「河口淺間神社」&「遙拜所（天空鳥居）」~可以話係「河口湖」必到景點，呢度唔單止係世界文化遺產嘅一部分，仲係一處超夢幻嘅打卡聖地，另外神社有7棵古杉樹，有啲樹齡已經超過1200年，樹幹仲纏住注連繩，被視為神明咁拜.....
行程嘅第4日又開始了，今日早上嘅景點都係圍繞在「河口湖」附近進行
「河口湖」實在有太多靚景可以影相，就好似今次呢篇所寫嘅人氣景點，喺IG超級火紅 ~
河口淺間神社•天空鳥居（富士山遥拝所 ）
地址：1山梨縣南都留郡富士河口湖町川口
電話：81555-76-7186（僅日文）
開放時間：
星期一至日09:00-16:00
門票收費：
神社 → 免費
遥拝所 → 需付100日元協力金
停車收費：免費
公共交通：
從「河口湖站」嘅5號巴士站牌，搭乘《富士急行巴士》（K-Line）往「甲府駅」方向或者（天下茶屋線T-Line），在「河口局前站」牌下車，車程約10分鐘，從「河口局前站」行去「河口淺間神社入口」只需要1分鐘
🔔從「東京」要去「富士山河口湖」的方式，請看本文尾段
要去「天空鳥居」，首先就要先到「河口淺間神社」，可以選擇行路（下圖紅色虛線嘅指示），大約要步行30分鐘左右上山，又或者可以選擇揸埋架車上去（下圖藍色線）
揸車嘅話就由紅色大鳥居傍邊嘅小路駛入，（行車時靠左轉入小路）
沿住呢條小路開車行駛1.2公里約4分鐘，就可以到達「天空鳥居」，但係記得要慢車，小心對頭車，呢條路好似啲產業路咁，非常窄又多灣
「天空鳥居」呢邊有停車位，但只得5個車位，我哋去到嘅時候，以為自己好好彩，仲有幾個停車位泊到車
河口浅間神社 遥拝所 専用駐車場
✅MAPCODE：
📍 161 393 619 *45
原本行過對面就係「天空鳥居」嘅入口，但而家已經封咗，要再往上走一個大彎嘅山路，先至會到達新入口
有好多人都揸埋架車兜上去，跟住將架車泊喺路邊，我哋就自己行上去當運動😅，不過一路上斜都幾辛苦😑
轉一個大灣就嚟到入口呢邊
已經見到有兩個紅色鳥居，呢度就係目的地
喺入口高角度影落去，見埋「富士山」其實已經好靚
入口呢邊仲有一個貨櫃商店，裡面有些特色商品售賣，亦有限定款御朱印賣
御朱印色彩非常鮮明
亦見到有一架餐車泊喺呢邊，真係唔驚口渴同肚餓
要入（遙拜所）「天空鳥居」係要付100日元協力金，（當係維護費），記得準備好coins
呢度亦有講明，如果人多嘅時候，每組人只可以影3分鐘相
畀完錢（現場係有工作人員收費），我哋就正式進入遙拜所
記得細聲講嘢，畢竟呢度係一處神聖嘅地方
「天空鳥居」其實係2019年先設立嘅，原本係為咗俾信眾即使喺距離「本殿」較遠的地方，都能遙拜神明而設置
點知一建成之後，就因為可以影到鳥居、「富士山」同「河口湖」三位一體嘅絕景，即刻成為爆紅打卡點，睇下現場都唔少人
「遙拜所」有兩個鳥居，左邊嘅視野比較好，右邊嘅會稍稍被樹叢擋到，但其實兩個都會影到靚相
從鳥居望出去，真係有種『天空之城』嘅感覺，「富士山」就好似浮喺天空之中，腳下就係「河口湖」同「河口湖大橋」，景觀壯麗到不得了
不過要提一提大家，「富士山」天氣話變就變，可能頭一刻仲清楚見到山頂，但轉瞬間就會被雲霧遮住，所以能不能影到完整露臉嘅「富士山」，真係要講緣份🤔
喺度影相絕對唔可以用腳架，同埋夜間嚴禁入內影相，千萬唔好諗留喺度影日落，因為呢度下午4點就關門
沿住上嚟嘅產業路，一路再向山上行駛，就會到達 ~
河口淺間神社父の白滝、母の白滝
喜歡睇瀑布嘅朋友就記得唔好錯過
 |
| 圖片出自：kitakawaguchiko.co.jp |
而我哋就由原路返落去再參觀 ~
河口淺間神社
停車場 駐車場(消防団詰所)
MAPCODE: 161 393 307 *67
停車場就喺剛剛經過嘅產業路旁邊
「河口淺間神社」已超過1150年歷史，創建於公元865年（即係日本貞觀年間）
約18公尺高的大鳥居迎接著信徒、遊客
點解會起呢個神社呢？原來係因為「富士山」喺當時發生咗一次超大規模嘅噴發，連續噴咗10日，搞到成個地區都好驚恐，當時嘅清和天皇為咗安撫火山神，就下令起呢間神社
參道兩旁種咗成排嘅杉樹
好多杉樹自鎌倉時代就屹立不倒，樹齡達800年
日本有成近1300間「淺間神社」，全部都係供奉「富士山」同火山嘅神明
而「河口淺間神社」就係其中之一。呢度主要供奉嘅係「富士山」嘅女神——木花咲耶姫（又叫櫻花公主）
