鹿兒島 ~ 曾木瀑布（霧島必去景點❤）

 

「曾木瀑布」位於「鹿兒島縣 ~ 伊佐市」，在評選新時代景觀的「平成百景」中排名第24位！這裡的瀑布規模雄偉，水流氣勢壯觀.....

去完「霧島」的第一個景點「霧島丸池湧水」之後，開車20.5公里約26分鐘，馬不停蹄的嚟到今個行程自己比較期待的地方 ～

曾木瀑布

停車場 MAP CODE： 270 654 136 *24

交通資訊

地址：鹿児島県伊佐市大口宮人628-41

電話：0995-28-2600（曽木の滝観光案内所）

開放時間：24小時

門票收費：免費

公共交通：
由《JR肥薩線 ~ 栗野車站》下車步行900公尺到《栗野三文字巴士站》，乘搭巴士《大口線》於《大口巴士站》下車，再轉乘巴士《田代線》於《曽木の滝入口巴士站》下車，步行550公尺到達
★★【田代線只有逢星期二、三、四有運行】★★

『田代線』除咗只有逢星期二、三、四運行，就連班次也甚少，如果想搭公共交通工具去「曾木瀑布」，唔係唔得不過就一定要睇住時間🤔

自駕嚟到瀑布公園就有非常大型嘅停車場，供免費泊車使用，喺「鹿兒島」自駕遊真係可以慳返好多公路費、停車費💰

不知道是不是星期日的關係，瀑布公園停泊了不少車輛，難道當地居民嘅family day都會選擇來這裡遊玩、散心🤔

因為喺現場大部分嘅人都係講日語🙄

整個「鹿兒島」嘅地圖放在眼前，我哋今次『6天鹿兒島自駕遊』，大部分嘅景點都會去到，我都要學吓某航空公司嗰廣告，『制霸鹿兒島』😆

奔波了大半日，又到食午餐的時間，今日嘅午餐我哋選擇喺瀑布公園呢邊食，係停車場這邊首先見到 ~

Yasoan野草庵

（聽個名就知道已經係謝絕食肉獸［事實亦都係］，雖然餐點擺盤很吸引，但無肉怎會快樂🤣）

平靚正可以選擇 ~ FOOD COURT 曽木の滝

沿路亦會見到一些售賣土產、手信的商店

以下這間是日本料理 ~ 

 なりざわ 

營業時間：星期一至五10:00–18:00

星期六、日08:30–18:30

我哋今次選擇食呢間

有好多種類嘅食物可以選擇，不過「曾木瀑布」嘅餐廳，大部分最出名嘅都係整鯉魚料理、黑豬肉料理，（但我對這類魚已食到十分恐懼，自我有記憶以來，我家餐桌上幾乎總見得到牠的身影😱，雖然我起碼有20年無食，但牠的味道對我來說還是記憶猶新🥺，無論整得有幾好味或特別，我都完全冇興趣😑）

入到店內首先喺購買土產、手信嘅部分

之後就再進入到餐廳

除咗鯉魚料理，這間餐廳亦有提供釜飯，（大家去到「由布院 •金鱗湖」都必定會幫襯的那一家），做法其實完全一樣，最後我決定都只係簡單的叫了豬扒蛋蓋飯就算了

因為見到人哋食個賣相都好吸引人😋

至於瀑布公園還有其他食肆：

1. 花むしろ（日本餐廳）
2. 曽木の滝公園そば庵（曾木瀑布公園蕎麥麵）
3. 南天竺屋（印度餐廳）
4. ピクニックマルシェ （意粉、甜品餐廳）

步行前往瀑布嘅路上，見到有不少燈飾

 在賞楓季期間，園內亦會舉辦「曾木瀑布公園紅葉祭」（曽木の滝公園もみじ祭り），夜間還會點燈供遊客賞夜楓

 雖然已經過左紅葉祭，但有可能因為就快到聖誕節，我估園區夜間會有聖誕燈飾觀看

大部分嘅燈飾造型，都是與冬天聖誕有關

但就不知道瀑布那邊，會不會同樣有燈飾

我哋就繼續走在前往「曾木瀑布」嘅路上

行去瀑布嘅路其實相當好走，亦不用走太遠

沿路亦設有指示牌

瀑布公園周圍有翠綠群山圍繞，春天有櫻花可賞，秋天還有染紅楓葉美景可追，在「鹿兒島」是非常著名的景點，就連著名女詩人柳原白蓮都讚嘆，並為此提咗一首詩，圖中介紹的就是女詩人柳原白蓮

