河口湖HAOSTAY酒店 ～
房間價錢唔貴，就可以將「富士山」靚景盡收眼底！而且酒店工作人員會講中文，容易溝通，入住仲包早餐，行去「富士山駅」都係10多分鐘，非常方便.....
喺「河口湖」選擇酒店入住，如果要睇到湖景加「富士山」同框，就要留意唔去揀選下圖紅圈位置內嘅酒店，即係唔好近「富士山駅」呢邊，不過如果要方便同平價，就一定要揀呢個區域
今次喺「河口湖」，我哋冇選擇大型連鎖飯店入住，亦無選擇靚湖景加「富士山」同框嘅酒店入住，反而選擇咗一間小型旅館模式嘅酒店入住 ～
河口湖HAOSTAY酒店
✅MAPCODE：
📍161 301 049 *05
地址：山梨県南都留郡富士河口湖町船津251−4
電話：0555-28-4377（服務時間：9:00-21:00）
🔽💡住宿小貼士
➤1. 入住時間：15:00-21:00；退房時間：10:00前。前台並非24小時服務
➤2. 免費公共停車場（約17個車位）
➤3. 酒店接受現金同信用卡（VISA、JCB、American Express、Diner's Club、MasterCard、Discover）付款
➤4. 預訂時要向富士山嘅房間，例如Trip.com有標明，確保可以睇到靚景
公共交通：
從《富士急行線》「河口湖站」步行1.2公里約12分鐘可到達
📌從「東京」要去「富士山河口湖」的方式，請留意本文尾段
酒店前面有停車場可以泊車，但係如果泊滿，就要用酒店後面比較大嘅停車場，兩邊停車場都係免費
雖然話係小規模，但「HOASTAY」呢個品牌喺「河口湖」，另外亦有數間特色住宿提供入住，其中包括以下幾間：
- HAOSTAY河口湖美術館前
設有雙床房、雙床房附陽台、家庭房
- HAOSTAY河口湖駅前
僅有10間客房嘅小巧飯店，距離「河口湖車站」步行僅需5分鐘
HAOSTAY 係唯一嘅一棟包棟式客房， 步行3分鐘即可抵達，欣賞逆富士美景的「大石公園」。 寬敞的 3LDK 格局，適合 6 至 12 人入住
- HAOSTAY COFFEE & KITCHEN・かつ好し
一樓係咖啡館，二樓係提供私人住宿嘅民宿
 |
| 圖片出自：河口湖HAOSTAY酒店 |
而我哋今次入住嘅酒店，係呢個品牌住宿中，提供房間數量最多嘅一間酒店
（嘩！「富士山」就喺前面）
喺門口就已經見到酒店嘅特別客房 ~
「スイカハウス」（西瓜屋）
圓頂型客房，同西瓜設計一樣，非常卡通Feel，好啱親子出遊嘅朋友打卡留念
房間可入住2至6人，喺房間窗口就已經見到「富士山」
房間入面有2張雙人床、1張梳化、亦有獨立廁所同淋浴間、就連冰箱、微波爐、電視、冷氣機、免費WiFi都有提供
 |
| 圖片出自：河口湖HAOSTAY酒店 |
喺西瓜屋對面就係兩層高嘅酒店
HAOSTAY酒店於2019年開業，所以設施都仲幾新淨
另外一樣令人驚喜嘅係，HAOSTAY據說係由台灣人所經營，所以酒店人員可以提供日語、英語同中文三種語言服務
雖然唔係大型酒店，但係亦都有提供行李車，甚至輪椅都有預備😅
酒店冇太多花巧嘅設計，都係一啲比較平實嘅風格
喺辦理入住時可選擇埋早餐（房價已包早餐）
A：日式套餐
B：沙律蛋或吞拿魚三明治套餐
如果大家鍾意踩單車，享受週圍嘅風景，酒店有提供付費租借單車服務，環湖遊真係一流！另外退房時亦可預訂酒店接駁車到「河口湖駅」，時間分別為09:00、09:30、10:00
另外亦都可以喺櫃檯呢度，攞自己需要嘅洗浴用品及沖泡飲食，可以攞嘅物品而又比較特別嘅有：一次性浴巾、咖啡都有兩種（普通同Café au lait)、茶包都有3種（紅茶、綠茶、焙茶）、另外搽臉嘅Lotion 、Toner、Face wash 、Cleaning oil都有
酒店有餐廳，提供早餐同晚餐（晚餐要自費），不過晚餐嘅選擇唔多，得拉麵同燒肉丼飯
晚餐供應時間：
17:30-20:30
(不定期休息）
唔好以為酒店得兩層同細規模就無電梯，會有𨋢上二樓，雖然只得一部，但總好過要自己托行李行樓梯上去😁
等𨋢嘅位置附近見到有微波爐同飲水機
亦有飲品售賣機
酒店有30間客房，數量唔算太多，如果要面向「富士山」嘅房就更加難求，所以我哋間房都係背住「富士山」，反正我都係住一晚，又早出晚歸，所以我又唔會太介意睇唔到「富士山」，（另外酒店有一大亮點，係可以睇到「富士山」靚景嘅地方，等一陣再介紹畀大家）
