嚟到「四國香川」，其實去「屋島」半日遊（或一日遊），亦係相當唔錯嘅選擇。我哋今次半日遊，朝早上山先去「屋島寺」，有時間再去「宝物館」睇埋歷史文物，然後沿步道去「獅子之靈巖展望台」睇海景，最後去「屋島山頂交流據點設施」（Yashima-maru） 打卡，如果一日遊就等睇埋夜景，呢個行程一次過滿足晒歷史文化、絕景打卡、建築美學三個願望.....
全文內容
今個旅程嘅最後一站就係嚟到 ~
屋島
自駕嘅話可以將車停泊係 ~
屋島山上観光駐車場
Yashimasanjokanko Parking Lot
MAPCODE：
60 672 588 *14
地址：日本香川縣高松市屋島東町1808
電話：87-841-94180
👇開放時間：
🔻屋島寺
▶️全天開放可自由參拜
🔻納経所
▶️星期一至日08:00-17:00
🔻屋島寺 宝物館
▶️星期一至日9:00-16:30（閉館17:00）
👇入場收費：
🔻屋島寺 宝物館
▶️大人500円、小・中学生300円（30人以上團體大人400円）
🔻停車收費：屋島山上観光駐車場
▶️普通汽車（含輕型、小型車）：300日圓／次
▶️電單車：200日圓／次
▶️大型汽車（巴士）：1,200日圓／次
🔔開放時間：06:30-22:00
👇公共交通：
🚂 第一階段：搭乘鐵路至山腳車站
🔻您可以根據出發地或持有的交通票券（如 JR Pass 或 琴電一日券），選擇以下兩座車站之一作為轉乘點
▶️《JR高德線》「屋島站」：從「JR高松站」搭乘特急或普通列車，車程約 15～20 分鐘
▶️《高松琴平電鐵（琴電）志度線》「琴電屋島站」：從「瓦町站」等市區車站搭乘《琴電志度線》前往
🚌 第二階段：轉乘屋島山上接駁巴士（穿梭巴士）
🔻不論您在哪個車站下車，皆可在站前直接轉乘由《琴電巴士》營運的《屋島山上穿梭巴士（屋島山上シャトルバス）》直達山頂
▶️車程時間：從「琴電屋島站」出發約10分鐘；從「JR屋島站」出發約18分鐘
▶️下車站點：於終點站「屋島山上站」下車，步行即可抵達「屋島寺」
▶️乘車車資：成人單程均一價為200日圓
▶️注意事項：班次間隔通常為每小時1班，山頂發車的末班車時間通常在下午5點左右，回程時務必留意時間，以免錯過末班車
屋島山上接駁巴士（穿梭巴士）時間表：
.webp)
由「WeBase高松」酒店開車行駛9.3公里約19分鐘就可以到達，呢段路不需公路費用
.webp)
嘩！個停車場真係大到不得了😱，真係會迷失方向，停好車之後，都唔知向邊個方向行好，而我哋今次嚟「屋島」主要係去 ~ 「屋島寺」、「獅子之靈巖展望台」
其實搭公共交通工具嚟「屋島」都非常方便，呢個係 ～
屋島山上巴士站
落車後第一件事，當然係去睇路牌，（當然先進啲嘅可以睇google map😁），不過睇路牌對我嚟講，係一種情懷
要去「獅子之靈巖展望台」，就要先由「屋島寺」穿過去，亦即係「屋島城跡」方向行就可以了
喺巴士站隔離就係 ~
屋島喫茶JOG
呢間具復古時髦風格嘅茶店。於2025 年 4 月 17 日開幕，店舖之前係「琴電賣店」（ことでん売店）嘅舊址改建，係目前「屋島山上觀光停車場」內唯一嘅餐飲店
由呢間餐飲店嘅側邊向前行，就可以去到 ~
🏯屋島寺
行去「屋島寺」嘅路上，會見到一棟建築，建築物牆上掛著一幅屏風畫 ~
弓流し図屏風
