「富士山」，係我夢寐以求要見一次嘅絕景！今次同大家走入「山梨縣」，去4個超正嘅景點，感受「富士山」唔同角度嘅魅力，呢4個景點包括有「富士吉田懷舊商店街」、「金鳥居Kanadorii」、「河口湖大石公園」與「精進湖」.....

旅程嘅第三日我哋就離開「東京」，出發去「山梨縣」，去「山梨縣」當然就係為咗睇「富士山」🏔️

不過要睇「富士山」都唔係容易，好似前幾年我哋喺「靜岡」，就完全見唔到，因為佢經常隱蔽在雲朵之後，所以喺呢度順便話畀大家聽，如果要知邊日可以睇到「富士山」，可以查閱以下呢個網址👇

📌富士山能見度指數

如果指數有10就一定會見到「富士山」，相反指數得1就應該無機會見到

北方係指「河口湖」一帶

南方係指「靜岡」一帶

另外由「東京」前往「富士山河口湖」的方式有以下幾種：

從「東京」要去「富士山河口湖」的方式』

🔽方式一
➤從「東京」要去「河口湖」最方便的方式就是搭乘《特急富士回遊號（FUJI EXCURSION）》前往，《特急富士回遊號》每日行駛四趟往返列車（根據季節增設一趟特別往返列車），從「新宿」（部分列車從「千葉」出發）出發，直達《富士急行線「河口湖站」》
👇主要車站的總票價（單程）
📍新宿站～下吉田站：　3,940日元（火車票2,320日元、特快票1,620日元）
📍新宿站～河口湖站：　4,130日元（火車票2,510日元、特快票1,620日元）
📍（行車時間：最快只要1小時53分鐘）
👉可連結官網查閱《特急富士回遊號（FUJI EXCURSION）》
➤《富士急行線》是「JR大月車站」連接「河口湖車站」之鐵道，沿途有18個車站，是暢遊「富士山」的主要鐵路
👉可連結官網查閱《富士急行線》所經之車站

🔽方式二
➤高速巴士（新宿、東京、羽田機場）
➤主要的高速巴士從「新宿巴士總站」和「東京車站」（因巴士公司不同有從「鐵鋼大樓」和「八重洲巴士總站」）出發，也有從「羽田機場」經由「品川」的班次，非常方便
👇主要車站的總票價（單程）
📍大人 2,200日圓, 兒童 1,100日圓（行車時間：約1小時45分）
👉可連結官網查閱Highway-buses.jp

🔽方式三
➤JR東日本中央線快速列車＋富士急行線
搭乘《中央線》的普通列車或特急列車至「JR大月站」，再轉乘《富士急行線》（上面方式一有講述）前往「河口湖」，這種方式較花時間又貴且需轉乘

而我哋就由「東京」揸車去「富士山河口湖」，沿途有二個可以停車嘅休息站(PA)，我哋今次就停喺～

藤野停車區藤野PA (下り)

✅MAPCODE ：

📍 23 094 457 *51

由「東京~新宿」開車行駛57.6公里約51分鐘就可以到達，行收費公路費用為￥3,650円 (用ETC就只需要￥1,710円)

當然亦可以行不收費公路，（如果行不收費道路，根本唔需要停呢個PA休息站），不過都照分享俾大家睇下，要揸2小時22分鐘62.2公里先可以到達😨

呢個PA休息站，使用量非常高，就連旅行團嘅車，都要停呢度俾遊客去洗手間

不過因為係PA休息站，所以呢度冇餐廳、無物產館，就只有便利店，但幸好呢個休息站嘅廁所都算大，就算遇著旅行團車亦可以應付到

下圖係休息站嘅週圍環境，離開「東京」差唔多開車行駛咗成個鐘，就已經見到算係鄉郊嘅場景

我哋由休息站繼續出發，沿著「中央高速公路（河口湖線）」行駛，突然見到前面白色一角嘅物體，個心不由得雀躍起來，終於見到「富士山」✌️✌️✌️

今次真係第一次見到「富士山」，仲要係有積雪嘅「富士山」，心情真係好興奮🥰

為咗睇「富士山」，今次呢篇文章，會同大家去四處景點，每個景點都係可以見到唔同面貌嘅「富士山」

正式開始出發囉📢

🏮 第一站：

富士吉田懷舊商店街（本町通）

景點資訊

地址：山梨縣富士吉田市下吉田3丁目5番地

電話：NONE

開放時間：24小時

門票收費：免費

停車場資訊：
💡有數個停車場可供選擇
🔽1. 富士吉田市営本町通り駐車場
➤MAPCODE：161 246 625 *26 可停放13輛車
➤收費00:00-24:00（60分鐘100日元；30分鐘後50日元）
➤步行24公尺1分鐘到達景點
🔽2. 富士吉田市営宮川橋南駐車場
➤MAPCODE：161 246 867 *04 可停放27輛車
➤收費00:00-24:00（60分鐘100日元；30分鐘後50日元）
➤步行240公尺4分鐘到達景點
🔽3. 富士吉田市市営西裏駐車場
➤MAPCODE：161 246 585 *54 可停放27輛車
➤收費00:00-24:00（60分鐘100日元；30分鐘後50日元）
➤步行300公尺4分鐘到達景點