一入嚟就見到房門旁邊就係洗手間，正正常常一個洗手間冇乜大驚喜，但係就非常乾淨
入到房就見到，一張雙人床，其實間房係唔細㗎，有20平方米，但係佢就設計到張床要拍埋牆，假如好好利用一下空間設計，應該會更好
呢邊就見到一個非常原始嘅掛衣架，旁邊就係兩塊層板，上面有水壺、水杯、贈送嘅飲用水，下面就擺放雪櫃
旁邊就有電視同加濕器，因為櫃都唔多個，所以係有非常多地方攤開行李，就算攤開兩個行李喼攞嘢都冇問題
呢邊就有一張兩人座梳化同茶几，梳化瘦啲3個人都坐得落🤣
雖然見唔到「富士山」，但係窗外面見到嘅景色非常開揚
唔想週圍行去搵餐廳，又唔想食燒肉丼飯同拉麵，我哋就決定今晚去超市買我哋嘅晚餐，沿路行去超市，見到嘅「富士山」真係超級巨大，加上黃昏嘅天色又開始變黑，真有點嚇人，巨大嘅壓迫感迎面而嚟，如果真係有巨物恐懼症嘅話，一定嚇親🤣🤣🤣
以下呢間超級市場距離酒店600公尺，約9分鐘就可以行到過嚟
Ogino 河口湖店（オギノ 河口湖店）
營業時間：
星期一至日09:00–21:00
兩個人食咁多嘢真係有啲嚇人，沙律同蛋糕係留返宵夜㗎😅
我最近迷上咗食呢款開心果雪糕😋，真係非常多開心果粒，好好味😍
一夜無夢，食飽飽肥肥白白又過咗一夜，一大早就落地下嘅餐廳食早餐，現場見到已經非常多人喺度享用早餐
大片落地窗外見到西瓜屋，假如坐前啲嘅話，亦會見到「富士山」
基本上唔係自助式，所以枱面上就淨係見到有兒童餐具擺放
另一邊就見到有飲品供應
我哋兩個都唔慣朝早食飯，所以一個就揀咗吞拿魚三文治
另一個就揀咗碎蛋三文治，有生果仲有洋蔥湯，免費得嚟都唔算馬虎
食完早餐，就同大家上天台睇下酒店嘅一大亮點
完全無遮擋、無死角，就可以見到巨大嘅「富士山」
（喺呢度順便話畀大家聽，如果有興趣住呢間酒店，而又揀選睇到「富士山」嘅房間，就會見到右方嘅墓園區，雖然唔係大型墓園，但係如果大家介意嘅話，就要注意哦📢📢📢）
今次過嚟「河口湖」呢邊，連續三日都睇到「富士山」，我哋兩個（風、水二人轉），已不復存在🤣🤣🤣🤣🤣
怕曬太陽又要睇到「富士山」，酒店非常貼心，提供一個遮雨、遮太陽嘅地方，等你可以坐喺度慢慢欣賞「富士山」✌️
呢兩日影「富士山」嘅次數，已經數唔清，好彩而家用嚟影相嘅唔係菲林年代嘅相機，如果唔係曬相出嚟，相簿都可能幾吋厚🤔
咁靚嘅環境，點少得我家大壯🐼、大頭🐼
酒店週圍嘅民居疏疏落落，但又唔會靜到方圓1公里都無屋、無人（週圍冇屋、冇人，真係有啲得人驚😨）
如果喺煙火季時入住，仲可以喺度欣賞到綻放嘅燦爛煙火
· 衛生程度：9.5/10
· 設施：9.2/10
· 位置：9.2/10
· 服務：9.3/10
HAOSTAY喺「河口湖區」算是一個性價比高嘅住宿選擇，大家下次嚟「河口湖」都不妨考慮入住
🔽方式一
➤從「東京」要去「河口湖」最方便的方式就是搭乘《特急富士回遊號（FUJI EXCURSION）》前往，《特急富士回遊號》每日行駛四趟往返列車（根據季節增設一趟特別往返列車），從「新宿」（部分列車從「千葉」出發）出發，直達《富士急行線「河口湖站」》
👇主要車站的總票價（單程）
📍新宿站～下吉田站： 3,940日元（火車票2,320日元、特快票1,620日元）
📍新宿站～河口湖站： 4,130日元（火車票2,510日元、特快票1,620日元）
📍（行車時間：最快只要1小時53分鐘）
👉可連結官網查閱《特急富士回遊號（FUJI EXCURSION）》
➤《富士急行線》是「JR大月車站」連接「河口湖車站」之鐵道，沿途有18個車站，是暢遊「富士山」的主要鐵路
👉可連結官網查閱《富士急行線》所經之車站
🔽方式二
➤高速巴士（新宿、東京、羽田機場）
➤主要的高速巴士從「新宿巴士總站」和「東京車站」（因巴士公司不同有從「鐵鋼大樓」和「八重洲巴士總站」）出發，也有從「羽田機場」經由「品川」的班次，非常方便
👇主要車站的總票價（單程）
📍大人 2,200日圓, 兒童 1,100日圓 （行車時間：約1小時45分）
👉可連結官網查閱Highway-buses.jp
🔽方式三
➤JR東日本中央線快速列車＋富士急行線
搭乘《中央線》的普通列車或特急列車至「JR大月站」，再轉乘《富士急行線》（上面方式一有講述）前往「河口湖」，這種方式較花時間又貴且需轉乘
下一篇仍然係「河口湖」嘅景點 ～
山梨 ～ 河口淺間神社+富士山遙拜所
記得留意哦！也謝謝你的觀看❤️
發佈留言