「箱根神社」呢個「關東」必去嘅靈驗聖地，無論係想祈求開運除厄、願望成真，定係想睇「富士山」同「蘆之湖~和平之鳥居⛩️」絕景，「箱根神社」都絕對唔會令你失望！作為擁有超過1260年歷史嘅古神社，呢度唔單止係日本重要文化財產，更係好多遊客去「箱根」旅行時，必定會朝聖嘅能量景點啊.....
離開「御殿場Outlet」之後，我哋就一路開車，嚟到「神奈川縣」嘅 ～
箱根神社
由「御殿場PREMIUM OUTLETS」開車行駛25.9公里約38分鐘就可以到達，（呢段路無需公路費用）
但未去到「箱根神社」之前，我哋就停喺以下呢個停車場，欣賞一下漂亮嘅風景先😁 ～
P9 箱根町支所下駐車場 P9 Parking Lot Under Hakone Town Branch
MAPCODE：57 093 446 *74
呢個停車場，已經成為自駕遊人士影相嘅祕境，睇下現場都泊咗唔少車
喺呢度可以遠距離見到，「箱根神社」嘅「平和之鳥居（水上鳥居）」
天氣好嘅時候甚至可以影埋「富士山」，真係靚到不得了😍
我家主子手指嗰艘船，喺『海賊觀光船』
好多人嚟到「箱根」都會乘坐『海賊觀光船』，航程係將「桃源台港」、「箱根町港」與「元箱根港」連結起來，全程乘搭時間約需25～40分鐘
喺呢個停車場，我哋冇停太耐，就繼續開車出發去「箱根神社」，在途中見到 ～
箱根神社 第一鳥居
這個鳥居是十分巨大，橫跨國道1號線上
嚟到「箱根神社」，我哋就將架車泊喺 ～
箱根神社 参拝者第１駐車場 Lake tori gate nearest parking
MAPCODE：57 123 011*21
呢度算係最近「平和之鳥居」嘅停車場
為咗方便大家泊車，又或者呢個停車場泊滿咗嘅話，我喺呢度都寫咗幾個停車場（比較近平和之鳥居）畀大家參考～
- P2第2鳥居P2-A駐車場
MAPCODE：57 123 117 *44
步行6分鐘 (450 公尺)，就可到「箱根神社 平和的鳥居」
- P3元箱根觀光駐車場
MAPCODE：57 123 149 *33
步行7分鐘 (500 公尺)到「箱根神社 平和的鳥居」
- P6 大芝停車場
MAPCODE：57 094 871 *32
步行9分鐘 (650 公尺)到「箱根神社 平和的鳥居」
地址：神奈川縣足柄下郡箱根町元箱根80-1
電話：0460-83-7123
🔽各地點接待時間（正常時間）：
➤御札所和御神人接待時間 8:15 至 17:00
➤祈禱接待時間 8:30 至 16:00
➤寶庫開放時間 9:00 至 16:00
門票收費：免費（「寶物殿」大人500日圓、兒童300日元
停車費用：免費
🌟3號駐車場（正殿旁邊）的路段僅限授權車輛通行
👇公共交通：
📌從「新宿」出發，搭乘《小田急線》是最推薦的方式。搭普通列車到「小田原站」，再轉乘往「箱根湯本」的列車，全程約1.5小時。若重視舒適和省時間，建議搭乘直達「箱根湯本」的《小田急浪漫特快》，車廂寬敞、無需換車
🔽鐵路
➤《小田急浪漫特快》「新宿站→箱根湯本站」，時間約85分鐘（直達，無需轉乘），費用約2470日圓（單程，含特急券）
➤《普通或快速電車》：時間約105分鐘，費用約1470日圓，需要喺「小田原站」轉乘《箱根登山鐵路》
🔔A.從「箱根湯本站」對面嘅巴士站，搭乘《H線或R線嘅箱根登山巴士》，前往「元箱根站」落車，車程約25-35分鐘，再步行750公尺約11分鐘可到達
🔔B.從「箱根湯本站」搭乘《箱根登山鐵路》到終點站「強羅站」，轉乘《箱根索道》到終點站「桃源台站」再轉乘《蘆之湖觀光船》到「元箱根港」步行約10分鐘可到達
🔔C.從「小田原站」轉乘《箱根登山鐵路》到「小湧谷站」，然後轉乘巴士前往「元箱根」，或在「小田原站」轉乘《箱根登山巴士》往「元箱根站」落車，車程約25-35分鐘，再步行750公尺約11分鐘可到達
🔽高速巴士（新宿直達箱根）
➤Busta新宿（新宿高速巴士總站）→乘坐開往「箱根湯本站／桃源台／御殿場」等方向巴士，時間約2～2.5小時（依目的地與路況而異），價錢 約2,200～2,600日圓（單程）
