「新中央酒店」嘅(高級豪華客房)就似帶你穿越時空,將1940年代嘅薄荷綠同黑金、加埋轉盤電話、銅燈具、古老風扇,彷似墜入時光倒流,再加遊附近「沙梨頭圖書館」同「西灣湖」,兩個風格截然不同嘅景點,充滿文青與浪漫.....
全文內容
今次呢篇又係講「新中央酒店」,因為實在地理位置太方便,去邊都太容易,所以又一次入住😁
下圖係今次呢篇所講嘅地方👇
對上一次住「新中央」,揀咗『雅致房』,當時已經覺得呢間百年酒店活化得唔錯,今次決定升級,住吓佢哋嘅 『高級豪華客房』大家如果冇睇過上一篇嘅『雅致房』,可以睇返以下呢個連結👇
今次嚟到,依舊見到地面層有免費參觀嘅『百年歷史示範廊』
我都賣咗兩盒,一盒自己食一盒當手信畀人,食過口感算係唔錯嘅,但係就未到驚艷嘅地步,同埋價錢實在係有啲太貴
好啦!我哋跟住就直接同大家睇下『高級豪華客房』裏面嘅環境
一入嚟第一感覺,就好似細個住喺唐樓,仲要住係騎樓房嗰種感覺
成排窗加埋窗花,真係非常有時光倒流嘅Feel
『高級豪華客房』集中喺酒店九至十樓,面積大約26至31平方米,全酒店得4間呢種房型,我哋入住個日(平日)房價唔算太貴,HKD$1000有找
比起『雅致房』明顯闊落,兩個大人住完全唔會覺得逼
拉開櫃桶就見到有齊所送嘅咖啡、茶包、Nuts、杏仁餅、手磨咖啡豆,(同樣有部手磨咖啡機係枱面)
雪櫃裏面所有嘅飲品都係免費贈送一次
連紅酒都係送㗎
飲過覺得好味嘅可以再選購
講番呢個房型,同『雅致房』真係兩個層次嘅體驗,如果話『雅致房』係(精緻復古),咁『高級豪華客房』就係(沉浸式穿越)
由顏色、質感、燈光到窗外景觀,都將你整個人拉入1940年代嘅「澳門」
今次呢間房,一整排窗係面向「旅遊塔、主教山」嗰邊
成間房最搶眼係嗰種薄荷青主調——官方稱為【昔日革新者心中的薄荷青】
復古轉盤電話、仿古壁紙、銅製燈具、懷舊鐘飾,部分房仲有舊式窗花同磨砂玻璃隔門,每一樣都唔係求其放件道具落去,而係真係營造到一種(住咗入歷史)嘅感覺
而且唔係得擺設,而真係可以用到,電話真係打得出街,風扇亦可以轉動同可調教大細風力,我試過用嚟吹頭真係吹得乾濕頭髮😅,(因為阿某人長期霸佔咗個廁所🚽,攞唔到風筒🤣)

兩張單人床其實係可以3面落床,兩床間仍有小小空隙
雙人座梳化後面就係洗手間、沖涼間,衣櫃就放喺床嘅後面,即係洗手間對出
呢間房最驚喜係窗戶用咗三層玻璃設計,超隔音,出面係「新馬路」都完全唔嘈,夜晚瞓得勁安穩
用嚟分隔洗手間嘅有花磨砂玻璃門,真係非常有年代感
終於見到個衣櫃
呢間房最值錢嘅位,一定係個浴室。入面有個古典爪腳浴缸,唔係嗰種嵌牆式嘅standard貨,而係真係有四隻腳撐住、線條復古嗰種,浸浴嗰陣成個人好似穿越返去舊時代咁
浴缸旁邊仲有獨立淋浴間,唔使企喺浴缸入面沖涼,呢個設計對於有啲唔慣企缸嘅朋友嚟講好重要
浴室呢面都有兩邊窗
浴室用意大利嘅Evviva沐浴用品
同時亦比『雅致房』多出一套輕便旅行裝沐浴用品,亦附有浴鹽同絲瓜囊擦身
浴室呢面嘅窗係可以睇到「十六蒲」嗰邊