呢幅畫係描繪源義經『弓浮』事件，（該事件就係出自《平家物語》中嘅『屋島之戰』），其實簡單啲講就係出自『屋島之戰』😅，嚟到「屋島」關於『屋島之戰』嘅展示，簡直無處不在
跟住一路行，亦都會見到一啲相關嘅展出，呢邊見到嘅就係 ~
源平屋島合戦 主な登場人物看板
牆上刻有『屋島源平合戰』嘅主要人物及其說明
其實「屋島」嘅範圍都好大，睇下個地圖就知道
好快就行到嚟「屋島寺」
對於自駕同坐巴士嚟「屋島寺」嘅訪客，一定會先經呢座色彩鮮豔嘅朱紅色大門進入寺內 ～
東大門
呢邊仲有「屋島寺」嘅歷史解說
跟住我哋就正式行入「屋島寺」🙏🙏🙏
呢間寺廟來頭唔細，係真言宗御室派嘅寺院，亦係「四國八十八所靈場」嘅「第84番札所」
🔔（【四國八十八所靈場】是指「日本四國」島內 88 處，與平安時代弘法大師（空海）有深厚淵源嘅佛教寺院（札所）合稱。（「四國」88 座寺院呈環狀巡拜路線，總長約 1,400 公里，在「日本」傳統文化中，呢條巡拜路線被稱為【四國遍路】或【四國巡禮】）
跟住就講下啲歷史俾大家知，（唔好嫌悶哦😅）
👉天平勝寶6年（754年） ，唐代高僧鑑真和尚由唐朝去「東大寺」途中路過「屋島」，喺「北嶺」起咗間堂，就係「屋島寺」嘅雛形
後來去到弘仁6年（815年） ，弘法大師（空海）奉嵯峨天皇嘅敕願，將「北嶺」嘅伽藍搬到而家「南嶺」呢個位置，仲雕咗「十一面千手觀音坐像」 做本尊
🔔（伽藍原意指僧眾共住的園林。此外，佛教寺院的守護神也被稱為「伽藍神」或「伽藍菩薩」）
之後寺廟成為山岳佛教嘅靈場，香火鼎盛
（雖然寫完一大輪，都可能唔知我寫咩，不過我哋又唔係相關嘅專家，所以唔明真係冇問題😅，不過寫Blog，就當然要講得詳細啲好啦）
「屋島寺」裡有幾座佛堂，下圖見到嘅係～
千躰堂
「千躰堂」主要供奉千手觀音，喺背後安置著密密麻麻的（千體佛），代表著千手觀音嘅千手與千眼，喺靜謐中默默守護著往來嘅參拜者
下圖見到呢個係 ~
鐘楼堂
喺「千躰堂」斜對面有座古老佛教梵鐘，已被指定為『日本國家重要文化財產』，梵鐘鑄造於日本鎌倉時代初期（西元1223年/貞應2年）
再向後方望，就見到宝物館
喺「千躰堂」旁邊係 ～
三躰堂
顧名思義，「三躰堂」內供奉咗三尊佛像，包括有
釋迦牟尼佛、阿彌陀如來佛、與鑑真和尚
再喺「三躰堂」傍邊就有 ～
大師堂
呢座佛堂係專門供奉弘法大師（空海）的
跟住喺佛寺嘅正中間有 ~
納経所
有提供御朱印，納經費用約為500円，現場亦有販售太三郎狸等特色御守
營業時間：
星期一至日08:00-17:00
當然唔少得嘅手水舎
跟住見到呢個係「屋島寺」頗特別嘅神社 ~
蓑山大明神
寺內供奉蓑山大明神，即『太三郎狸』，是日本三大名狸之一
傳說曾為失明的鑑真和尚，及迷路的弘法大師帶路，現被奉為保佑生子、結緣、家庭圓滿的神明
短短一排紅色鳥居向前行就會見到蓑山大明神
太三郎狸（又稱四國狸總大將或屋島禿狸）嘅狸神，亦係吉卜力動畫《平成狸合戰》中長老角色嘅原型
蓑山塚
塚內擺滿咗信徒還願時供奉嘅狸貓雕像，充滿濃厚嘅日本神話與童話氛圍💕
喺「蓑山大明神」傍邊就係 ~
屋島寺 本堂
呢度係『日本國家重要文化財產』，雖然係喺1618年重建，但仍保留鎌倉時代嘅建築風格，裡面現存嘅本尊雕造於日本天曆年間（西元947年～957年），目前亦已被指定為『日本國家重要文化財產』
