來「登別」浸溫泉，還可以順道參觀「大湯沼、地獄谷」，這兩處景點都是「登別市」的大熱景點，一定不可以錯過哦.....
北海道第二日嘅旅程又開始了，今日陽光依舊燦爛，在酒店（第一瀧本館）食完早餐後，就開始我哋今日嘅行程，首先是出發去 ～
大湯沼
地址：北海道登別市登別温泉町
電話：0143-84-3311
營業時間：
➤24小時(冬季開放時間可能不同)
➤「地獄谷鬼火之路」日落～21:30冬季除外
門票收費：免費
停車收費：500日圓停車劵(可停泊大湯沼、地獄谷共用)
公共交通：
🔽直達巴士（預約制）
➤「新千歲機場」乘搭高速巴士《高速エアポート号（高速登別溫泉機場號）》到「登別溫泉站」落車即可到達，車程1小時15分鐘、票價1,800円(大人)
➤「札幌站」搭高速巴士《高速おんせん号(高速溫泉號)》到「登別溫泉站」落車即可到達，車程1小時50分鐘、票價2,500円(大人)
🔽乘搭JR
➤「JR札幌站」搭《JR北海道鐵路特急 北斗號》到「JR登別站」下車，車程1小時44分鐘、票價5130日幣(使用《札幌-登別區域鐵路周遊券》會更化算)，於「登別站前」轉搭《道南巴士(足湯入口−登別駅前・足湯入口行)》到「登別溫泉站」落車即可到達
➤「JR新千歲機場站」搭《ＪＲ区間快速エアポート》到「南千歲站」，轉《ＪＲ特急北斗號》到「JR登別站」下車，車程1小時21分鐘、票價3730日幣(使用《札幌-登別區域鐵路周遊券》會更化算)，出站轉搭《道南巴士(足湯入口−登別駅前・足湯入口行)》到「登別溫泉站」落車即可到達
🔽巴士轉車方式到達（預約制）『不過唔建議選擇，我覺得十分麻煩』
➤「新千歲機場」搭高速巴士《高速はやぶさ号》到「登別駅前(ヌプル前)」，轉《道南巴士(足湯入口−登別駅前・足湯入口行)》到「登別溫泉站」落車即可到達，總車程1小時57分鐘、票價1,950円（大人）
➤「札幌駅」搭高速巴士《高速白鳥號》或《高速室蘭號》到「登別駅前(ヌプル前)」，轉《道南巴士(足湯入口−登別駅前・足湯入口行)》到「登別溫泉站」落車即可到達，總車程3小時3分鐘、票價2920日幣
由「第一瀧本館」行過嚟其實都好方便，但係因為酒店嘅退房時間係10AM，而我哋出發時已經9AM，所以我哋就直接退房，揸埋架車過嚟「大湯沼」
「大湯沼」有停車場可供泊車，不用擔心停車問題，（冬季不會開放）
停車係要收取費用，當你停好車之後，就會有工作人員由這個亭出來接待你
泊車係一次性500日元一日計，與「地獄谷停車場」共用，即係泊兩處地方，都是用同一張停車券就可以了
今年睇紅葉嘅時間比往年遲，但紅花配綠葉亦是非常漂亮的😅
加上藍藍的天空做背景，一個字形容~『靚』😁
「登別溫泉」跟「洞爺湖」一樣是『支笏洞爺國立公園』的一部分，下圖中嘅展示牌，詳細介紹了公園其他的景點
「大湯沼」周長約1公里，屬於葫蘆型沼澤，為「日和山」水蒸氣爆發所形成的爆裂火山口痕跡
約130℃高溫的硫磺泉，從沼澤底部噴出，而表面的溫度也有約40℃～50℃，顏色是灰黑色的，不過有太陽照射之下，望落似銀白色
這裏絕對不能泡湯🈲，130℃高溫是會煮熟的🆘🥵
這裏影相出嚟嘅效果相當不錯，尤其是秋天有紅葉的時候就更漂亮，不過風景雖然美麗，但係現場的硫磺氣味真係一言難盡😑
像是過萬隻臭雞蛋嘅味道，在空氣中飄蕩著
