「登別 ~ 第一瀧本館」有很多種類的溫泉可浸泡，而且地理位置優越，鄰近「登別地獄谷」，晚上可以步行去看「鬼火之路」。 另外酒店就座落在「極樂通商店街」，商店街有各式餐廳及手信店，非常方便購物吃喝，而酒店旁邊就是可以欣賞表演的「閻魔堂」.....
新的旅程又開始了，今次目的地是「北海道」，我哋同樣都是自駕遊，8天行程所經的地點包括（順序）登別⇨室蘭⇨洞爺湖⇨定山溪⇨
小樽⇨札幌市⇨旭川⇨富良野⇨
夕張
我哋由香港搭直航機到「札幌」，去程大約4個多小時，出發時候心情是興奮的，不覺得時間太難過😁
十月中的「北海道」未落雪，天氣亦唔會太凍，好彩嘅話已經有紅葉可以見到，其實是非常理想的旅遊季節，不過今次一落機就令好心情消失😑
事緣是今次「北海道」自駕遊，選用了未租過的租車公司「カーレンタル北海道（北海道租車公司 )」😭，結果真係一言難盡💩，其中最激氣就係明明我哋（4個人）是第一批人到達候車處，等待接駁車去租車店，點知當接駁車嚟到，司機就先叫比我哋遲出來10分鐘的租車客（佢哋7個人）上車，架車又坐唔落全部人，結果要等同一架接駁車再回來接我哋，足足係下圖這個位置等咗半個多鐘接駁車😡，我唔明租車公司接載乘客的準則，先到先接不是最合理嗎？
點解要轉用唔熟悉嘅租車公司？因為我家主子想要揸下圖這款車🙄，而在日本租開的租車公司沒有這款，所以就選用今次這間🐷
除咗接駁車問題，我發覺這間租車公司完全不適合我們租用，所以搵租車公司都一定要問清要點，我哋遇到嘅問題就有以下幾點：
- 我哋習慣輸入MAPCODE導航，車內導航系統，可能還停留在古早開發階段，輸入MAPCODE後，車輛顯示的位置，跟本不在原本路線上，只可用手機Google Map 導航，但在高海拔的路段，手機訊號係無反應，要靠睇路牌揸車，好彩日本路牌易睇
- 租車公司的導航可以用Car Play ，但租車公司的Car Play 只可使用iPhone ，如果用Android 手機，Android Auto完全無得用
- 要問清楚有冇剩係ETC卡租用，今次這間租車公司就要連同公路Pass（Hokkaido Expressway Pass 『HEP』)才可以租用ETC卡，因為2024年10月起，『HEP』已加價近一陪，以我哋8日嘅行程，買公路Pass係絕對無需要，所以如果唔買Pass，就無ETC卡租用，行收費公路就要次次停車俾錢😤
唉！總之今次係最後一次幫襯👎，對我哋嚟講佢唯一嘅好處係台灣人開，用WhatsApp已可以溝通
講完一大輪題外話，就講返我哋今篇嘅正題😅，如果各位租車想買
HEP（Hokkaido Expressway Pass )
可參考下圖的價錢，所有「北海道」收費公路全包，唔似『九州KEP』咁煩，有啲收費公路唔包
由租車公司開車出來，已接近下午4點，北海道的十月天在5點左右就已經會天黑，我哋天黑之前就應該可以到達今晚入住的酒店 ～
登別 ~ 第一瀧本館
地址：北海道登別市登別溫泉町55
電話：0143-84-2111
酒店停車：免費
公共交通：
🔽直達巴士（預約制）
➤「新千歲機場」乘搭高速巴士《高速エアポート号（高速登別溫泉機場號）》到「瀧本第一前站(第一滝本前)」落車即可到達，車程1小時15分鐘、票價1,800円(大人)
➤「札幌站」搭高速巴士《高速おんせん号(高速溫泉號)》到「瀧本第一前站(第一滝本前)」落車即可到達，車程1小時50分鐘、票價2,500円(大人)
🔽乘搭JR
➤「JR札幌站」搭《JR北海道鐵路特急 北斗號》到「JR登別站」下車，車程1小時44分鐘、票價5130日幣(使用《札幌-登別區域鐵路周遊券》會更化算)，於「登別站前」轉搭《道南巴士(足湯入口−登別駅前・足湯入口行)》到「瀧本第一前站(第一滝本前)」落車即可到達