對面就係我哋剛剛行過嚟時，所經過嘅幾個佛堂
喺「屋島寺本堂」左手邊，有一座現代化風格嘅建築，就係 ~
🏛️屋島寺宝物館
Yashima Temple Museum
裡面係『屋島源平合戰』嘅歷史寶庫，呢度絕對係歷史迷嘅天堂！
宝物館入面保存同展示咗好多珍貴文物，包括本尊佛像、源平盛衰記繪卷物 、源氏の白旗 、屋島合戰屏風 等等
不過我哋今日時間有限，因為下午就已經要搭飛機返香港，所以寶物館我哋就唔參觀了😞
但係如果大家有時間嘅真係不妨入去睇下，因為裏面仲有個 ~
雪の庭
「雪の庭」係一座特殊造景庭園。與一般庭園不同，呢個庭園並無種植花草，而是以白色凝灰岩來代替白雪鋪設而成
🔔由於園內小徑目前狀況不佳，只能從觀景台上欣賞雪景
🔔參觀寶物館包含進入花園嘅權限
 |
| 圖片出自：oniwa.garden |
跟住我哋就向「四天門」前進，由「四天門」往西側走，就可去到「獅子之靈巖展望台」
走出「四天門」後，係左邊遠處就係 ~
屋島寺 山門
如果大家係行古道（好似遠足咁由山下行上嚟），就會先經過呢個正面古樸嘅「仁王門」（正山門）入寺廟
「仁王門」（正面山門）嘅特色係木造建築，帶有歷經歲月洗禮嘅古樸質感，橫樑上雕刻咗精緻嘅龍紋，斗拱間仲夾著小神像，「仁王門」影相其實好有feel
影完「山門」之後，我哋就行返轉頭繼續行去「獅子之靈巖展望台」
沿路會見到 ~
梶原芭臣石碑
呢個紀念碑落成於1929年12月（昭和4年），造型非常獨特，一條龍托著一塊刻有『松月秋雨，古景』字樣嘅球形石碑
跟住仲會見到 ~
御成門
成個「屋島寺」嘅環境寧靜莊嚴，從門前廣場或周邊參道步行，可以眺望山下美麗嘅景緻，春天時，門前附近嘅櫻花盛開，係山上著名嘅賞櫻景點之一，4月嚟嘅話大家就可以睇到櫻花了🌸
再一路向前行，就會見到一、兩間商店
扇誉亭
營業時間：
星期一至日09:30–17:00
呢間係歷史悠久嘅土產紀念品店兼文化藝廊
最特別係店舖裡面，展示咗一對繪製於江戶時代初期（約400年前）嘅『源平合戰屏風』，極具歷史同藝術價值，店內仲售賣好多細緻嘅工藝品、原創紀念品，以及色彩漸層優美嘅藍染織物，另外亦附設「山之上咖啡（山の上カフェ）」，可以坐低慢慢嘆咖啡
另外呢間店舖亦有售賣當地特產奇石『讚岐岩』（Sanukite，俗稱『咣咣石』），呢種岩石係敲擊時，會發出極其清亮悅耳、金屬般嘅清脆聲
繼續行亦見到另一間商店
呢間係 ~
南山 本店
09:00–17:00（不定期休息）
呢間亦係特產專賣店，尤其以特產橄欖油、橄欖化妝品聞名，呢度亦有提供餐飲（屋島南山御膳），主打正宗嘅讚岐烏龍麵、及當地豐富嘅御膳套餐
呢啲『kawarakenage（投擲土器）』，係用嚟一陣間去到展望台，用嚟祈願用的
一路行都見到好多樹木，就好似有以下嘅 ~
日本楓樹（Japanese Maple），呢啲樹嘅特徵係細緻嘅掌狀葉片
呢棵係銀杏樹（Ginkgo biloba），以扇形葉為主要特徵。銀杏樹壽命極長，有啲古樹甚至可存活超過 3000 年
經google智能相片對照後得知，呢棵係👉使君子（Rangoon Creeper），係一種常見嘅熱帶攀緣藤本植物。呢種花通常會下垂，好似一串串色彩斑斕嘅小叮鐺。使君子嘅花朵具有獨特嘅變色特性，會從最初嘅白色逐漸轉變為粉紅色，最後變成紅色。呢種植物喜歡溫暖潮濕嘅環境，非常適合係南方地區種植
