全文內容
旅程嘅第二日又開始了，今日依然陽光燦爛，天氣不冷不熱，10月去「日本」其實真係一個非常好嘅季節，今日會由入住嘅酒店揸車出發去「水戶市」，第一站首先係休息站，道路休息站其實都算係一個景點，因為有啲道路休息站，真係靚到不得了，而我哋今日停嘅休息站就係 ~
🛍️ 友部 サービスエリア (下り）
道之駅友部（下行）
Tomobe Service Area (down)
MAPCODE：
112 806 666 *65
地址：茨城縣笠間市長兔路1052-2
電話：02-9677-0944
🔻營業時間：
▶️購物區24小時營業
▶️餐廳平日8:00-21:00，週末7:00-21:00（部分專櫃/餐廳 07:00–21:00），food court基本從08:00–15:00
停車收費：免費
公共交通：
🔔坦白講，呢個SA主要係俾自駕人士用嘅，公共交通唔太方便。最近嘅車站係JR常磐線「友部」站，但由車站行過去或者轉巴士都比較轉折。如果冇車，建議可以考慮去「笠間市」嘅「笠間休息站」（道之駅かさま），都係一個好選擇
由「BEB5土浦by星野集團」開車行收費公路32.6公里約32分鐘就可以到達，平日費用為￥770円 (星期六、日、假日用ETC費用為￥540円)
.webp)
行不收費公路就需要行駛34.3公里用時52分鐘，（不過如果唔行收費公路，其實就冇需要停呢個休息站，但係喺度都寫埋畀大家睇）
.webp)
下圖就係第2日行程嘅安排
.webp "茨城自駕遊 ~ 朝聖【神磯鳥居｜大洗磯前神社】、道之駅【友部服務區（下行）】掃貨")
呢個道之駅位於「茨城縣笠間市」，喺「常磐自動車道」去「水戶市」前嘅一個大型SA。2010年經過大翻新，而家又乾淨又企理
嚟到目的地真係出乎意外，超級多車泊咗喺度，今日係星期一，真係估唔到🤔
原因可能係呢度唔單止係一個休息站，直頭係一個「茨城」名物掃貨熱點
呢個服務站有間非常大嘅 ~
Starbucks Coffee
營業時間：
星期一至日07:00–21:00
星巴克咖啡
非常適合帶一杯咖啡繼續路程，不過在週末及日本連假，呢度經常有排隊人潮
跟住喺戶外有2間外賣food court，一間叫 ~
納豆DOG
營業時間：
星期六、日07:00–17:00
星期一至五08:00–16:00
呢間店舖嘅［納豆熱狗］（納豆ドッグ），將「茨城」最著名嘅（水戶納豆）與美式熱狗結合，鍾意挑戰新奇口味嘅朋友，試過記得話我聽好唔好味
另一間店舖係 ~
友部あんこう焼き
營業時間：
星期六、日07:00–17:00
星期一至08:00–15:00
呢間店舖一樣有一款名物叫鮟鱇魚燒（あんこう焼き），而且為下行線限定嘅特色點心（上行線買不到㗎），外形係「茨城」名產（鮟鱇魚），裡面包裹著香甜嘅小豆或奶油內餡，（我覺得即係鯛魚燒），所以我都冇試到，我反而食咗另一款較為特別嘅上州もち豚まん（上州糯米豬肉包）， 顧名思義係採用100% 當地優質嘅上州もち豚（上州糯米豬/麻糬豬），食落肉質細緻且帶有獨特香甜嘅油脂，不過個包就太大，同埋食落會有啲滯
入到去室內會見到 ~
🍱美食廣場（フードコート）
Umaimon Dokomobe
呢度嘅🍜（美食廣場） 有好多選擇，雖然出名嘅（蜆拉麵）只係（上行線）先有，但（下行線）都有（常陸蕎麥麵）同（手打蕎麥麵）可以試
「道之駅友部（下行）」嘅餐飲美食，仲有以下幾間：
| 店舖名稱 | 營業時間 特式美食 |
|---|---|
| 手打ち蕎麦処 常陸庵 Soba noodle shop |
星期一至日10:00–20:30 手工蕎麥麵：由「日立市」知名老店監製的蕎麥麵，湯頭鮮美，配上在地蔬菜天婦羅非常道地 |
| Tomobe.Deli 外帶咖啡專賣店 |
星期一至五08:00–18:00 星期六、日07:00–19:00 |
| 丼・どん Syokudo and Teishoku restaurant |
星期一至日07:00–22:00 筑波山炙燒豬肉丼（筑波山とん丼）：美食廣場的超人氣王，將片片豐盛的茨城名產豬肉層層堆疊成「肉山」，視覺震撼且香氣濃郁 |
| 麺や 村里木 拉麵店 |
星期一至日07:00–22:00 |
| 里のうどん 兎や 烏冬專門店 |
24 小時營業 |
咁多間餐飲店任你選擇，喺度真係唔怕會肚餓
跟住見到仲有下面呢間麵包店 ~
Bread's Court
ブレッズ コート
營業時間：
星期一至五07:00–17:00
星期六、日07:00–19:00
Bread's Court 嘅麵包，最多人推薦嘅係（脆皮咖哩麵包）以及濃郁的（蘋果乳酪麵包）
呢個服務區原來有設計主題👉主題叫『常陸的里山』
即係外觀融合咗江戶時代「水戶地區」嘅武家屋敷（武士住宅）與傳統土藏（倉庫）風格，並擁有一個充滿綠意、俾旅客放鬆散步嘅中央治癒系庭園，（真係唔睇資料，我都唔知道係有設計嘅🤔）
跟住輪到大家都好喜歡嘅購物環節 ~
ショッピングコーナー 友部SA 下り
（紀念品商店）
營業時間：24 小時
嘩！我真係冇寫錯㗎，24小時營業係乜嘢概念🤔
唔好以為真係冇人呀，只不過係用咗（魔法消除），先至唔見曬啲人，其實呢個購物區真係人頭湧湧
跟住我哋睇下有咩特別嘢賣先 ~
「茨城縣」係納豆出名嘅產地，呢度有齊各式各樣嘅納豆商品
除咗納豆，梅子亦係好受歡迎，呢度嘅商品包括咗梅子海帶茶、梅子米餅、納豆梅子
下圖呢款（番薯批）喺「茨城縣」嘅手信榜排行第一，食嘅時候可以放入焗爐，焗熱先至食用更好味
跟住「茨城」出名嘅仲有 ~
栗子同蜜瓜
所以好多手信都係（栗子饅頭、蜜瓜奶油餅乾、蜜瓜曲奇、蜜瓜奶油大福）
下圖呢款係服務區獨家原創產品 ~
友部チゅーず（Tomobe Chūzu）
呢款甜點結合咗芝士與柚子風味，食落帶有清爽嘅香氣，我都覺得有啲吸引，不過可惜我長期服用嘅葯物，註明不可服用柚子😔，大家有機會食到時，記得話我聽是否好味😋
以下呢款係限定販售嘅芝士美食 ~
ベイクドチーズあんよ（烤起司あんよ）
添加咗核桃嘅烤芝士，睇落都幾吸引
呢邊主要係「茨城縣」嘅特產，例如有（紅豆麻糬饅頭）、栗子、蕃薯等加工點心
「茨城縣「嘅「笠間市」盛產栗子，連去神社都可以求栗子簽，所以喺休息區真係見到好用多栗子製成嘅手信
下圖呢款亦係服務區限定販售嘅特色美食 ~
スタミナ中華まん（活力拉麵肉包），其實構思就係嚟自「茨城縣」知名嘅當地美食スタミナラーメン（活力拉麵），將活力拉麵招牌嘅甘辛醤油あん（甜辣醬油勾芡內餡）包喺肉包裡面，呢款包點真係夠曬特色
以下呢款美食就嚟自「千葉縣」嘅「菜花の里」，佢哋嘅知名產品千葉青のり揚げ海老せんべい（千葉青海苔炸蝦餅），亦都係非常受歡迎嘅手信
下面呢款大家都應該經常見到同食過 ~
（Calbee）推出的ご当地Jagabee大集合，將平時只能夠喺特定地區，先至可以買到嘅 Jagabee 脆薯條一次收集，打破地區販售限制。常見嘅地區限定口味包括有 ~
- 東北限定👉毛豆（ずんだ）
- 味信州（長野）限定👉山葵醬油（わさび醤油）
- 東海限定👉雞翅（手羽先）
- 關西限定👉章魚燒（たこ焼き）
- 九州限定👉柚子明太子
- 東京限定👉咖哩（東京カリー）
咁多手信總有一兩樣啱心水，購物完成之後，我哋就繼續開車出發去下一個景點 ~
⛩️ 神磯鳥居
地址：茨城縣東茨城郡大洗町磯浜町6890
電話：029-267-2637
🔻開放時間：
▶️5月至8月：05:30-18:00
▶️9月至4月：06:00-17:00
🔔禱告請求時間：09:00-15:30
🔔禦朱印請求時間：08:30-16:30
停車收費：免費（從日出到19:00）
🔻公共交通：
▶️方法一（最推薦）： 喺「東京站/上野站」乘搭《JR常磐線特急線》去到「水戶站」（約75-90分鐘），然後喺「水戶站北口3號巴士站」乘搭《茨城交通巴士50號》（往「那珂湊站」方向），約30分鐘喺「大洗神社前站」落車，行幾步就到
▶️方法二： 搭到「水戶站」後轉《鹿島臨海鐵道-大洗鹿島線》去「大洗站」（約15分鐘），再轉乘《大洗海遊號巴士》約15分鐘，喺「大洗磯前神社站」落車即達。由「大洗站」行路嘅話要行成40分鐘，唔建議
由「道之駅友部（下行）」開車行收費公路28.7公里約29分鐘就可以到達，平日費用為￥790円 (星期六、日、假日用ETC費用為￥560円)
.webp)
行不收費公路就需要行駛28.7公里用時29分鐘，（不過如果唔行收費公路，其實都就冇需要由道之駅開車過嚟，但都係嗰句，喺度寫埋畀大家睇）
.webp)
「神磯鳥居」並唔喺神社正門，而係矗立喺神社對出海岸嘅礁岩之上，當然你可以選擇將架車停泊喺神社，再行長長嘅樓梯落嚟，但我哋呢啲懶人，梗係泊喺鳥居附近嘅停車場行過去 ~
大洗公園 駐車場（免費泊車）
MAPCODE：
239 536 575 *62
由停車場步行240 公尺約4 分鐘就可以到達
鳥居向住「太平洋」，我哋沿路行去鳥居，都可以睇到遼闊嘅「太平洋」
「太平洋」不同層次嘅藍色，同我喺「花蓮」見到嘅一咁靚
呢個鳥居唔係一般喺陸地上嘅鳥居，而係矗立喺「太平洋」岸邊嘅礁石上面，而鳥居最出名嘅，就係『海上日出Magic Moment』，因為鳥居面向東方，當太陽由「太平洋」海平面升起嗰陣，光線會直接穿透鳥居，成個鳥居俾晨光染成金紅色，再加上海浪喺下面拍打礁石激起白色浪花——真係神級靚景，冇誇張！
就好似呢張一樣😍，都係出自我手，不過就經過後期加工，並非真係晨咁早去影😅
終於見到呢座石做嘅白色鳥居，鳥居旁邊豎立咗一塊石碑👇
神磯顕彰之碑
碑文上記錄咗西元856年（神明大己貴命與少彥名命）降臨此處礁岩嘅傳說，以及創建呢座古老神社嘅歷史淵源
唔好以為得朝早靚，連水戶黃門本名德川光圀（他一生學術成就極高，主編了巨著《大日本史》，在日本民間亦是著名傳奇人物），連佢都偏愛月光下嘅神磯鳥居，仲作咗首歌謠讚嘆：「荒磯の岩にくだけて散る月を 一つになしてかへる浪かな」（意思大約係：拍打在荒涼岩礁上而碎散的月影，隨著退去的浪潮，再度匯聚成原本圓滿的明月回到海中啊），意境一流
就算唔係日出時分嚟，神磯鳥居同樣懾人。黃昏時天色漸暗，鳥居喺海浪嘅襯托下顯得格外莊嚴；夜晚月光映照海面，又係另一種神秘美感
鳥居所在嘅礁石就係傳說中神明降臨嘅「神磯」，被視為極其神聖嘅『禁足地』
⚠️絕對唔可以爬出去，只可以喺岸邊堤防或者觀景台影相
想居高臨下睇得清楚啲同影靚相，就可以行去鳥居前面嘅 ~
神磯の舞台
呢座觀景台可以俯瞰「太平洋」同「神磯鳥居」
當然觀景台有欄杆，要同鳥居合照，就係冇咁完美
海邊風力強勁，各位如果嚟嘅時候，記得帶多件褸同做好防風準備
睇完「神磯鳥居」，當然要睇埋鳥居嘅神社 ~
⛩️大洗磯前神社
喺觀景台行返出大馬路，再向前行少少，就會見到「大洗磯前神社」嘅 ～
二の鳥居
由觀景台過去「二の鳥居」，要經過車來車往嘅馬路，大家記得留意車輛
