池畔森林中有「出口稻荷大社」，係村民為祈求保佑農耕而興建嘅神社

呢個池實在有啲遠，所以我哋都冇參觀😅

圖片出自：.japanopia-fuji.com

參觀完「菖蒲池」之後，我哋就繼續開車出發，行駛6公里左右，去附近嘅一個景點繼續睇「富士山」 ～

山中湖長池親水公園
長池親水公園 西駐車場

MAPCODE：161 014 804 *57

景點資訊

地址：山梨縣南都留郡山中湖村

電話：0555-62-3100（山中湖觀光協會）

開放時間：24小時

門票收費：免費

停車費用：免費

🔽公共交通：
➤可搭乘《富士吉田・忍野・山中湖周遊巴士（富士湖號）》或《富士急行巴士》等路線巴士於「長池親水公園前」站下落車可到達

「山中湖」係「富士山」嘅淡水湖，並坐落於「山中湖村」內，呢個湖亦係「富士五湖」之一

同時亦係「富士五湖」中，面積最大且湖面標高最高嘅湖泊，係全日本最大湖泊的第3位

呢度亦係著名嘅『雙鑽富士』觀賞點，即陽光直射「富士山」峰頂，如同鑽石般閃耀，另外『倒置富士』嘅經典相，亦係出自呢度，即係「富士山」倒映在湖面上，形成『倒置富士』嘅奇景，吸引著眾多粉絲前來觀看，不過可惜我哋今日無緣份睇到😔

「山中湖」無「河口湖」咁多人，可以相對寧靜欣賞風景

除咗影「富士山」，呢度亦因為可以全年都睇到『疣鼻天鵝』而聞名，而且以「富士山」為背景拍攝『疣鼻天鵝』亦很有吸引力

如果要睇天鵝同乘坐「山中湖遊覽船」，就要停距離2.2 公里約5分鐘路程嘅 ～

山中湖遊覽船『天鵝湖』 

山中 桟橋乗り場

MAPCODE：434 255 459*56

襯住冇乜人，都要同我家大壯🐼、大頭🐼影張相先❤️

從「東京」要去「富士山河口湖」的方式

🔽方式一
➤從「東京」要去「河口湖」最方便的方式就是搭乘《特急富士回遊號（FUJI EXCURSION）》前往，《特急富士回遊號》每日行駛四趟往返列車（根據季節增設一趟特別往返列車），從「新宿」（部分列車從「千葉」出發）出發，直達《富士急行線「河口湖站」》
👇主要車站的總票價（單程）
📍新宿站～下吉田站：　3,940日元（火車票2,320日元、特快票1,620日元）
📍新宿站～河口湖站：　4,130日元（火車票2,510日元、特快票1,620日元）
📍（行車時間：最快只要1小時53分鐘）
👉可連結官網查閱《特急富士回遊號（FUJI EXCURSION）》
➤《富士急行線》是「JR大月車站」連接「河口湖車站」之鐵道，沿途有18個車站，是暢遊「富士山」的主要鐵路
👉可連結官網查閱《富士急行線》所經之車站
🔽方式二
➤高速巴士（新宿、東京、羽田機場）
➤主要的高速巴士從「新宿巴士總站」和「東京車站」（因巴士公司不同有從「鐵鋼大樓」和「八重洲巴士總站」）出發，也有從「羽田機場」經由「品川」的班次，非常方便
👇主要車站的總票價（單程）
📍大人 2,200日圓, 兒童 1,100日圓 （行車時間：約1小時45分）
👉可連結官網查閱Highway-buses.jp

🔽方式三
➤JR東日本中央線快速列車＋富士急行線
搭乘《中央線》的普通列車或特急列車至「JR大月站」，再轉乘《富士急行線》（上面方式一有講述）前往「河口湖」，這種方式較花時間又貴且需轉乘

下一篇就係講去到「御殿場」入住嘅酒店 ~

靜岡 ~ （多米快捷酒店）富士山御殿場 Dormy Inn Express Fujisan Gotemba住宿體驗｜頂樓足浴直望富士山

（詳情請點擊連結觀看）

也謝謝您的觀看❤️

Share: