「由仁花園Yuni Garden」位於「夕張市」，由15個主題花園組成，其中秋天時份（10月），會有32,000棵紅色嘅波波草（掃帚草）展出，呢度亦係整個「北海道地區」，規模最大嘅波波草種植地，園區除咗可以賞花、睇波波草，另外亦設有商店、餐廳、免費停車場，而且暫時外國遊客量唔多，唔怕人逼人.....
夏季嘅「北海道」可以欣賞薰衣草田，咁嚟到10月份秋天，又有乜嘢花草樹木值得觀看？答案就係睇紅艷艷嘅波波草
由「富良野」開車返「札幌」，今次行「國道452號」（山路），在「岩見澤服務區（上行）」食過午餐，休息一陣之後，就繼續開車出發去睇波波草 ～
北海道 ~ 夕張【由仁花園Yuni Garden】
我哋將車停泊係 ~
Yuni Garden Dai 1 Parking Lot ゆにガーデン第1駐車場
✅ MAPCODE：
📍 320 573 304 *10
地址：北海道夕張郡由仁町伏見134-2
電話： 0123-82-2001
🔽營業時間：
➤5月23日至11月3日10:00～16:00（最終入場時間15:30）
➤從5月到9月，每週三休息
🔽門票收費：
➤國中生以上： 5月～9月800日圓
➤10月、11月1,000日圓
➤※小學生以下免費
停車收費：免費（可停放800輛車）
🔽公共交通：
➤沒有公共交通工具可以直接到達，最近的火車站是「JR由仁站」，開車約5分鐘左右可到達
➤另一種選擇是在「JR由仁站前」乘搭《２５岩見澤長沼線》於「綠豐苑入口」巴士站落車，再步行1.1公里約16分鐘可到達
原本以為無咁多外國遊客，又非熱門景點，應該唔會太多人，誰知想錯了，現場800個停車位都停滿車，要等有人離開先可以泊車😱，好彩唔使等好耐就有位泊到車
下圖呢座就係花園嘅主建築，非常有英式風情
「Yuni Garden」佔地約14 公頃，相當於約140,000 平方公尺，呢個花園以其英式風格嘅庭園設計聞名，有5個主題花園，例如有『玫瑰花園』和『香水花園』.....等
參觀花園係要先經過主建築，門外已經擺放咗三盤波波草，真係令人更期待入去，可以見到更多可愛又靚嘅波波草❤️
喺門口首先要買票入場
我哋都排咗一陣隊先可以入到去
主建築裏面有商店、餐廳，仲有製作風箏嘅DIY、花卉明信片製作體驗，每項收費500日元
DIY體驗只限 ～ 週六、週日、假日開放
商店門外擺放咗好多乾花
花園嘅商店當然有賣花，入到去首先見到一束束小巧可愛嘅花束
另外當然少不了香薰類嘅產品
喜歡香薰類產品嘅朋友，呢度都可以話係購物天堂
任何類型嘅產品其實都有，總有一兩款合你心意
另一邊就設有餐廳，唔使驚會捱肚餓
Cafeteria Basil カフェテリア バジル
營業時間：
星期四至星期二10:00–16:00；
星期三休息
非常英式風情嘅室內佈置，可以坐低影返張相留念
行到主建築出口時，就有一個有趣嘅波波草紙板可以影相
主建築嘅戶外區，亦放咗好多餐枱同櫈
出發去花園前，首先望下個地圖先
離遠已經見到一堆堆紅色嘅波波草
嘩！😍，我都係第一次見到咁多波波草
「由仁花園Yuni Garden」嘅賞花期由4月下旬開始，首先係雪解百合（Glory of the snow），跟住5月係櫻花、6月有魯冰花與芍藥、7月就有玫瑰.....等，8月時「北海道」最遼闊的綠色波波草仲會覆蓋住整個山丘
一直到10月嘅時候，波波草（掃帚草）嘅顏色會逐漸轉為一片赤紅，染紅整片廣場嘅草地，真係非常夢幻嘅秋季美景