嘩！😱由呢條樓梯影相見到嘅「三の鳥居」，高到未行都已經心跳加速😅，不過其實都係91級樓梯唔算太高
咁大家可能會問，點解得「二の鳥居」？咁「第一鳥居」喺邊度？
答案就係喺馬路上面，再向前行100米左右就會見到，大鳥居嘅位置就喺縣道上，橫誇兩邊行車線，目前嘅鳥居於 1963 年由混凝土建成，高 15.6 公尺，「大阪通天閣」和「東京鐵塔」嘅設計師內藤忠雄博士亦參與了建造
我哋呢啲懶人，梗係揸埋架車上去神社啦😅
神社呢邊都有停車場 ~
大洗磯前神社大型車駐車場
Oogatasha Parking Lot
MAPCODE：
239 535 445 *01
（由「大洗公園駐車場」開車行駛750公尺約4分鐘就可以到達）
神社建喺面向大海嘅高地上，所以要爬升一段小山坡
上神社嘅路唔係太窄，一啲都唔似電視播嘅『山旮旯睇樓團』😆
有非常大嘅停車場，免費泊車，喺度講少少神社嘅歷史先 ~
「大洗磯前神社」創建於西元856年（平安時代齊衡3年） ，已經有超過1100年歷史
相傳當年大國主命（大己貴命）同少彥名命兩位神明降臨喺「大洗」嘅磯前，（即係而家嘅「神磯」），而呢兩位神明被視為開運、醫藥、結緣、農漁豐收嘅守護神
行去神社途中會見到呢座 ~
鳥居建造紀念碑
『大鳥居（第一鳥居）』因為喺建造過程中嚴重受損，因此，成立咗重建委員會，並向信眾同信徒募集資金，所以就有咗呢個紀念碑
繼續行會見到 ~
参拝者休憩所
行冇幾耐又見到另一個紀念碑 ~
軍艦那珂 忠魂碑
那珂號『那嘉號戰艦』是「日本」海軍嘅巡洋艦，但於1944年2月17日沈沒，沉沒40年後，亦即係1983年，為咗紀念陣亡嘅士兵，就豎立咗呢座紀念碑，並於每年2月17日都會舉行紀念儀式
喺「忠魂碑』對面呢棵樹，樹幹姿態十分有趣，好似人類擘大雙腳撐起個大肚腩一樣😅
又！😱又又！！😱😱又見一塊紀念碑😱😱😱
呢塊紀念碑係紀念2011年3月11日，『東日本大地震』對神社嘅建築，造成了嚴重破壞，包括正殿、供奉殿和大門，2015年修復完成後，將天皇賜予嘅祭祀布供奉於神明面前，所以就有呢個紀念碑嘅出現了🤔
跟住行到入神社範圍，向左手邊望，就會見到神社嘅 ~
随神門
喺「随神門」旁邊同較後嘅位置就有，授与所、社務所、車祓所、御神水同齋館
呢座係「手水舎」
為了紀念神社1150 年，廟方特別在「手水舍」旁邊，用「茨城縣」當地名石👉（筑波石）設立咗『君之代』歌碑
上到嚟神社，最吸引人目光嘅就係 ~
三の鳥居
可以透過「三の鳥居」直接遠眺下面嘅「太平洋」海景，形成極具層次感嘅絕景
由呢度影落去「二の鳥居」，又唔覺得樓梯好長🤔
喺「三の鳥居」影完相，我地就由「隨神門」進入神社
「隨神門」建於1730年（江戶時代初期）、現被指定為『大洗町文化財產』
門前矗立著『備前燒』嘅（獅子犬）守護神像，守護著呢片聖地，（備前燒獅子犬）十分罕見，但亦有類似嘅（獅子犬）供奉喺「常磐神社」
由「隨神門」走入去就會見到 ～
拜殿
「拜殿」是一座兼具江戶時代初期建築美學與歷史嘅建築，現為『茨城縣指定有形文化財產』
喺「拜殿」前面，左右兩側共有六隻（每邊三隻）『石蛙』雕刻，因日文的青蛙發音（kaeru）與（歸來）、（平安回家）或（物歸原主）同音，摸過呢啲石蛙，就象徵祈求無事歸來、招好運與健康
由「隨神門」呢度望向「三の鳥居」，單一視覺好似直通大海一樣
順帶一提，神社隔離仲有間「酒列磯前神社」，兩間係兄弟神社，據講一齊參拜會運氣倍增㗎！（我哋今日晏啲都會去）
參觀完神社，我哋就出發去，今個行程最期待嘅一個景點 ~
（詳情請點擊連結觀看⬆⬆）
也謝謝您你的觀看❤️
發佈留言