睇完酒店房,跟住就帶大家睇幾個景點,首先第一個景點係非常有特色嘅👇
①沙梨頭圖書館
地址:澳門沙梨頭海邊街69-81號
電話:2825-9220
🔻開放時間:
▶️星期一:14:00-24:00
▶️星期二至星期日:08:00-24:00
門票收費:免費
🔻公共交通:
▶️由「新中央酒店」步行1公里約15分鐘可到達
▶️或者乘搭26A、19、26、8A等路線巴士到「M129 沙梨頭街市站」落車,行兩步就可到達
由酒店行去圖書館大約1公里步行15分鐘左右,沿路會經過呢座👇
29號碼頭(又稱泉利碼頭)
(葡文:Ponte Nº 29 或 Ponte Chuan Lee)
喺「內港~爹美刁施拿地大馬路」,有幾座珍貴現代主義風格嘅碼頭建築
下圖係30號碼頭(又稱協利碼頭)同上面嘅「泉利碼頭」,同樣興建於1949年,呢幾座建築已成為內港獨特嘅舊碼頭歷史文化風景線
「沙梨頭圖書館」本身係1930年代嘅七幢舊騎樓活化而成,紅、黃、綠相間嘅外觀,喺成條「沙梨頭海邊街」好突出
行喺騎樓都好似有啲時光倒流嘅感覺,同「新中央酒店」嘅氣氛好似
見到門口嘅裝修真係有啲驚喜,喺入口位有個「凹」型設計,落雨都唔怕,可以慢慢整理好先入去
入面樓高三層,係「澳門」唯一以電影同音樂為主題嘅公共圖書館
中間仲有鏤空採光,成個空間乾淨舒服,同外面老街嘅市井氣息形成有趣對比
入到去本以為老建築改建嘅圖書館會好侷促,點知內部打通咗之後變成一個現代Loft風格嘅空間
就算唔借書,入去行個圈、感受吓新舊交融嘅空間,都好值得
參觀完圖書館跟住再下一個景點就係 ~
②西灣湖
「澳門半島」最被低估嘅靚絕散步區
地址:澳門民國大馬路6號
電話:NONE
🔻開放時間:「紅屋仔」不對外開放
🔻公共交通:
▶️由「新中央酒店」步行1.4公里約20分鐘可到達
▶️或者乘搭9A、18、18B、23、32等路線巴士喺「西灣湖」附近落車行幾分鐘就可到達
由「新中央酒店」行去「西灣湖」會見到以下呢間教堂👇
聖老楞佐堂
通稱「風順堂」,係「澳門」最古老嘅三座教堂之一,亦係[聯合國教科文組織]所評定嘅「澳門歷史城區世界文化遺產重要組成部分」
呢間教堂喺馬路見到都覺得非常有氣勢,大家經過嘅都要嚟朝聖下
跟住我哋會經過南灣•雅文湖畔
下圖呢座就係 ~
政府總部 (前澳督府)
呢座建築建於1849年,外觀帶有濃厚嘅南歐葡萄牙風格,回歸前為歷代澳門總督嘅辦公官邸(俗稱澳督府),而家就變為「澳門特別行政區政府總部」
糖果般嘅粉紅色外牆,搭配白色線條,襯托著門前站崗嘅特警,呢度係極具代表性嘅「澳門」打卡勝地
不過呢度平時係不對公眾開放內部,平時遊客主要都係喺正門外、同「南灣大馬路」旁邊欣賞同影相。每年通常會設有特定嘅公眾開放日(多數係在10月中下旬),到時會開放花園同宴會廳,供市民與旅客免費入內參觀

不過呢度平時係不對公眾開放內部,平時遊客主要都係喺正門外、同「南灣大馬路」旁邊欣賞同影相。每年通常會設有特定嘅公眾開放日(多數係在10月中下旬),到時會開放花園同宴會廳,供市民與旅客免費入內參觀

跟住我哋就由「南灣」一路行到去「西灣湖」
大家都鍾意影糖果般粉紅色嘅外牆嗎?跟住就介紹多一達地方畀大家
嚟到「西灣湖」最吸引人目光嘅梗係「旅遊塔」
喺呢個位置影過去「旅遊塔」會更靚
其實喺「西灣湖」邊影相都非常有情調
周Honey喺度拍拖散步都幾浪漫㗎💕
呢間糖果粉色外牆嘅建築,係咪好吸引人呢😍
呢間係 ~
民國大馬路6號房屋
呢間歷史建築於 20 世紀初,「澳門人」都親切叫佢「紅屋仔」,呢座建築已被『澳門特區政府文化局』評定為『具建築藝術價值的樓宇』,屬於受保護嘅法定文物建築,不對外開放喺旁邊嘅「衣灣斜巷」(俗稱「西灣拍照巷」)係近期喺社交平台上非常爆紅嘅寶藏打卡點
大家都記得留意返我👇
茨城自駕遊篇哦!
謝謝您的觀看❤️






































































發佈留言