🔽公共交通：
➤從《富士急行線》（上述『從「東京」要去「富士山河口湖」的方式』有提及），在「下吉田站」或「月江寺車站」落車後步行約7分鐘可到達

去到「富士吉田市」就已經見到非常龐大的「富士山」，之前睇相同真實見到嘅感覺真係兩回事，如果你有巨物恐懼症，見到「富士山」一定會覺得驚恐🤣

嚟到「富士吉田市」嘅「本町通」，已經見到唔少人群聚集喺度影相

馬路兩旁都有唔少遊客

我哋將車停喺「富士吉田市営本町通り駐車場」，（呢個係最近、最方便嘅停車場）本來係冇位停㗎（已經Full咗），我哋兜咗一個圈後先有位可以泊到車

由停車場行出嚟，就見到好多人喺度影相，其實喺馬路咁影相，真係有啲危險😥

有啲甚至誇張到，成班人一字排開企喺馬路影，雖然無車駛過，但始終係馬路，真係要小心㗎😮‍💨

同埋盡量不要高聲喧嘩、不要停留在馬路上影相，因為周圍都係商店同住宅區，影響當地人嘅生活就唔好啦

不過唔好以為，真係任得你企喺馬路冇人管，其實現場係有多名工作人員，喺馬路邊睇實你哋，見你哋喺馬路影相，就會趕你哋返上行人路

嚟到「本町通商店街」，瞬間好似穿越時空返到昭和時代！街道兩旁掛滿色彩斑斕嘅復古招牌，錯綜複雜嘅電線，仲有各種傳統小店，包括古早玩具店、和菓子鋪同家庭雜貨店

呢條街最犀利同出名就係～

一條路直指「富士山」

企喺街道上抬頭望過去，雄偉嘅富士山就喺街道盡頭巍然屹立，形成一幅獨一無二嘅構圖

呢個景更成為咗爆紅打卡地點，唔少人都專程嚟影張『懷舊街道與富士山』嘅經典相（包括我哋都係😁）

根本都唔需要用到啲咩鏡頭，手機隨便一影，龐大嘅「富士山」就出現在鏡頭裡

「富士吉田商店街」上除咗有各式懷舊小店，仲有～

大明見北東本宮小室浅間神社

有時間嘅話可以順道參觀

呢個水渠蓋，算係目前所影到嘅最靚嘅一個，有「富士山」、有櫻花，充滿濃濃的日本色彩

⛩️ 第二站：

金鳥居Kanadorii（第一鳥居）

景點資訊

地址：〒403-0005山梨県富士吉田市上吉田1-10付近

電話：0555-21-1000

開放時間：24小時

門票收費：免費

🔽停車場：免費
➤可將車停放在「富士急ターミナルビル Q-STA」之停車場
➤MAPCODE：161 215 566 *44

公共交通：
由「富士山火車站」行步約5分鐘可到達

「金鳥居」係「富士吉田市」嘅象徵，亦係「富士山」信仰嘅代表性存在

呢座氣勢磅礴嘅大鳥居，高聳喺馬路中央，呢度係通往「富士山~吉田口登山道」嘅起點，亦係「富士山」文化嘅重要象徵

雖然叫做「金鳥居」，但其實唔係金色嘅！原先被稱為『唐銅鳥居』（即青銅），因為日文中（銅）和（金）的發音相似，傳下傳下就變成咗「金鳥居」

最特別嘅係從鳥居下方望過去，「富士山」剛好被鳥居和上方的『注連繩』完美框住，咁嘅景象只有喺呢度這先可以睇到

「金鳥居」亦被稱為『一之鳥居』，象徵著從凡俗世界進入「富士山」信仰世界嘅神聖分界線

真羨慕住喺呢度嘅人，可以日日對住「富士山」🏔️

🌸 第三站：

河口湖大石公園

景點資訊

地址：山梨縣南都留郡富士河口湖町大石2525-11

電話：0555-72-1976（富士河口湖町役場都市整備課）

開放時間：24小時

門票收費：免費

🔽停車場：免費
➤可將車停放在「大石公園駐車場Oishi Park Parking Lot」 ➤MAPCODE：59 089 356 *28
🔽公共交通：
➤可以乘搭《Highway Express Bus》（上述『從「東京」要去「富士山河口湖」的方式』有提及）於「河口湖自然生活館站」落車可到達
➤乘搭《富士急行線》或《河口湖周遊巴士（紅線）》到「河口湖自然生活館站」落車可到達
👉可連結官網查閱河口湖周遊巴士（紅線）

