日本 ~ 名古屋日航尚格酒店 Nikko Style Nagoya 住宿體驗

「名古屋日航尚格酒店 」Nikko Style Nagoya 是一間CP值超高的酒店.....

 

由「靜岡~溫暖之森」開車100.2公里，大約1小時20分鐘就回到「名古屋」，今次在「名古屋」會入住新酒店 ~

名古屋日航尚格酒店 Nikko Style Nagoya

MAP CODE：428 787 8 *28

酒店資訊

地址：愛知縣名古屋市中村區名站駅5-20-13

電話：+81 52-211-8050

公共交通：
※距離《名古屋JR、名鐵、近鐵站》步行800公尺約11分鍾可到達
※距離地鐵《櫻通線-國際中心站》步行550公尺約8分鍾可到達
※距離地鐵《東山線-伏見站》步行650公尺約9分鍾可到達
※從｢中部國際機場｣乘坐機場大巴（Centrair Limousine）到《名古屋巴士總站》約85分鍾，從巴士總站步行650公尺約9分鍾可到達

停車場設在酒店的後面，Parking設有迴轉式泊車服務，酒店停車費每晚 JPY1800（店內泊車位有限，不設預約，先到先得）

酒店作爲「大倉日航酒店集團」第一家以新品牌 ——『Nikko Style日航尚格』正式命名的酒店就係坐落於「名古屋」

一入酒店就見到右手邊的『style kitchen』餐廳，（食早餐的地方）

左手邊就是非常寬敞嘅大堂，酒店運用了『Nicolai Bergmann Flowers & Design尼古拉·伯格曼花藝設計』爲酒店增添了色彩

椅子嘅設計亦十分有藝術感，酒店用「名古屋」傳統的『有松絞染』技術來裝飾椅子

這面牆上嘅裝飾非常有文青feel

睇我家主子攤喺度，就知坐得幾舒服😅

大大隻落地窗，令室內嘅採光效果非常好

天花上掛有鯉魚旗，在文青的裝飾風格上，加添了濃厚日本feel的感覺 

Reception從大門直行就會見到

我哋外出經過數次，都見到永遠有人在排隊辦理入住，睇嚟都非常多人幫襯這間酒店

酒店有191間客房，樓高連地下一共有13層 

這種設計我很喜歡，不誇張又有一絲絲藝術感，花朵形狀嘅擺設增添了一絲絲高雅❤️

𨋢口同樣有張躺椅，可以畀你攤喺度等𨋢🤭

樓層走廊非常寬闊光猛，地氈嘅顏色同花紋襯托簡單嘅牆身，整體效果非常配襯

需要用冰嘅可以自取，應該每個樓層都有製冰機

房號嘅設計亦都是有心思的，不只是單單幾個數字就算數

一進入房間我就已經十分喜歡這裡的設計，起碼畀人嘅感覺係經過Design嘅

廁所同浴室係完全分開，真正的乾濕分離

最貼心就係不用踏入浴缸都可以沖涼了，浴室有淋浴的位置

另一面設有浴缸，想用亦都可以

巧妙將梳洗枱放喺房間嘅呢個位置，怕人見到你刷牙洗臉？不用擔心，有趟門拉出嚟就可以遮擋了

梳洗枱下面有啲咩呢？我哋一齊尋下寶先😁

梳洗用品應有盡有，就連漱口水亦有提供

另一個櫃桶就係放毛巾

浴室對住嘅就有呢個簡單嘅衣櫃，可以掛衫放行李

可以擺到好多嘢嘅桌面

房間的面積有30平方米，在日本酒店中這個尺寸算是很不錯的了，這間酒店你哋估下幾多錢一晚，超級高CP值，兩晚住宿連早餐都係HKD$1,523，為HKD$761一晚，（不過最近上網睇過，價錢在短短幾個月裡面，變貴得有點嚇人😰）

