澳門「殷皇子大馬路」附近美食、景點遊.....
4月份對於我們而言，是一個慶祝的月份，我家主子是今個月的壽星🎉，今年的4月我們又嚟澳門慶祝了！
這幾年間澳門開了很多新酒店，繼上年住過「葡京人」、「上葡京」外，今年又住吓新酒店 ~ 「YOHO 金銀島酒店」
在入住酒店前首先講下今日上午嘅行程，介紹景點同食店畀大家🥰
我哋『東涌人』當然係經「港珠澳大橋」嚟「澳門」，真係分分鐘快過出去「油尖旺」，嚟到「澳門」首先係去開餐，今次介紹呢間 ～
永安咖啡室
地址：澳門馬大臣街4號澳門馬大臣街4號聯豐大厦地下及閣仔B座
電話：853 2832 5001
營業時間：星期一至日07:30–17:30
公共交通：
從《港珠澳大橋澳門邊檢大樓》乘搭巴士《101X》在《殷皇子馬路》下車，步行750公尺約11分鐘可到達
店舖外觀是非常普通地道的茶餐廳格局
但係唔好睇少佢呀，呢間係一間要排隊等入座嘅店舖
店舖的面積亦不算大，總之如果你要求用餐環境寬敞舒適、情調氣氛的就唔啱你
來這裡用餐就係純為美食
所賣嘅食品、價格亦與茶餐廳差不多，不過如果你喜歡食咸牛脷的話，來這裡食完絕對會有驚喜
每張餐桌上都放有一樽油咖哩，呢樽油咖哩亦係大熱產品，如果去門市買的話每人限買三樽
油咖哩的門市是 ~
大良昌記咖哩
地址：澳門龍嵩正街32號
電話：853 2897 2971
營業時間：
星期一14:00–20:00、星期二至六10:00–20:00、星期日休息
公共交通：
從《議事亭前地》步行400公尺約6分鐘可到達
牛脷切得非常厚，入口又軟又嫩，如果食咸牛脷飯，牛脷所俾嘅份量亦十足
咸牛脷米粉牛脷嘅份量會少啲，不過如果加埋油咖哩食就非常惹味
另外他們出品嘅匈牙利牛肉飯亦相當不錯
因為咸牛脷實在太好味了，所以又多叫了一碟剩咸牛脷，4個人分剛剛好，非常滿足又美味的午餐
如果唔想等位，午飯時間建議早些去到，就不用等太耐
食飽就慢步下澳門街頭，行咗冇幾耐就經過 ~
雀仔園街市
雀仔園街市建於1939年，2023年因年久失修要重建，於今年（2024年）1月9日恢復對外營業，（以前這裡亦有很多美食，但可能剛復業不久，裡面十室九空）
繼續行就見到 ～
高可寧大宅
正式名稱為「水坑尾街29號房屋」，建於1916年，原為當年澳門一代賭王高可寧的故居
跟住就行到嚟 ～
天神巷
位於「澳門水坑尾街」及「白馬行街」之間。街道長160米、寬4米，形狀呈L字形。在「新馬路」開通之前，是重要的東西向道路
「天神巷」裏面亦有很多美食，包括之前介紹過嘅 ～
澤賢記 (天神巷店)
佢哋嘅雞蛋仔真係唔可以錯過😋
這是一棟私人住宅 ～ 保嘉苑
其實我哋都好少行經呢邊
估唔到同「新馬路」一樣亦相當多人
好快就差唔多行到去「新馬路」，離遠已經見到剛復業嘅「新中央酒店」
「新中央酒店」，30年前我住過，記憶十分深刻的一間酒店，有機會的話再同大家講故事💨
嚟到「新馬路」，我哋今次講一個之前冇寫過嘅景點 ～
岡頂劇院
現為聯合國教科文組織世界文化遺產名錄「澳門歷史城區」的重要歷史建築之一
由「新馬路」轉入嚟「東方斜巷」開始，就要不斷上斜路💪
如果由「議事亭前地」行過嚟大約250公尺左右
很快就到達「岡頂前地」
淺綠色這一座就是「岡頂劇院」
而最遠黃色外牆的就是「何東圖書館大樓」
「岡頂劇院」對面有這座 ～
聖奧斯定教堂
開放時間： 星期一至日10:00 – 18:00
教堂由「西班牙」『奧斯定會』修士於1591年創建
教堂最初的建築非常簡陋，教士們用蒲葵葉覆蓋屋頂來遮擋風雨；每當大風吹來，蒲葵葉便隨風飛揚，一些華人遠遠望過嚟，覺得這情景像龍鬚豎起，就稱教堂作『龍鬚廟』
教堂的背面
早期的教堂是一座『手法主義建築』，1874年重修時做了巨大的改動，成為今天的模樣
主祭壇非常莊嚴神聖
跟住行過對面參觀「岡頂劇院」
開放時間：星期三至星期一10:00-18:00，逢星期二休息，澳門公眾假期照常開放
劇院門前有一棵非常大嘅榕樹，夏天站在樹下份外涼快
「岡頂劇院」原稱「伯多祿五世劇院」，建築設計為新古典希臘復興風格
劇院建於1860年，它是中國第一所西式劇院，供戲劇及音樂會演出之用，除劇場外，劇院當年還設有舞廳、閱書樓和桌球室，是昔日葡人社群聚會的重要場所
劇院裏面嘅前廳，高垂的古老水晶吊燈增添了復古懷舊的氣氛，最令人驚喜嘅係有冷氣🥰，初夏嘅天氣已熱到人成身汗🥵
這裏不是大熱參觀景點，今日星期日參觀嘅人亦唔多，正中央紅色簾幕嘅就係劇場入口
樓下劇院嘅座位同舞台，呈蜆殼形排列，設置有276個座位，裏面係唔可以行入去參觀，只能夠在門口影相
劇院設有樓上雅座，從這個入口行上去就會見到
這一排酸枝木椅子，坐落去非常舒服
行入嚟之後就會見到非常古色古香嘅木造樓梯
劇院的長廊建築非常有懷舊氛圍
這份告示話：參觀樓上不可以超過十人，（嘩！你咁寫好驚哦！😱，超過10人會倒塌嗎？😱😱）
不過話畀你聽，條樓梯行嘅時候都會（格滋格滋）響😱
樓上望落嚟更覺長廊的高度十足
樓上的座位呈月牙形包圍著舞台
你哋有睇過哥哥（張國榮）主演嘅電影『夜半歌聲』嗎？這裏與電影故事嘅場景非常相似
樓下前廳其中一處起初以為是展覽室，走近才發現是社區服務單位
門口有一隻非常兇惡嘅鸚鵡，行近D叫佢，佢會閙你😂甚至咬人
裏面嘅裝修仍保存著舊有的裝潢，非常富麗堂皇
這長長嘅餐桌，是否機構開會時用❓
這些小豬公仔，可能是要舉行一些活動時用，每張凳都放滿小豬，都幾得意😁
這個歌曲播放機夠復古懷舊嗎？但就不知道是否歌劇院本身舊有的物品
參觀完就差不多夠時間去入住的酒店check-in
但因為篇幅太長所限，下一篇先會講到今次的住宿 ～
（詳情請點擊連結觀看）
💗本篇文章
發佈留言