「大湯沼」正對面還有個小一點的「奧之湯」
沼澤表面溫度高達75℃～85℃，尤其正中央宛如沸騰的熱水
沼澤上見到煙霧瀰漫，就可想而知有幾熱
大家想在大自然下浸湯足的話，可以沿著「大湯沼川探勝步道」步行到大湯沼川天然足湯，（亦可以開車過去那邊同樣有泊車的地方），足湯嘅溫泉來自「大湯沼」的溫泉，在流經過的溫泉河川用一部分地方，設置了足湯場地
 |
| 圖片出自：noboribetsu-spa.jp |
其實參觀這種地方，唔會花太多時間，因為氣味實在太上頭，參觀完「大湯沼」之後，我哋就開車返轉頭，繼續參觀作晚已經來過的「鬼火之路」 ~
登別地獄谷
這裡同樣設有停車場，泊車十分方便
停車場嘅另一邊，就已經泊滿旅遊巴，其實跟團都幾好，自己唔使做咁多嘢，自由行好處就係自由，但要做太多嘢，又要搵路線、搵景點、搵開餐地方、搵酒店，假如你有朋友願意做這樣一個萬事張羅的人，不用你煩惱就可以跟住去旅行，要好好珍惜哦！🤣
其實昨晚嚟嘅時候，已經行過這段路，但夜晚太黑什麼也看不到，同白天所見到的景致，有很大分別
又來到「登別公園服務中心」，夜晚開著燈影相，好似比較靚啲，視覺上比較有溫馨、溫暖嘅感覺
你哋係咪都係嗰種，出外旅行就十分留意有冇洗手間嘅人？😂🤣
其實每一個景點，都會有一幅大大嘅地圖，詳細描述附近景點
好！接下來就正式開始，參觀白天的「地獄谷」
向前行不久之後，就會見到右手邊有樓梯通往下方
由樓梯落嚟之後見到的是「藥師如來」，傳說1861年開採硫磺時，地底冒出了白色的溫泉，有人長年的眼疾因為這個泉水治好了，所以就有了這個小神社供奉「藥師如來」
旁邊不斷湧出白煙的叫「明礬溫泉」，因為「明礬溫泉」曾醫好過礦工的眼疾，所以又叫做『眼睛之泉』
由樓梯走上嚟又繼續前行，會經過這個「登別地獄谷」大牌匾可以影相打卡
之後就可以走木棧道欣賞「地獄谷」的景色
我家『小花、小豬』都要留影一張
沿路都鋪有這種木棧道
就算同老人家、小朋友一齊來，都會無困難十分好走
「地獄谷」是火山爆發所形成的火山口遺跡
是一片處處是岩石和碎石的荒地，又寸草不生之地
這裡只有從各處噴發出的水蒸氣和火山氣體，還有一些湧出的溫泉
有太陽底下嘅「地獄谷」，其實一啲地獄Feel都無，而且噴發嘅氣孔又唔係太多，「大湯沼」的風景相對較吸引
反而沿著木棧道旁嘅芒草，影相更吸引
行到分岔路會見到「三途の川」，通常「三途の川」意味著，區分陰間與陽間的河川，但在「地獄谷」又有不同的說法，越過河川代表可以長命百歲
另外沿著「三途の川」的「大湯沼遊步道1、2號」直走，就可以行到去「大湯沼」
在「三途の川」這邊影木棧道，風景是最漂亮的
我哋繼續向木棧道前進
沿途可以看到冒煙的小溪，其實這才是「三途の川」
越過「三途の川」代表可以長命百歲了✌️
沿木棧道走到盡頭，就來到「鐵泉池（Tessenike）」
這裡亦是「地獄谷」的中心位置
「鐵泉池」已經沒有在噴發，現在是一個小小的小間歇泉
我的『小花、小豬』又嚟湊熱鬧😆
千萬不要將硬幣投入池內，不要見到有池就許願唷！🙄
這裏已經是木棧道嘅終點，想再向前行已經冇路，所以一陣間又要走一次回頭路
又見到我的『小豬、小花』了，今次旅程，兩隻熊貓公仔影嘅相，多過我自己😥
下一站是向「洞爺湖」前進，不過會先經過「室蘭」遊覽，所以下一個景點是 ～
（詳情請點擊連結觀看）
❤️本篇文章
發佈留言