這邊見到有基本的茶包、咖啡供應

拖鞋嘅質感亦都非常好，十分好著

夾萬亦有提供

當然一定會有浴袍

雙人床前面有張小型嘅梳化同茶几

冇打開窗紗都覺得房間十分光猛，我本身容易失眠，如果房間夠光同淺色的設計，會令我較放鬆比較容易瞓得著，（係自己屋企我瞓覺都要開盞小枱燈😓）

望出去嘅景色亦十分開揚，呢邊望出去可以睇到我哋泊車嘅停車場

參觀完房間都接近黃昏了，又到出去晚餐的時間，這間酒店每一個部分都好好，唯獨有一個缺點，就係距離「名古屋車站」有段距離，下圖是走在街上見到覺得很特別的建築，就隨手一拍

跟住要參觀嘅景點，就同「名鐵百貨」非常有關係

就係巨大「NaNaChan娜娜醬ナナちゃん」，由酒店步行10 分鐘 (約700 公尺)就可到達 

來到「名古屋」一定要去會見一位名人「NaNaChan娜娜醬ナナちゃん」，她是新潮時髦的女孩，巨大的身型身高6公尺體重600公斤，也是「名鐵百貨公司」的形象代表，「 NaNaChan」生於1973年4月28日(昭和48年)，位於「名鐵百貨公司」男士館一樓入口處，這巨大的人偶也是人氣會面集合地點，「NaNaChan」會經常轉變服裝裝扮

再跟住我哋就行去「廣小路口」，大約再步行4 分鐘 (290 公尺)就可到達 

「美食街•廣小路口」是幾條美食街中最寬敞的，即便排起長隊也不會太擁擠

我哋今晚就係食呢間 ~

山本屋本店（味噌煮烏龍麵 ）

營業時間＊11:00–14:30、17:00–20:30

從酒店步行約10 分鐘 (750 公尺)可到達 

見到有好多blogger都推介，所以我哋都過嚟試下味道，有推介的餐廳通常都係要排隊等位

用餐環境用了很多木質設計，令環境整體覺得簡單而又溫馨

味噌煮烏龍麵是一種極具名古屋風味的美食

它與日本其他地方的烏龍麵大相徑庭，湯底使用了豆味噌、八丁味噌，這種味噌可以說是風味味噌的起源，影響深遠

我食完之後嘅評語係：如果已經食厭咗其他食物例如味噌豬扒飯、鰻魚飯、拉麵、烤肉的話，就不妨過嚟食一次咁多啦😅

「名古屋車站」附近實在有太多地方可以行喇，記得要預留些時間在這邊行街shopping哦

😴 😴 😴 😴 😴 😴 😴 😴 😴

一夜無夢，醒來後又開始新的一天了，首先當然要講下酒店嘅早餐

餐廳裏面的設計與大堂嘅設計差不多，都是柔和的文青風

開放式廚房可以清楚見到，全部食品的製作過程

今個旅程住過4間酒店，4間酒店都有加購早餐，今次這一間對比其中兩間就略為遜色了，客人可在（下圖）四種款式的早餐選擇一款，並且只能選擇一次

另外設有自助區，自助區的食物就可以無限量添加

自助區有咩食呢？一齊參觀下先 ~

有麵包可配搭不同口味的果醬、牛油

麥片

飲品

烚蛋、海苔

薯仔沙律

雜菜沙律

tiramisu蛋糕

生果

以下就是廚房定制出嚟的早餐，有炒蛋、雞翼、腸仔、火腿、薯餅、加一條菜😑

另一個就基本一樣，只不過將蛋的製法變做其他款式

加碗粟米忌廉湯、少許沙律菜，基本上會食飽的

如果真係唔夠飽，就再加埋呢件甜品蛋糕，就一定會飽肚的

名古屋日航尚格酒店房間影片

Like & Share 本篇文章

這間酒店的房間是今個行程，我最喜歡的

下一站就出發去 ~

吉卜力公園（ジブリパーク）Ghibli-park

（詳情請點擊連結觀看）