「京瓷（京瀨良）度假大飯店」在「霧島」 是唯一最大規模的酒店，分『主樓』與『附樓』兩棟建築，酒店共有客房328間.....
參觀完「霧島藝術之森」之後，時間已經是下午3點半了，出外旅行嘅時間過得真係飛快，又係時候前往入住的酒店Check in了！離開「鹿兒島」市區之後，接下來的三日我哋都會住在「霧島」這邊，因為這幾天的景點全部都在「霧島」、「宮崎」附近，住在「霧島」出入會比較方便啲👍
由「霧島藝術之森」開車行駛40.7公里約46分鐘就可以到達 ～
京瓷（京瀨良）度假大飯店
MAP CODE ： 425 698 07* 38
這一路程會行部份高速， 原本路費為700円，但因為是週日用ETC付費有得平，只需付490円
地址：鹿兒島縣霧島市隼人町見次1409-1
電話：995-43-7111
公共交通：
1. 從《鹿兒島中央火車站》搭乘特快列車到《隼人站》大約需要 35 分鐘。 從《日豐線隼人站》乘搭的士約5分鐘或步行950公尺約13分鐘可到達
2. 從《鹿兒島機場巴士站》（10號站牌）搭乘（利木津巴士）；標示前往「鹿屋」「志布志」的巴士，到《京瓷國分》落車可到達
酒店停車場：(免費）第一停車場(本館「大型橢圓形建築」旁）、第二停車場（「別館「本館馬路對面」旁）、第三停車場（第二停車場後面），可容納300輛一般轎車和10輛巴士，先到先停，不接受預約
如果乘搭公共交通，下圖是「鹿兒島機場」巴士路線圖，前往酒店是淺藍色的10號站牌
途經酒店之巴士時間表
酒店分成2棟大樓，圓形的建築是『主樓』，而方形的建築則是『附樓』，兩棟大樓之間有天橋連接
這裏是「霧島」近市區而又比較有規模的酒店，以下這張圖是酒店主樓的樓層設施、位置
以下這張則是附樓的設施
入到酒店首先見到這個資訊播放機，（非常有90年代feel同埋好笨重的感覺）
酒店reception非常之大
大堂整體設計非常有氣派，雖然感覺有少少過時
但剛好12月份來入住，整體嘅裝飾都非常有聖誕氣氛
用傘撐開來做裝飾其實都幾漂亮，令單調的大堂增添了不少夢幻感
呢張相純粹係幫酒店免費賣廣告🙄
原本平平無奇的商店，佈置了紫色燈光隧道，大多數人都會走入去參觀下，（營銷手法滿分😅）
現場嘅紫色燈光真係幾唯美、夢幻㗎🤩
「鹿兒島」嘅手信、精品，都可以在這裏買得到
多種類到令人眼花繚亂
check in完我哋就走上3樓向下望，見到剛剛走過的紫色燈光隧道及餐廳
這些雨傘陣，我都影了不少相片，因為這些雨傘令我諗起早年嘅MV，Dancer手拿一把載歌載舞😂，對我而言是青春的回憶🤣
這些透明幻彩雨傘營造出嚟嘅效果，既美觀又平價，不過都係個句，有過時的年代感😅
我哋訂好嘅酒店房間是在『附樓』那邊，需要在3樓經天橋行過去對面，上到3樓就見到位於中庭的小教堂
教堂是有名稱的叫 ~ 「聖格雷西亞教堂」，由建築師黑川紀章設計，為什麼酒店設有教堂？因為這所酒店亦同時主打辦婚宴，如果住喺『主樓』這一邊，出入房間都可以在樓層望到教堂
教堂離地 60 公尺，華麗的彩色玻璃鑲嵌著超過300克拉的紅寶石😱，（官網係咁寫嘅，不過我真係睇唔出係紅寶石🤔）
柔和的自然光，照亮了每位新娘子幸福的臉龐
酒店嘅天花用玻璃設計，令自然光可以透射下來
2樓還設有宴會廳、攝影室、新娘沙龍
行天橋過『附樓』那邊，是有電動梯的，方便拖著行李的旅客，這個設計真係高出三星酒店嘅水準
當然如果你兩手空空，唔行電梯就可以慢步在這裡欣賞『繩文時代展覽』
『繩文時代』是指日本舊石器時代末期至新石器時代
那段時期以『繩紋陶器』的出現及發展，成為一大時代特徵，所以這裏亦展出了不少彷製的陶器
『繩文時代』的日本人生活主要是靠狩獵、捕魚與採摘，而生產工具則以石器爲主，所以在這裡會見到很多相關的壁畫
對於喜歡研究歷史、考古、甚至工藝的朋友，應該會很喜歡這些擺設
驟眼看相片是不是以為真的來到博物館一樣？
這些展出嘅物品，都算是我入住各式酒店以來，見到最多的一次
好快就到達『附樓』這一邊，這邊亦有顯示屏告知你一些資訊
3樓天橋連接處，出入『附樓』要用房卡感應開關，才可以進入去搭𨋢上房
其實剛踏入『附樓』這邊，我就已經覺得差異有點大，這邊的樓層天花低矮、牆身樓梯門都有些斑駁、污漬😱
帶著忐忑的心情入到房間，首先見到一塊全身鏡
接著就見到一個大衣櫃、梳妝檯，整體觀感是非常有年代感
衣櫃裏面嘅設備
有浴袍睡衣
與別不同嘅拖鞋
單看這一邊，就像是8、90年代的設置
初初訂酒店嘅時候冇特別留意細節，原來酒店嘅『附樓』與『主樓』是有分別的，價錢亦相差4百多港幣一晚
不過兩者之間其實間隔、擺設是一樣的，就連洗手間的款式也是一模一樣
分別只在於牆身、地氈、家具的顏色與新淨度，這邊的傢俱有濃濃的殘舊感
『附樓』這邊嘅房價都唔算平，包埋早餐都要HKD$1,200一晚，但係都未算最貴，以偏僻地方3星酒店嚟講，我最近剛去完「高千穗峽」住一晚酒店，價錢是HKD$1600☹️😥
睇到牆身的痕跡嗎？地氈嘅顏色亦顯得頗為陳舊
梳妝枱對出有兩張座椅及小茶几，亦全都是有歲月的痕跡
兩張單人床都是貼牆擺放
房間又唔係每樣都差，好處亦都有嘅，第一起碼有樽裝水送贈
兼且房間有大大隻窗
另一樣好處係窗台前就是冷氣出風口，年紀大咗就怕冷氣兜頭兜面吹落嚟
而且窗外嘅景色也非常不錯，甚至可以見到「櫻島火山」
下圖是攝於翌日朝早，（開始落大雨的一天😔）
接落嚟就去睇下洗手間
洗手間尚算乾淨，雖然款式亦屬於過時
不過起碼張枱夠大，可以放到好多我呢啲麻煩師奶嘅梳洗物品🤣
酒店提供嘅梳洗用品，亦比之前住「鹿兒島」的那一間好，起碼有棉花棒、卸妝棉、梳子
下圖是酒店官網『主樓』房間的照片，是不是感覺精緻很多？住這間酒店就要睇你個人嘅接受度選擇，想住得精緻一點唔介意貴啲就住『主樓』，想平啲又接受到上述的展示就選擇『附樓』『，畢竟「霧島」亦是比較鄉郊嘅地方，可以選擇的酒店真係唔多
 |
| 圖片出自：Hotel Kyocera |
講完酒店房間，接著就講下酒店其他設施，包括有：
位於酒店主樓B1F的 ～
『溫泉大浴場』
開放時間：06:30-23:00（最後接待時間 22:30） *11:00-13:00 溫泉清潔而關閉
 |
| 圖片出自：Hotel Kyocera |
『室內游泳池』
開放時間：10:00-21:00（最後接待時間20:00）
 |
| 圖片出自：Hotel Kyocera |
『健身室』
開放時間：06:30-21:00（最後接待時間20:00）