好快就行到嚟海岸邊，呢度有一間食店 ~
れいがん茶屋
Reigan Chaya
營業時間：
星期一至日11:00–16:30
午餐供應時間11:00-14:00
（最後點餐時間13:30）
週二週或三休息
好多網友都話呢間嘅（炸章魚）同（披薩）好味，大家嚟到有機會都要試試
終於行到嚟 ~
🦁獅子之靈巖展望台
喺呢度可以欣賞到「瀨戶內海」嘅絕境
咁靚嘅美景，點少得我家大頭🐼大壯🐼
呢個紅色涼亭咁樣影出去，真係幾有意境
從呢度望出去，「高松市」街景、「瀨戶內海」、「男木島」、「女木島」都可以盡收眼底
天氣好嘅話，連更遠嘅「直島」都隱約見到
呢度海拔大約250米，唔算太高，但正因為咁，有種可以近距離凝視城市同大海嘅特殊空間感
「獅子之靈巖展望台」個名點嚟㗎？原來展望台下面有塊岩石，望落好似一隻面向大海咆哮嘅獅子，所以就有呢個名稱
如果想影更加靚嘅相，強烈建議黃昏前到達，喺度等日落！成個天空同大海被染成金黃色同橙紅色，靚到好似一幅畫咁
呢度嘅夕陽景緻被選為『日本夕陽百選』之一，所以如果時間允許嘅話，千祈唔好錯過
剛剛行經手信店都見到嘅『kawarakenage（投擲土器）』
200円就有一大疊
將一塊好似煎餅嘅小圓盤土器，拋出去穿過圓環，如果成功穿過，據講可以祈求好運同消除災厄
現場唔只得一個圓環㗎，我眼見嘅就有三個圓環
我家主子最叻就係拋呢啲，五片會中三片，厲害👍厲害👍👍
行完展望台，一定要去埋2022年新開幕嘅 ~
屋島山頂交流據點設施 ~
🌅Yashima-maru
（やしまーる）
開放時間：
9:00-17:00（星期五、六及假日前一天延長至21:00）
休息日：逢星期二（如遇假日順延至下一個工作日）
入場費：免費（全景藝術作品除外）
「Yashima-maru」係一座約200米長嘅迴廊式建築，配合山頂地形起伏而建，曲線造型非常獨特
建築採用玻璃幕牆設計，空間感十足；屋頂瓦片仲用上「香川縣」特產嘅（庵治石）鋪設，隨住光線變化會呈現唔同色澤，勁有心思
喺2024年呢座建築仲獲頒『BCS獎』 ，表揚佢傑出嘅建築設計
喺地面仲有啲雕塑展出
喜歡文青風嘅朋友，一定係會鍾意呢度
又見到太三郎狸喇
有電梯可以去到入面
喺呢度同樣可以飽覽「瀨戶內海」嘅美景
Yashima-maru設有咖啡廳
やしまーるカフェ
好多網友都話一定要試（狸貓蛋糕）同（狸子銅鑼燒），以「屋島」傳說嘅太三郎狸為主題，超可愛！仲有用「屋島」蜂蜜整嘅蜂蜜檸檬水，係呢度獨有嘅飲品
 |
| 圖片出自：shikoku-tourism |
呢度仲有 ~
全景藝術作品
以『源平合戰（屋島之戰）』為主題，用高約5米、長約40米嘅畫作配合立體透視模型展出，係日本現存唯一嘅全景畫館
（參觀費用：高中生以上1000円，初中生以下免費）
 |
| 圖片出自：shikoku-tourism |
有陽光嘅「瀨戶內海」，充滿懶洋洋嘅夏日風情
如果大家有時間，仲可以由涼亭圍欄一直走到去 ~
屋島城跡
 |
| 圖片出自：shikoku-tourism |
『四國自駕遊』第6、7日嘅行程
呢篇係『四國自駕遊』最後一篇，下一篇就會開始寫茨城、栃木縣景點
首先第一篇會係 ~
【茨城住宿】平價住「星野集團」！「BEB5土浦 by 星野集團」 住宿體驗
記得留意哦！也謝謝您的觀看❤️
發佈留言