呢個景點多人到難以想像😥，嚟之前已經預咗多人，但就冇諗到多到咁誇張😨

龐大嘅停車場泊滿車，我哋到嘅時候，好在有車剛離開，如果唔係就要呆等車位

4月上旬「河口湖」嘅櫻花仲未開齊，如果唔係可能就更加人頭湧湧

俾啲人山人海相大家睇下

「大石公園」係「河口湖」必去景點之一，呢度可以睇到無死角嘅「富士山」美景，而且4月下旬至10月上旬都有花睇，例如春天有鬱金香、水仙、油菜花，而夏天最出名係薰衣草（6月下旬至7月中旬），到秋天有鼠尾草、波斯菊同波波草

而家4月上旬，除咗櫻花就真係無咩其他花睇，咁無花好睇就睇下「河口湖」也是不錯

「河口湖」坐落於「富士山」北側，係由「富士山」火山噴發所形成嘅五個堰塞湖「富士五湖」之一

「河口湖」喺「富士五湖」中，擁有最長嘅湖岸線，圍住「河口湖」有博物館、美術館等文化設施，另外亦有好多酒店、餐廳散落於湖畔周邊

有積雪嘅「富士山」真係太令人震撼，呢座活火山係日本最高峰（海拔3776 米），橫跨「靜岡縣」和「山梨縣」，它不僅是「日本」的國家象徵，更是世界文化遺產

真係要親身見到，先會感到「富士山」那種大山嘅氣息，就好似有生命一樣，今日我每次見到「富士山」，都總係移不開視線，深深被它吸引住

公園旁邊有兩間咖啡店～

1. Oishi Park Café

2. CAFE "With a view of Mt Fuji" 富士山の見えるカフェ

假如唔係咁多人，就可以靜靜地嘆咖啡、甜品，一邊欣賞美景

嚟到「大石公園」，都記得一定要參觀埋～

河口湖自然生活館

營業時間：

星期一至日09:00-17:45

店舖裡面有各種「富士山」造型特色商品同手信

就好似下圖呢對杯，「富士山」造型嘅櫻花杯，雖然價錢有啲貴，但就真係幾靚，我原本都想買，但見到排隊畀錢嘅人龍，令我家主子嘅銀包可以慳返😑

另外一樣想買嘅就係「富士山」造型蛋糕，唉！睇咗當食咗囉😮‍💨

呢個用嚟做手信夠曬特別，冇得食又冇得睇，就係開罐嗰一刻感受下😁

「富士山」造型嘅樽裝飲品，驟眼睇都幾似「富士山」

呢個盛蛋器，亦係「富士山」造型

除咗「富士山」造型嘅產品之外，呢堆櫻花系列嘅產品亦都好吸引人💮

當然唔少得全部有「富士山」做包裝嘅手信同食品

從館內望出去嘅視野極佳，一邊購物一邊欣賞「富士山」

「自然生活館」後方有個「富士大石花園平台」，原本以為人潮較少，但係都係多人到不得了，原來想食

BRAND NEW DAY COFFEE嘅pizza

位於富士大石花園平台內，二樓有窗邊座位，可以一邊品嚐咖啡輕食，一邊從花叢中欣賞「富士山」，網上睇圖片風景靚到不得了！

但係最終都係太多人，唔想浪費時間等位，於得就幫襯以下呢間有位坐嘅

Sansuien (山水縁) Japanese Restaurant

營業時間：

星期四至星期二11:00–18:00；

星期三休息

室內裝修算唔錯㗎，仲可以睇到部分「富士山」

但係食物就🙄🙄🙄

塊豬扒薄到好似淨係得粉漿，但味道係可以接受嘅，至於其他食品就唔知得唔得🤔

所以去「大石公園」真係要預唔喺度食嘢，因為人太多有排等位，有位嘅餐廳都真係唔多有保証🙄🙄🙄

🏞️ 第四站：

精進湖

景點資訊

地址：401-0336地址山梨縣南都留郡富士河口湖町精進

電話：0555-87-2651（精進湖觀光協會）

開放時間：24小時

門票收費：免費

🔽停車場：免費
➤可將車停放在「精進湖他手合浜駐車場」 ➤MAPCODE：312 567 596 *61
🔽公共交通：
➤由「富士山火車站」乘搭《周遊巴士（藍線）》到「精進湖入口」可到達
👉可連結官網查閱河口湖周遊巴士（藍線）

「精進湖」呢邊相對就冇咁多人，停車場有大把位可以泊車