📌從東京到箱根
➤從「東京」出發，可以搭《JR東海道本線》或《新幹線》到「小田原站」，再轉乘（看🔔C.）全程約1.5小時，這方式適合想節省時間的旅客；若預算有限，也能選擇搭較便宜的普通JR電車
📌從河口湖到箱根
➤從「河口湖士」出發，搭乘《富士急巴士》直達「御殿場 Premium Outlets」，抵達後再轉乘《箱根登山巴士》前往「箱根強羅或箱根湯本」，所需時間約2.5小時
📌從成田機場到箱根
➤從「成田機場士」前往「箱根」有兩條主要路線。最快的是搭《成田特快》到「品川」，轉搭《新幹線》到「小田原」（看🔔C.），約2小時可抵達，若想減少換車次數，可搭「成田特快」直達「新宿」，再轉「小田急浪漫特快」直達「箱根湯本」（看🔔A.或🔔B.），但後者需花3小時
🌟🔽箱根周遊券
來「箱根」一日、二日或三日遊，推薦搭配【箱根周遊券】規劃行程！【箱根周遊券】包含三個部分，第一部分是《小田急線來回車票》，可以選擇從「新宿～唐木田」之間的任意車站往返「小田原站」一次，第二部分是《箱根地區交通車票》，可無限次搭乘包含電車、巴士、登山纜車、海賊觀光船等8種交通工具，第三部分則是《觀光設施折價券》，在約70個景點、溫泉或店家出示箱根周遊券都可享優惠
唔係假日，停車場都泊咗80%車，果然非常有人氣
喺一號停車場呢邊會見到 ~
御朱印御札所
嚟到「箱根神社」大家最想去嘅地方，就一定係 ~
平和之鳥居（水上鳥居）
由1號停車場，行一段樓梯落到底，就可以到達鳥居
呢個絕對係「箱根神社」最受歡迎嘅景點！朱紅色嘅鳥居矗立喺「蘆之湖」水面上，後面係藍色湖水同埋「箱根群山」，構成一幅超夢幻嘅畫面
湖上的鳥居建於1952年，為紀念日本天皇即位和日本獨立（簽署和平條約）
再喺1964年，為紀念神社建社1200週年和東京奧運會舉辦，鳥居上豎立了一塊刻有『和平』二字的牌匾
牌匾上的書法，係出自簽署『和平條約』的前首相吉田茂之手，自此，這座鳥居便被親切地稱為「和平之鳥居」
不過呢度真係超級多人😨，如果想加埋自己影張鳥居相，就一定要排隊，每組人限時三分鐘
溫馨提示一下，呢個景點真係超多人排隊，特別係週末同紅葉季節，隨時要排成個鐘先影到相。想避開人潮最好晨咁早去，而且朝早嘅湖水更加平靜，影出嚟嘅相會更靚！
睇完呢個大熱打卡景點後，我哋就開始參觀神社
沿住剛剛嘅樓梯向上行，好快就嚟到 ~
第四鳥居
第四鳥居之後就係 ~ 正參道
第四鳥居旁邊，設有水手舍
而另一邊就見到 ～ 矢立杉（御神木）
相傳樹齡約有1200年
如果唔係自駕，就要行經下圖呢條參道入嚟神社，途中會經過第三鳥居
跟住見到嘅係 ~ 神與庫
位於通往神社嘅樓梯底部，第四座鳥居後面
神社內供奉著；夏季祭典中使用嘅御星和禦神轎
我哋繼續向「正參道」上行
行冇幾耐之後就會見到 ～
曾我神社
通往「本殿」嘅「正參道」係由90級石級組成，兩旁矗立住樹齡超過600年嘅巨大杉木，行上去嘅時候真係感覺到一種神聖嘅氛圍，好似被千年古樹保護住咁
據講行完呢段石階仲可以消除厄運，雖然有啲攰，但係值得啊！
好快就行到嚟 ～ 第五鳥居
終於行到上嚟💪，其實90級樓梯真係唔難行，總好過（我10月份去咗轉「四國」，「金都比羅宮」嘅樓梯，真係難行到有啲嚇人😰）
行完90級樓梯上嚟之後，你會見到（似在深山中）出現一座朱紅色的『權現式』神社建築
呢座就係 ～ 箱根神社本殿
「箱根神社」嘅歷史真係好悠久，傳説係喺757年（奈良時代天平寶字元年）創建，至今已經超過1200年歷史！古時被稱為『箱根權現』，深受源賴朝、德川家康等好多歷史知名武將崇敬，所以祈求勝利同勝運特別靈驗
『箱根大神』包括係瓊瓊杵尊、木花咲耶姫命、彥火火出見三柱神，無論係開運除厄、願望達成、交通安全、締結良緣都可以祈求，係關東地區數一數二靈驗嘅神社啊！
唔少人都會喺度祈求開運同交通安全，旁邊嘅社務所有超過40款御守同埋御朱印，其中嘅交通安全御守特別受歡迎
喺神社嘅斜對面，有一棵神聖嘅樹 ～
安産杉
這棵樹年齡超過1000年的大雪松是一棵神聖的樹，被稱為「安產杉」