 |
| 圖片出自：Hotel Kyocera |
附樓Annex.B1F 室外 ～
溫水歡樂地 『EDEN』（可穿著泳裝）
 |
| 圖片出自：Hotel Kyocera |
有古羅馬風的溫泉池、藥草的岩盤風呂、大型按摩浴缸、三溫暖等多樣的設施
 |
| 圖片出自：Hotel Kyocera |
接落嚟就講下酒店嘅早餐
自助早餐位置是在『附樓』1樓
較為特色的是有霧島茶供應
其他飲品就有蘋果汁、橙汁、烏龍茶、同「鹿兒島」非常出名嘅福山黑酢
健康嘅早餐 ～ 麥片
同樣是健康的早餐 ～ 沙律、蔬菜
麵包多士
各類日式冷盤，包括有酸梅、柚子菇、 醃蓮藕、昆布卷、金時豆、 豚肉味噌、玉子燒、安納芋.....等
豆腐、生雞蛋、納豆、各種漬物，大部分嘅食物都係偏重日式早餐嘅款式
還有雪糕
生果
茶碗蒸、煎蛋卷
三日兩夜的早餐其實都尚算豐富，下圖是第一天的早餐
第二天就有日式咖哩同炆牛腩，真有點驚喜，因為我都幾鍾意食日式咖哩🥰😋
另外『主樓』還有另外三間餐廳
『附樓』嘅酒店大堂係無工作人員嘅
如果退房用這部機就可以，有中文可選擇
酒店附近基本上只得2、3間商店、食店，而最近距離嘅商場就是「AEON隼人國分店」，距離酒店1.3公里
地址：鹿兒島縣霧島市隼人町見次1229
電話：99-543-8100
營業時間：星期一至日09:00–22:00
在酒店無聊的話，晚上可以過來走一走
亦可以在這邊食晚餐
AEON裡面有九州名點蜂樂饅頭，在「鹿兒島~天文館通」裡面也有一間，另外「熊本」、「福岡」、「宮崎」也有店舖售賣
2種口味選擇，包括有紅豆餡，另一款白餡就係北海道嘅大手亡豆餡，我哋就買咗紅豆餡的
饅頭標榜用國產蜂蜜製造，攞上手非常滾燙，意想不到嘅熱辣辣，餅皮望落去相當鬆軟
裏面就塞滿大大粒嘅紅豆餡，不過我就覺得味道太甜，（可能我不太喜歡吃甜味食品的關係），你哋又覺得好味嗎？
酒店距離「鹿兒島機場」機場只有10.6公里，自己開車十多分鐘就可以到達機場，我哋第6日回香港的航班是中午12點，不用趕遠路去機場，亦是我選擇入住的原因之一
講開「鹿兒島機場」，就順便在這裡講少少機場嘅設施
『國際線』與『國內線』是相連在一起，往返十分方便
要購買手信和用餐的話，在『國內線』會有更多選擇
相對國際線就沒有太多商店
在國內線這邊，有天然溫泉足浴『Oyayosaa』
使用時間：9:00-19:30（免費使用）
據說是日本國內機場首個天然溫泉足浴
巴士線路資訊中心
國內線其中一部份的餐廳
『國內線』購買手信的店舖，包括之前講過的Festivalo（唐芋甜點），其中的（Lovely 唐芋生蛋糕），因為要冷藏，在機場這邊買帶回家，會比較方便
這款蛋糕我覺得是「鹿兒島」手信裏面最好味的No.1
『國內線』的頂層有展望台
可以走出來睇飛機、風景
這裡有解說會見到那些地方，例如會見到「粟野岳」、「蝦野高原」、「韓國岳」、「大浪池」、「霧島神宮」、「高千穗峰」.....等，當然前提是要在好天氣的情況下
今日雲層太底，什麼也看不到，機場的設施大約就是以上所講
下一篇就是來「霧島」都必定去的 ～
（詳情請點擊連結觀看）
💗本篇文章
發佈留言