前面嘅建築就係 ～
隨神門
「隨神門」前有「水手社」
進入神社前，請先洗手並漱口，淨化您的身心
回望參道嘅景色，兩旁嘅樹木真係超級高大😨
喺「水手社」斜對面就係「社務所」，呢度都有御守、繪馬售賣
而且有最啱小朋友嘅「Hello Kitty 稚兒守』，我都買咗幾個俾朋友🤩
穿過「隨神門」，就會見到「拜殿」
而在一邊仲有「授札所」
喺「授札所」後面嘅係
神馬社
自古以來，呢個地區就十分喜愛馬，因此神社裡供奉著神靈嘅使者白馬
跟住就見到「拜殿」，而喺後面嘅就係「本殿」
於2013年「河口淺間神社」更作為『富士山—信仰嘅對象與藝術源泉』嘅一部分，被列入世界文化遺產
美麗石 - 呢個名出現喺貞觀時代嘅書籍中，喺呢坐神社嘅原有物
嚟到「河口淺間神社」，都千祈唔好錯過睇裏面嘅七棵杉樹，樹齡均為1200年
①號御璽杉（みしるし）
①號杉又稱為『母衣懸杉』，據說係一棵神聖嘅樹，每年祭祀時，神社嘅工作人員，都會喺上面懸掛嬰兒嘅衣服
喺①號杉樹旁邊有個池
而喺池邊就有 ~ 連理の楓
「連理の楓」係不同紋理嘅樹木，交纏在一起所產生嘅神奇現象，自古以來就被尊崇為姻緣和美滿嘅象徵
同時亦象徵夫妻感情和諧。男子逆時針繞樹一周，女子順時針繞樹一周祈福，就可以感情和睦💑
跟住再前行就見到 ~
②號産謝杉（さんしゃ）
與其他七棵杉樹一樣，呢棵杉樹嘅高度超過40公尺，同時也被稱為『産屋杉』，是守護分娩嘅神樹，其名稱源自於祭祀神木花咲夜姬喺火中產子嘅神話
喺②號杉旁邊就有③、④號杉
③號齢鶴杉 （れいかく）
這棵巨樹嘅樹幹連根長達12公尺以上，它因平安時代朝廷派遣的一位官員參拜神社並吟誦《禦手上杉日隱靈》而得名。 『鶴壽千年』的寓意亦由呢度應運而生
④號神綿杉（しんめん）
④號杉樹高47米，為七杉樹中第二高，又名『神棉杉』或『献虫巣杉』，因樹上棲息著山蠶，將蠶繭吐絲獻給朝廷而得名
跟住見到嘅係 ～ 出雲神社
這座神社供奉著大國主命，因其在結緣方面嘅神力而聞名，因此深受當地人喜愛
再向前行遠少少就見到 ～
⑤、 ⑥號両柱杉 （ふたはしら）
⑤號杉是七棵杉樹中最高嘅一棵，高達47.5公尺，它以伊邪那岐命為原型，與象徵伊邪那美命的⑥號杉樹有著1200年的共同樹根，因此，⑤號杉樹被視為象徵姻緣和良緣嘅神樹
各位要姻緣嘅話，都記得要嚟參拜✌️
行到最入就見到最後一棵 ～
⑦號天壌杉（てんじょう）
⑦號杉樹幹週長達30米，比其他6棵杉樹多出許多，這棵杉樹又名『御柱杉』，因其連接天地、神靈降臨嘅神聖意義而備受崇敬，是一棵神聖嘅樹木
最後見到嘅係 ～
山神社
神社供奉嘅神明係木花咲夜姬嘅父親大山津，他被視為眾山之神，因此參拜者絡繹不絕，甚至包括從「三峠』落嚟嘅登山客
🔽方式一
➤從「東京」要去「河口湖」最方便的方式就是搭乘《特急富士回遊號（FUJI EXCURSION）》前往，《特急富士回遊號》每日行駛四趟往返列車（根據季節增設一趟特別往返列車），從「新宿」（部分列車從「千葉」出發）出發，直達《富士急行線「河口湖站」》
👇主要車站的總票價（單程）
📍新宿站～下吉田站： 3,940日元（火車票2,320日元、特快票1,620日元）
📍新宿站～河口湖站： 4,130日元（火車票2,510日元、特快票1,620日元）
📍（行車時間：最快只要1小時53分鐘）
👉可連結官網查閱《特急富士回遊號（FUJI EXCURSION）》
➤《富士急行線》是「JR大月車站」連接「河口湖車站」之鐵道，沿途有18個車站，是暢遊「富士山」的主要鐵路
👉可連結官網查閱《富士急行線》所經之車站
🔽方式二
➤高速巴士（新宿、東京、羽田機場）
➤主要的高速巴士從「新宿巴士總站」和「東京車站」（因巴士公司不同有從「鐵鋼大樓」和「八重洲巴士總站」）出發，也有從「羽田機場」經由「品川」的班次，非常方便
👇主要車站的總票價（單程）
📍大人 2,200日圓, 兒童 1,100日圓 （行車時間：約1小時45分）
👉可連結官網查閱Highway-buses.jp
🔽方式三
➤JR東日本中央線快速列車＋富士急行線
搭乘《中央線》的普通列車或特急列車至「JR大月站」，再轉乘《富士急行線》（上面方式一有講述）前往「河口湖」，這種方式較花時間又貴且需轉乘
參觀完神社之後，我哋下一站都係去神社（有夠虔誠、神心）🙄 ～
北口本宮富士淺間神社
記得留意哦！也謝謝您的觀看❤️
發佈留言