➤「JR新千歲機場站」搭《ＪＲ区間快速エアポート》到「南千歲站」，轉《ＪＲ特急北斗號》到「JR登別站」下車，車程1小時21分鐘、票價3730日幣(使用《札幌-登別區域鐵路周遊券》會更化算)，出站轉搭《道南巴士(足湯入口−登別駅前・足湯入口行)》到「瀧本第一前站(第一滝本前)」落車即可到達
🔽巴士轉車方式到達（預約制）『不過唔建議選擇，我覺得十分麻煩』
➤「新千歲機場」搭高速巴士《高速はやぶさ号》到「登別駅前(ヌプル前)」，轉《道南巴士(足湯入口−登別駅前・足湯入口行)》到「瀧本第一前站(第一滝本前)」落車即可到達，總車程1小時57分鐘、票價1,950円（大人）
➤「札幌駅」搭高速巴士《高速白鳥號》或《高速室蘭號》到「登別駅前(ヌプル前)」，轉《道南巴士(足湯入口−登別駅前・足湯入口行)》到「瀧本第一前站(第一滝本前)」落車即可到達，總車程3小時3分鐘、票價2920日幣
由租車公司(北海道租車)カーレンタル北海道開車行駛收費公路73.6km約57分鐘就可以到達
公路費用為（￥1,890円 ETC無假日優惠，同樣是￥1,890円)
如果行不收費道路就需要用時1小時50分鐘75.7km才可以到達
見到這樽登別東インター前 歓迎鬼像，就代表就快到達目的地
終於嚟到酒店，搭巴士的話就在下圖這個巴士站落車
「第一瀧本館」是一間4星級的老牌酒店，地埋位置是最靠近「登別地獄谷」的一間酒店
酒店的入住時間是下午2點，而退房時間早上10點，唔似一般市區酒店11AM退房
雖然唔係5星級酒店，但入到嚟見到的大堂，是非常大同有規模的
酒店創立於1858年，在「登別溫泉區」內，是歷史最悠久的溫泉酒店，雖然已於網上完成租房費用，但來到酒店亦要付入浴稅，每人120日元，（浸唔浸溫泉都要付）
睇下大堂嘅空間感有幾大😮
「第一瀧本館酒店」佔地面積非常大，而內部則分成『本館』、『東館』、『南館』、『西館』、『大浴場』共五棟建築串連
在大堂嘅右手邊就見到『南館』
左手邊就見到『東館』
大到真係隨時會蕩失路，好彩酒店嘅指示還算多及清楚
我哋今次就入住『南館』，在電梯旁嘅櫃有小朋友Size的浴衣和拖鞋，房間裡只有放大人的，有帶小朋友的話記得順道拿取
『南館』的房間於2019年中翻新過，所以望落觀感還算不錯，不覺太老舊
酒店多達24種房型供選擇，我哋今次選擇一泊兩食，所以就揀咗價格較親民的『南館高級雙床房』入住，可以話係酒店的第二平的房間，價錢盛惠$HKD2,328.92
『南館』嘅房間比較起『西館』、『東館』、『本館』，面積會細啲，而廁所的分別就最大，其他幾個館都係採用乾濕分離嘅設計，而且空間較大，而『南館』嘅廁所就係非常傳統而且有啲細小，不過我哋都係住一晚啫，所以影響唔大冇所謂😬
至於房間其實都有26㎡，不算細小，而且尚算光猛
如果你是連續住宿的話，在無要求之下，酒店會每三天更換一次床單和枕套，當然如果要更換床單，可以將圖中的卡片放在枕頭上就可以了
靠近床的這邊有衣櫃，旁邊就有個比較矮的櫃放茶具、雪櫃
酒店會有2支蒸餾水贈送，另外亦有2件大福點心送畀客人品嚐
打開櫃桶見到裏面有泡茶的工具，亦有圖片說明教你如何泡茶😂
最底層拉開櫃門就見到雪櫃
至於衣櫃裏面就放有木屐、浴袍及夾萬
放置在櫃桶內嘅浴袍，亦分size有大、中、細碼，這是比較貼心的加分設備👍
其實住溫泉酒店，對於我哋兩個嚟講真係有啲浪費，心臟真是人身體一個奇妙的器官❤️🩹
冇得出去浸溫泉，都要係廁所沖完涼著下件浴袍，安慰一下心靈🤣🤣🤣
床嘅對面就有一張大長枱，上面放有電視
最外面就放有電話及一些酒店資訊
另一邊靠窗的長枱是有鏡的，就設置成梳妝台
長枱下面有三對非常有質感嘅拖鞋，通常會喺一啲懷舊傳統酒店先會見到
拉開窗邊趟門就見到窗外嘅景色，窗外邊就係「極樂通商店街」
窗邊亦有一張小圓枱及兩張凳，房間整體環境算是非常不錯，除咗洗手間比較細小，及中央暖氣實在令到房間太焗，無得轉冷風我哋唯有熄咗個暖氣，開少少窗抖氣，誰知一整晚從窗邊吹進房間的，都是硫磺氣味，這邊窗對住大街，但在大街的後方就是「泉源公園」，公園飄過嚟的硫磺味非常濃郁絕不好聞，這是今次入住這酒店，另一種比較差的體驗