喺『本殿』旁邊嘅九頭龍神社新宮都唔可以錯過
供奉嘅九頭龍大神據說對金運、良緣同商業繁榮好靈驗
每月13日（另有資料顯示為15日）舉行嘅月次祭，吸引好多信徒參加
呢度仲有被視為靈水嘅「龍神水」，可以自己帶容器裝水，或者用100日圓同神社買特製樽裝水
傍邊嘅係 ~ 成就水盤
神水係具有好能量嘅水，可以淨化水晶、石頭....等物件，對人也有治癒嘅效果，所以好多人都會帶埋個樽嚟裝水
呢邊見到有許願繪馬
神社嘅另一邊係可以通去第3駐車場，但係上第3駐車場段路，據說係要申請先至可以俾車輛行走
神楽殿 Kagura Hall 亦喺呢個方向
跟住我哋就沿路，行返落去第1駐車場嗰邊嘅商店 ～
権現からめもち
營業時間：
星期一至日10:00–16:00
呢度嘅烏龍麵、紅豆湯、五色麻糬、薑汁汽水都非常出名，尤其係五色麻糬更受人吹捧
 |
| 圖片出自：hacooda.com |
不過可惜我哋嚟到嘅時候，整麻糬嘅師傅身體欠佳，已經停止售賣五色麻糬，真係可惜，睇張圖好似好好味😑
 |
| 圖片出自：hacooda.com |
咁我哋就買咗『箱根小蕨餅』嚟品嚐，1艘船有2個，非常Q彈好好味😋
沿住商店呢邊行仲見到以下幾處地點 ～
弁財天社
被尊奉為掌管和睦與生意興隆的神明
喺「弁財天社」附近仲有呢棵（御神木）
けけら木
『九頭龍樹』原是「蘆之湖」底嘅樹木之一。一場颱風襲擊後，『九頭龍樹』被波濤洶湧嘅湖水吹咗上嚟。它被移至神社，『九頭龍樹』也被稱為『心樹』，因為它像徵著「蘆之湖」嘅心臟
參觀完神社，如果對歷史有興趣，可以參觀要收入場費嘅
寶物殿
裡面展示咗超過200件「箱根神社」嘅歷史文物同重要文化財，包括雕刻、繪畫、古文書同刀劍等等，可以更深入了解神社嘅千年歷史
營業時間：
星期一至日09:00-16:00
門票收費：
成人500日元、兒童300日元
另外同「箱根神社」有關連的還有「九殖龍神社（本宫）與「箱根元宮（奧宮）」，大家有興趣嘅話，可以跟以下方法前往：
「箱根元宮（奧宮）」
地址：神奈川縣足柄下郡箱根町元箱根 駒之岳山頂
電話：0460-83-7123 (箱根神社社務所)
門票收費：免費
停車收費：免費（要將車停泊在「箱根 駒ヶ岳ロープウェー箱根園駅」）
公共交通：
🔽路線一：
➤從「箱根神社」出發，沿「蘆之湖」前往「箱根園」（開車7分鐘或步行30分鐘），再從「箱根園」搭乘『駒岳索道』至「山頂站」（單程8分鐘）。然後從「山頂站」步行前往「箱根元宮（奧宮）」（步行8分鐘）
🔽路線二：
➤從「箱根神社」出發，在「元箱根港」搭乘『蘆之湖觀光船』，在「箱根園」下船（20分鐘）。從「箱根園」搭乘『駒岳索道』至「山頂站」（單程8分鐘）。從「山頂站」步行8分鐘即可到達「箱根元宮（奧宮）」（步行8分鐘）
 |
| 圖片出自：hakonejinja.or.jp |
「九殖龍神社（本宫）」
📢注意：
参拜「九頭龍本宫」時，必須穿越「九頭龍森林」，因此需要支付600日圆的入塌费。
但是，每月13日上午、月祭日以及其他節日期間，参拜者可免费入塌
地址：神奈川縣 足柄郡箱根町元箱根 箱根九頭龍之森内
電話：0460-83-7123 (箱根神社)
開放時間：※「箱根九頭龍森林」的開放時間為09:00-17:00
門票收費：「九頭龍森林」600日圆
停車收費：可將車停泊在上船之碼頭
公共交通：
🔽1. 步行（或騎乘）：
➤步道是一條連接「箱根園王子飯店」與「湖尻港碼頭」的濱湖步道。「九頭龍森林」的入口正好位於兩者中間，從兩端出發單程大約30分鐘。「箱根園」提供電動單車租借服務（需付費）
🔽2. 搭乘機動船：
➤您可以從「箱根園碼頭」乘搭機動船前往「九頭龍神社本宮碼頭」（需付費)。在每個月的13日（月次祭）參拜，可以搭乘從「元箱根港」出發的「伊豆箱根遊覽船」，約在9:30分出航，航程約20分鐘，但您需要提前去「伊豆箱根遊覽船案內所」辦理登船手續
 |
| 圖片出自：hakonejinja.or.jp |
下一篇仍然係「箱根」 ~
記得留意哦！也謝謝您的觀看❤️
發佈留言