「靜鐵prezio飯店 - 靜岡站南」鄰近「靜岡車站」，對於出行、覓食都十分方便.....
「靜岡市」的酒店不算多，相對比鄰近的「濱松市」就沒有那麼多選擇，我哋今次就選擇住係「靜岡車站」附近的酒店 ~
靜鐵prezio飯店 - 靜岡站南
MAP CODE：254 970 07 *87
由「三保之松原」開車過來16.5公里，大約33分鐘就可以到達
住近車站的好處係，不用夜晚晚揸住架車出外搵嘢食，車站本身或附近多數會有食肆，揸足一日車，夜晚總得休息一下
酒店的正門，（睇落充滿懷舊氛圍😅），reception設喺二樓
酒店的外觀不算新淨，一眼就睇出是有些歷史的了
酒店有自己的停車位（我無記錯的話，好似係5個停車位，有點失敗唔記得影相😅），泊車費1,100日元一晚，訂房時需要預約停車位
點解唔記得影相？因為還在失落於「三保之松原」中，（入到酒店門口都要見到這景點的照片，簡直陰公😭）
不用擔心不用爬樓梯上來的😆，有電梯可以去到二樓reception
reception設計得好似舊時銀行傳統櫃檯一樣😮
點解我要訂呢間外表其貌不揚的二星級飯店呢？
就係因為喺Agoda嘅評分十分高，有8.4分，在所有嘅訂房平台都一面倒話好，（加上「靜岡市」可以選擇的酒店唔多，而且價位都比較高，唔好以為2星級酒店就平，其實這一間酒店是8日行程中最貴的，差不多港幣9百幾一晚，但都已經叫平過其他幾間💸）
去到房間樓層要用房咭感應開關，先可以入去，保安度感覺很好
咁我哋就嚟睇下呢間二星級酒店有幾好，房間樓層的走廊因有落地大窗，顯得很光猛
入到房間第一感覺是十分不錯，房間面積適中，不會太迫窄狹小
兩面牆都有落地窗戶，令房間不會侷促而又有空間感
簡簡單單嘅枱面有齊一切所需嘅用品
稍為大啲的這一面窗，看出去景色十分開揚
床頭對住的這面窗，就可以見到附近的商廈
非常簡潔的設計，令房間望落很寬敞
掛衣服的地方，最貼心是有全身鏡
雖然簡單，但就連鞋抽、鞋刷也配備，而且拖鞋不是即棄款式，著落很有質感
浴衣也有提供
最貼心還是將2支贈送的水，放在雪櫃裡面，令人感到底很貼心的服務舉動
污衣籃、加濕器一樣有
廁所不是鑲嵌的那一種，不會覺得晃動，雖然不是乾濕分離，但空間大小還是不錯的，廁所起碼沒有水垢漬、發霉，十分乾淨
酒店距離「靜岡車站」非常近，下圖綠色箭咀所指的建築物就是火車站
步行過去「靜岡車站」非常近
車站前的「久能山東照宮 三百年祭 記念塔」，充滿歷史感，它是由『300週年紀念日協會』在大正４年(1915年)建造的，以紀念德川家康的３００週年紀念日
「靜岡車站」其實比我想像中大，我起初以為只係類似「富山車站」一樣
呢間買華夫餅Waffle，十分多人幫襯，大部份顧客都係女性，都說女人有另一個胃裝甜品，睇嚟是錯不了的🙄
Maneken Asty Shizuokaten マネケン アスティ静岡店
車站裡面都有非常多食肆
沼津魚がし鮨 プレミアム静岡本店（壽司店）
其實在做功課整理行程的時候，已經知道「靜岡市」出名食關東煮.....😑
石松餃子 アスティ静岡店 （餃子店）
但在眾多日本食物業種類中，我最不喜歡的就是關東煮，所以這一晚打算做冒險家
Hachougura 八丁蔵 静岡アスティ店（居酒屋）
到車站自己發掘下餐廳，說不定會遇到驚喜
Shizu Bar しずバル（居酒屋）
結果左揀右揀之後，我家主子都係決定食炸豬扒飯，他對炸豬扒飯情有獨鍾😑
とんかつ新宿さぼてん アスティ静岡店 （日式炸豬扒餐廳）
這一間嘅炸豬扒飯種類都很多，（不同部位的豬扒）
自己磨芝麻加醬汁拌椰菜絲食，十分好味
這就是我點的豬扒套餐，食落沒有中伏感，但亦沒有太大驚喜，是極為普通正常的口感
車站還有其他食，例如 ~
【1】大衆食堂イマさん ASTY静岡 （居酒屋）
【2】ネパールインド料理ハッピーアスティ静岡店 （尼泊爾餐廳）
【3】アスティ静岡西館炉囲土 （居酒屋）
【4】サロン卵と私 アスティ静岡 （日式西餐廳）
【5】うおがしどん （壽司店）
【6】しずおか魚市場直営店 ＪＲ静岡駅アスティ東館店 （居酒屋）
【7】海ぼうず アスティ東館店 （居酒屋）
【8】一杯一笑とん松食堂 （居酒屋）
亦有很出名的 ~
一風堂 JR静岡駅店
今日揸車途中，沿路都見到很多種植士多啤梨的田地，所以在行超市時，都買咗盒回酒店品嚐，個樣真係好靚，但食落口就唔甜囉😣
話咁快又到第二朝，訂酒店時亦加購了早餐，這間酒店的早餐只需$55港幣一位，同我屋企樓下的茶餐廳早餐價錢差不了幾塊錢
餐廳的用餐環境比我想像中大
十分明亮坐位又闊落
幾十元一位的早餐，都預計了不會有特別驚喜的款式
對於我來說，早餐只要不是麥皮，我就無所謂了，（在家天天早餐都係麥皮，難得渡假，當然要放縱一下🤭）
連甜品也做成「富士山」造型
驚喜在於這個炒麵，麵質非常煙韌有咬口，我很喜歡它的口感
非常普通的腸仔，但優點在於有熱爐烘著，不會凍冰冰
早餐的主食唔多，反而一些甜品、醃漬物、涼拌小食就十分多選擇
這就是我今天的早餐，除了炒麵，燒賣也很好味😋，份量有沒有很誇張🤭
以一間二星級酒店嚟講，整體質素比一些3星級酒店好，起碼有自己的停車位，但如果價錢可以平多$200就更理想了🤭
下一篇是得到健力士世界紀錄 ~
「世界最長木造行人橋」
（詳情請點擊連結觀看）
Like & Share 本篇文章
沒有留言:
發佈留言
按「 發佈留言」可留言☎️(我們會盡快回覆)