好快就行到嚟「曾木瀑布」了🤩，真的是非常漂亮、震撼🥰

「曾木瀑布」位於九州第二大河流「川内川」上游，寬210公尺、高12公尺，瀑布規模雄偉，水流氣勢壯觀

因看起來就像世界聞名的「尼加拉瓜瀑布」，所以又被稱為『東洋版的尼加拉瓜瀑布』

來到現場比睇網上相片更美麗、壯觀，其實坦白講，有些景點真係純粹靠執相、吹噓，去到現場真係同網絡睇到嘅相係兩回事

但這裡絕對不會令你失望，因為現場睇住洶湧湍急水流直下，再加上聽到水聲如雷，震撼著你每條神經😁

跟住就講吓「曾木瀑布」的威水史：

首先在評選新時代景觀的『平成百景』中，「曾木瀑布」就排名第24！👍

日本排名比「栃木縣」的「日光東照宮」、「山口縣」的「錦帶橋」、「宮城縣」的「藏王」還要高！

第二樣威水史就係：

曾經有一座大橋由於阻礙瀑布嘅景觀，當地係2015年完全拆卸同搬移左條橋

大橋都要為左瀑布讓路，你話幾犀利✌️

原本我哋還期望，12月初仍可以在這裡見到紅葉，但當知道未出發紅葉季已完結，其實心裏多少有些失落

但來到後又覺得雖然冇紅葉，但其實景色已經非常漂亮

起碼是陽光明媚，溫度適中，人潮又不多，所以對一些事物降低些要求、執著，甚至期盼，人就變得更簡單快樂了😁

「曾木瀑布」下游還有一處隱秘的景點

就是在下游的壩湖中還殘留著磚砌的「索吉水力發電廠」的遺跡

夏天時它會出現在水面上，外觀讓人想起中世紀的城堡，但冬天就會在水底下，我哋今次就無緣份見到😓

水流嘅聲響真是有如萬馬奔騰

有太陽照射底下嘅水流，變得藍藍的

配襯著純白的激流，極度美麗的景致，真的讓人移不開視線

這塊石碑上的字跡，都已經變得十分模糊，實在看不到寫些什麼🤔

在觀賞「曾木瀑布」的步道上，每個位置所影的風景，都會有所不同

呢張我自己就很喜歡😘❤️

在遠處的這條小瀑布，如果水量多些就會更壯觀

望著這些水流不斷的沖呀沖，其實亦是相當療癒的

這邊還見得到新起嘅「新曽木大橋」

有蘆葦做前景影過去，照片出嚟嘅效果亦相當不錯

什麼是『観音渕』《觀音淵》，其實是記載了一段歷史，意思是豐臣秀吉與島津義久講和，並在前往「京都」前參觀了「曾木瀑布」

越往下遊走過去水流就越急

這個是『曽木の滝 アクリル板展望台』，簡單啲講即係一個觀景台

最特別嘅地方，底部係用玻璃造成，而最前面嗰一段嘅玻璃，更是透明的，一啲都唔覺恐怖，因為透明玻璃太污卒卒🙄

如果玻璃夠清澈的話，應該見到的是這種景象

參觀完瀑布我哋就由另一邊往回走，途經下圖嘅『曾木瀑布 遊客中心』（曽木の滝観光案内所）

沿著這條路走，就可以去到公園內的「清水神社」

神社供奉著掌管姻緣，同保佑孩子平安出生嘅神明

走呢一邊會見到瀑布的頂層

頂層有很多漂流木在漂浮著

沒有衝擊的流水，亦是一種靜態的美

我哋都有拍到片段畀各位欣賞「曾木瀑布」，有興趣可按下列youtube頻道觀看

下一篇是「霧島藝術之森」，喜歡草間彌生的作品，就不要錯過哦！

記得留意唷！也謝謝您的觀看❤️

Like & Share 本篇文章