參觀完房間之後，就帶大家參觀酒店其他設施：
位於『本館』中庭有酒店著名的『大金棒』，貼有金箔的巨型金棒高9公尺、重10噸，原名應該叫『大金坊』，但係很多人都喜歡叫『大金棒』，原本設有定時開啟的裝置，可以欣賞到桃太郎和惡魔們的精彩表演
但可惜表演已於 2023 年 4 月 10 日結束，金棒內的人偶都遷往Karakuri Large Gold Bar Gallery 展出
 |
| 圖片出自：Dai-ichi Takimotokan |
在『本館』這邊還有土特產店『湯之町』，銷售「第一瀧本館」的原創商品、「登別」名產、雜貨、食品等
營業時間：
08:00-11:00；14:00-22:00
假日及公眾假期：08:00-22:00
本館地下設有『遊戲樂園』，裡面有40多台遊樂設施和遊戲機，大人同小朋友都可以玩，另外更有乒乓波枱，可以讓大家一展球技
營業時間：08:00～21:45
「第一瀧本館」最出名的設施就係溫泉
在日本全國溫泉種類約有10種，而在「登別」就已有5種。酒店從旁邊的「地獄谷」引流這5種的溫泉到館內的35座浴池裡，可以說在這1500坪的3層樓建築內，一次過就可以浸到日本一半的溫泉種類
 |
| 圖片出自：takimotokan.co.jp |
酒店溫泉的種類分別有：
硫磺泉、芒硝泉、酸性綠泉、鹽泉、小蘇打泉
真係浸到皮膚打摺都得😆
 | |
|
除左溫泉，酒店更設有室內恒溫泳池，泳池有小型旋轉滑水梯，最適合小朋友遊玩
 | |
|
除咗有溫泉可以浸之外，還有可飲用的溫泉水，你無睇錯，真係可以飲用的「小蘇打泉」， 據我家主子描述，飲落口有少少微鹹
「第一瀧本館」亦設有健身室，設施有跑步機、單車機、瑜伽球、啞鈴和伸展墊
開放時間：04:00～25:00
 | |
|
除咗遊戲玩樂泡溫泉，酒店亦設有數間餐廳提供美食、消遣，包括有：
蕎麥麵店『出湯蕎麥麵』、拉麵『武郎拉麵』、卡拉OK『鬼橋』、酒吧『霧』、卡拉OK酒吧『夢想』、懷石料理『Yunosato』
 | |
|
我哋一泊兩食的自助早餐、晚餐就設在『原始森林/雪國』
『原始森林/雪國』的位置是在『本館』3F
『本館』嘅電梯門，顏色非常鮮艷，圖案充滿濃濃的東洋風
晚上的自助餐會分兩段時間，18:00同19:00，無錯晚上的自助餐只有60分鐘時間進食，如果食得慢就會有啲趕
 | |
|
接下來就同大家睇下，晚上嘅自助餐有咩食，首先有最受歡迎的 ～ 鱈場蟹腳
另外三文魚籽、元貝、南蠻酸菜魚亦很鮮味
而刺身就有拖羅、八爪魚、三文魚、北寄具、油甘魚
刺身款式算多，品質亦是非常不錯
以上的菜式是比較受歡迎的，當然另外亦有很多其他種類佳餚可以選擇，例如下圖的：
燒本地豬肉片、白胡麻豆腐南瓜沙律、奶油馬鈴薯，甜品有大福、南瓜塔、朱古力餅乾、乳酪咖啡拿鐵捲、Pear mousse、Cheese cake
沙律、雪糕、飲品亦非常齊全， 咖啡的種類亦非常多，包括有Cappuccino、Americano、Latte 、Espresso.....等
另外還有各國特色菜，包括有：緬甸風味炸春卷、北海道紅豆燜章魚、越南菠蘿燜吞拿魚、北海道咖哩雞
餐廳裡還規劃了『兒童專區』，櫃檯比較矮，方便小朋友自己夾，食物有炸雞塊、義大利麵、薯條之類.....都係小朋友比較愛吃的食物
人未食🐼熊貓先食
其實好多款式的食物，我都無影到相，因為實在太多人
這碟煎和牛亦非常好味😋
食到甜品已經非常飽，大大的滿足
餐廳的蜜瓜雪糕超級好味，好清香不膩口的蜜瓜味，非常驚艷👍
食飽就出發行路去酒店附近的景點，首先到 ~
閻魔堂からくり
「閻魔堂」就在酒店旁邊
唔上網搵定旅遊資料睇的話，來到這裡可能只會覺得這是一間普通的廟宇
很容易就錯過了「閻魔堂」特別的表演
只要一到表演時間，就可以看到『閻魔大王』變臉成『地獄審判』怒氣的模樣，加上聲音其實都幾震撼