園區有32,000粒圓碌碌嘅波波草（掃帚草），好彩而家影相唔使菲林，如果唔係曬相都曬窮
波波草
（學名：*Bassia scoparia*，又稱掃帚草或地膚草）
是一種觀賞性極高嘅植物
波波草通常種植嘅高度，會控制在1公尺以內，以維持圓球形狀
一個個紅色的波波草，真係非常可愛😍
波波草最迷人嘅時間係 ～
**秋季轉紅期**（約在10月中旬），整片草叢由綠漸變為鮮豔的緋紅色或橙紅色
遠睇似火焰地毯，近看則似絨毛球簇擁，被形容為『火紅花海』或『抹茶糰子染上夕陽』。呢個時段色彩飽和度高，搭配藍天同太陽光影，視覺震撼力最強
以上見到嘅波波草都係生長喺近入口嘅平地上
跟住我哋就行去園區另一區，欣賞生長在唔同高度嘅波波草
其實呢邊嘅樹木影相都相當漂亮💐
企係呢條通道上影相，亦係相當唔錯嘅選擇💯
最遠距離嘅建築係Yuni Garden嘅教堂
一條長長嘅綠色草坪，相對應返呢邊嘅『幸福之鐘』，如果有energy唔怕攰嘅話，可以走上長長嘅樓梯去影張靚相
由『幸福之鐘』呢邊影過去嘅教堂，非常美麗🥰
上到嚟記得要去敲響『幸福之鐘』哦🔔
我哋繼續行去園區嘅另一邊
途中有櫈畀各位坐，可以稍為休息一下😁
另一邊園區嘅波波草終於在眼前了💯
雖然日本最大波波草種植場，係位於「茨城縣」嘅「國營常陸海濱公園」
但每年10月就吸引數十萬遊客朝聖，都唔知影人定影波波草好😱
嚟呢度雖然睇波波草嘅面積無咁大，但就勝在無咁多人，鏡頭遷就下，都可以影到純花田照，而唔係人山人海照🤭
我家小豬🐼、小花🐼又嚟喇❤️
不過影波波草都要配合有好天氣
有太陽照耀住嘅波波草，影相嘅顏色會更鮮豔
紅豔亮眼嘅波波草，通常可以維持約十多日，之後就會變成啡褐色
這邊嘅波波草有大有小，好似一個家族中成員，有老、中、青、幼兒一樣
呢邊仲設有個「Yuni Garden」大相框，可以影埋波波草入鏡
效果都相當唔錯💯
沿路更設有涼亭，可以居高臨下欣賞花園美景
不過呢度唔似「四季彩之丘」，有拖拉車同哥爾夫球車坐住遊花園
嚟呢度真係要靠純步行，所以大家有機會嚟嘅話，都要著對舒服嘅鞋
一層又一層嘅波波草係山坡上，加埋藍天白雲真係靚到暈💢
呢邊又影到波波草BB喇👶
細細粒嘅波波草，其實都好得意😍
今次嚟「北海道」見到嘅樹木，多數都仲係全部綠色，間唔中先會見到一兩棵紅色，可能今年「北海道」嘅紅葉季真係推遲，要喺10月尾
我哋繼續行到去蔬菜園區，不過蔬菜園我哋就唔參觀喇😅
跟住就再向前行去「Yuni Garden」嘅教堂
「Yuni Garden」嘅教堂，設計得非常有田園氣息
整個教堂嘅外牆都被紅、綠兩色嘅藤蔓覆蓋住
令整座教堂嘅外牆，都變得更瑰麗，離遠睇已令人眼前一亮
將鏡頭放大啲睇，真係好靚😍
教堂前面有紅磚牆拱形門，從呢個角度望過去，就見到剛剛我哋經過嘅『幸福之鐘』
喺長長嘅草坪上影過去，構圖亦非常靚
裡面嘅教堂面積其實唔係好大，只佔整座建築嘅一部分
最吸引人都係教堂嘅露台，呢邊望過去嘅風景相當靚
又係時候幫我家小豬🐼、小花🐼影幾張寫真😘
我自己就幾鍾意呢張🥰
從高處望向四週嘅風景，亦係相當唔錯
欣賞完波波草，我哋就繼續開車返去「札幌」
所以下一篇會寫到「札幌」嘅一啲景點、住宿、美食
【札幌美景、美食】二條市場、北海道大學（銀杏並木）、SAPPORO餃子製造所狸小路店、湯咖哩 Curry Soup Sカレーショップ エス
記得留意哦！也謝謝你的觀看❤️
發佈留言