表演時間：10:00、13:00、15:00、17:00、20:00、21:00
※因氣候因素，有時候會關閉「閻魔堂」
表演過程大約5分鐘左右
到了8月『地獄祭』時期，『閻魔大王』甚至還會走出「閻魔堂」，來到街道上遊行
再下一個景點亦是在酒店附近 ~
登別地獄谷 鬼火之路
免費參觀
營業時間(全年)日落～21:30
步行去「地獄谷」，途中經過「泉源公園」，會見到如迷霧的白煙，公園每隔3小時會噴出滾燙的『間歇泉』，夜晚見到尤其覺得迷離夢幻
再向前行就見到「湯澤神社」
「湯澤神社」旁邊就是鬼祠（念仏鬼像）
有青鬼跟赤鬼，晚上看起來比較嚇人😱
很快就到達「登別公園服務中心」， 沿路見到來探險的人其實都不少
從入口通往「鐵泉池」的長廊上，每晚都有微弱的腳燈亮起，這就是「地獄谷」的「鬼火之路」
白煙從地底冉冉升起，微弱的燈光映照著山的表面，據說景色與白天完全不同
明天早上我哋都會過嚟呢度，睇下日間嘅景色
微弱的黃光在昏暗的「地獄谷」份外顯眼，一路照耀著長廊去到「鐵泉池」，站在這裏觀望，感到四周都蒙上了一絲絲神秘感
探險完畢，我哋就返回酒店所在的 ~
「極樂通商店街（登別極楽通り商店街）」
睇下商店街可有店舖，買到合我心意的物品
「登別溫泉」的主要街道「極樂通商店街」有各式美食餐廳手信店， 商店街不是太長，大約有400多公呎
由「地獄谷」過嚟，首先會見到 ~
Tsuruha Drug ツルハドラッグ 登別温泉店
營業時間：
星期一至日10:00–22:00
短短一條溫泉街起碼已經有3間藥妝店😱
溫泉市場
這間店舖在商店街中是一間比較受歡迎的餐廳，如果唔想食酒店的餐廳，這間是不錯的選擇
營業時間：
（購物） 10:30-20:00
（用餐） 11:30-最後點餐19:30
食物種類非常多，而且在網上睇評語也不錯
又一間藥妝店
ダイコクドラッグ 登別温泉店
營業時間：星期一至日
10:50–21:50
玉川本店
營業時間：
星期一至日10:00–20:30
這是一間賣紀念品的商店
貴泉堂本店
同樣是售賣紀念品的商店
店內從擺飾到當地美酒、北海道零食、點心都應有盡有
營業時間：
星期一至日09:00–21:00
藤崎山葵園（藤崎わさび園）
營業時間：
星期一至日：09:00–21:00
「登別」才有的芥末專賣店，有芥末紫菜，芥末漬物，芥末鹽 .....等，
店內還有一些木製類商品售賣
いせくら（類似居酒屋的店舖）
營業時間：
星期一至日18:00–01:00
在「登別」溫泉街非常受歡迎 ，18:00開門一下子就會爆滿，
有烤肉 、拉麵、小菜份量十足，價格便宜，如果住在「登別」溫泉街，晚餐可以過嚟試試
「北海道」地區見得最多的一間藥妝店
札幌薬粧（サツドラ）登別温泉店
營業時間：
星期一至日11:00–21:00
在日本怎麼可以沒有的便利店
7-ELEVEN セブン-イレブン 登別温泉店
營業時間：
星期一至日06:00–00:00
一整晚都伴隨住硫磺嘅氣味入睡，對我呢啲有失眠嘅人更加雪上加霜，睡眠質量一定唔會太好，不過好彩的是剛剛開始旅行嘅第2日，精神狀態還可以應付😅
今日依舊陽光明媚，終於見到日頭嘅「泉源公園」
昨晚食過酒店的自助晚餐，今天早上就試下酒店嘅自助早餐
款式當然無晚餐那麼豐富吸引
但對比很多酒店已經算是非常不錯，下圖嘅菜式包括有
番茄燉豬肉餃子
烤蝦配羅望子醬
水煮魚
土豆燜豬肉
以往住嘅酒店早餐都會見到鹽烤鯖魚，但今次這間酒店除鹽烤鯖魚，還會多出兩樣：
烤鯡魚配味醂
烤胡瓜魚
還有這個比較特別的是 ~ 水煮扇貝海帶
起碼唔會只有炸雞塊、火腿、煙肉、蛋這些組合，下圖的是魷魚燜蓮藕
燉雞和根莖類蔬菜
呢三樣嘢食完血壓會飆升，但係又真係幾鮮味，分別是鹽漬扇貝
小沙丁魚與日本花椒
鱈魚子
這就是我今天的早餐，有我至愛的咖喱飯
下一站依然是在登別，會參觀白天的
（詳情請點擊連結觀看）
💗本篇文章
發佈留言